完整藏文原文 · 德格版页 当前仅加载第 50 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་སྐྱེ་བ་ལས་ཡོངས་སུ་ཐར་བར་འགྱུར་བ་ནས་སེམས་ཅན་འཁྲུག་པའི་ཆོས་ཅན་རྣམས་འཁྲུག་པ་ལས་ཡོངས་སུ་ཐར་བར་འགྱུར་རོ། །ཀུན་དགའ་བོ་ངས་ཉན་ཐོས་རྣམས་ལ་ཡང་དག་པའི་ལྟ་བ་འབྱུང་བའི་རྒྱུ་གཉིས་དང་། རྐྱེན་གཉིས་ནི་འདི་ལྟ་སྟེ། གཞན་གྱི་སྒྲ་དང་། སོ་སོ་རང་གིས་ཚུལ་
D111.050.0123a01.01བཞིན་ཡིད་ལ་བྱེད་པའོ་ཞེས་གསུངས་པ་ཡང་དེ་ཡིན་ཏེ། ཀུན་དགའ་བོ་དེ་དག་ལས་གཞན་གྱི་སྒྲ་ནི་སངས་རྒྱས་བཅོམ་ལྡན་འདས་རྣམས་ལས་བྱུང་བར་རིག་པར་བྱའོ། །གང་སོ་སོ་རང་གི་ཚུལ་བཞིན་ཡིད་ལ་བྱེད་པ་དེ་ཡང་སངས་རྒྱས་བཅོམ་ལྡན་འདས་ཉིད་ལས་བྱུང་བར་རིག་པར་བྱའོ། །དེ་ཅིའི་ཕྱིར་ཞེ་
D111.050.0123a02.01ན། ཀུན་དགའ་བོ་འདི་ལྟར་བྱིས་པ་སོ་སོའི་སྐྱེ་བོ་རྣམས་ལ་སོ་སོ་རང་གི་ཚུལ་བཞིན་ཡིད་ལ་བྱེད་པ་མེད་པའི་ཕྱིར་རོ། །དེ་ཅིའི་ཕྱིར་ཞེ་ན། སངས་རྒྱས་རྣམས་མ་བྱུང་ན། བྱིས་པ་སོ་སོའི་སྐྱེ་བོ་རྣམས་ཅི་ཞིག་ཡིད་ལ་བྱ་བ་མི་ཤེས་ཀྱི་ཆོས་འདི་དག་ཡིད་ལ་བྱའོ་ཞེས་དེ་བཞིན་གཤེགས་པ་ཉིད་ཀྱིས་བསྟན་པའི་
D111.050.0123a03.01ཕྱིར་རོ། །ཀུན་དགའ་བོ་ངས་དོན་གྱི་གཞི་འདི་མཐོང་ནས་སོ་སོ་རང་གི་ཚུལ་བཞིན་ཡིད་ལ་བྱེད་པ་དེ་ཡང་སངས་རྒྱས་བཅོམ་ལྡན་འདས་རྣམས་ལས་བྱུང་བར་རིག་པར་བྱའོ་ཞེས་དེ་སྐད་བཤད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །སྐྱེས་བུ་དམ་པ་རྣམས་
D111.050.0123a04.01ནི་མཐོང་ན་ལེགས། །ཐེ་ཚོམ་རྣམས་ནི་གཅོད་ཅིང་སེལ་བར་བྱེད། །བྱིས་པ་རྣམས་ཀྱང་རབ་ཏུ་མཁས་པར་བྱེད། །དེ་བས་མཁས་པ་རྣམས་ནི་མཐོང་ན་ལེགས། །འཕགས་པ་རྣམས་ནི་མཐོང་ན་བདེ། །དམ་པ་རྣམས་དང་འགྲོགས་པའང་བདེ། །བྱིས་པ་རྣམས་ནི་མ་མཐོང་ན། །དམ་པ་རྣམས་ལ་རྟག་ཏུ་བདེ། །ཀུན་
D111.050.0123a05.01དགའ་བོ་འདི་ལྟ་སྟེ། དགེ་བའི་བཤེས་གཉེན་དང་། དགེ་བའི་གྲོགས་སུ་གྱུར་པ་དང་། དགེ་བའི་བཤེས་གཉེན་གྱ་གྱུ་མེད་པ་ཉིད་ནི་ཚངས་པར་སྤྱོད་པ་འདི་རྫོགས་པར་བྱེད་པའོ་ཞེས་བྱ་བ་ཡང་ངས་འདི་ལ་དགོངས་ཏེ་ཚིག་དེ་སྐད་སྨྲས་སོ། །དེ་ཅིའི་ཕྱིར་ཞེ་ན། ཀུན་དགའ་བོ་དགེ་བའི་བཤེས་གཉེན་ལ་བརྟེན་ནས་
D111.050.0123a06.01སེམས་དགེ་བར་འགྱུར་རོ། །སེམས་དགེ་བས་བསམ་པ་དགེ་བར་འགྱུར། སྦྱོར་བ་དགེ་བར་འགྱུར། དགེ་བའི་ཆོས་ལ་སེམས་དང་བར་འགྱུར། དགེ་བའི་ཆོས་ལ་ཉེ་བར་གནས་པར་འགྱུར། སངས་རྒྱས་བཅོམ་ལྡན་འདས་རྣམས་ལ་ཤེས་ནས་དད་པར་འགྱུར། ཆོས་ལ་ཤེས་ནས་དད་པར་འགྱུར། དགེ་འདུན་ལ་ཤེས་
D111.050.0123a07.01