完整藏文原文 · 德格版页 当前仅加载第 50 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
བརྩེ་བའི་ཕྱིར་བྱ་བ་དེ་དག་ངས་བྱས་ཀྱིས། ད་ནི་ཁྱེད་ཀྱིས་ཅི་ནས་ཀྱང་དགེ་བའི་ལམ་རྒྱུན་ཆད་པར་མི་འགྱུར་བ་དང་། དམ་པའི་ཆོས་ཀྱི་ཚུལ་ནུབ་པར་མི་འགྱུར་བར་གྱིས་ཤིག །ཀུན་དགའ་བོ་ཅི་ནས་ཀྱང་དམ་པའི་ཆོས་ཀྱི་ཚུལ་འདི་ཡུན་རིང་དུ་གནས་པར་འགྱུར་བ་དང་། ལྷ་དང་མི་རྣམས་ལ་ཡངས་ཤིང་རྒྱ་
D111.050.0125a01.01ཆེར་འགྱུར་བར་གྱིས་ཤིག །ཀུན་དགའ་བོ་ཆོས་དཀོན་མཆོག་གི་མཛོད་འདི་ཅི་ནས་ཀྱང་རབ་ཏུ་མི་འཇིག་པར་བྱ་བའི་ཕྱིར་ངས་ཁྱོད་ལ་གཏད་དོ། །འདི་ནི་ངས་རྗེས་སུ་བསྟན་པའོ། །འདི་ནི་ངའི་རྗེས་སུ་བསྟན་པའོ། །དམ་པའི་ཆོས་ཡོངས་སུ་གཏད་པ་ཞེས་བྱ་བའི་ལེའུ་སྟེ་བཅུ་གཉིས་པ་རྫོགས་སོ།། །།
D111.050.0125a02.01དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཇི་ལྟར་བསྒྲུབ་པར་བགྱི། བཅོམ་ལྡན་འདས་བདག་གིས་ཇི་ལྟར་བསྒྲུབས་ན་དམ་པའི་ཆོས་ཀྱི་ཚུལ་འདི་ཡུན་རིང་དུ་གནས་པ་དང་། ལྷ་དང་མི་རྣམས་ལ་ཡངས་ཤིང་རྒྱ་ཆེ་བར་འགྱུར། བཅོམ་ལྡན་
D111.050.0125a03.01འདས་ཆོས་ཀྱི་ཚུལ་འདི་བདག་གིས་ཇི་ལྟར་ཡང་དག་པར་བསྡུ་བར་བགྱི། ཇི་ལྟར་རབ་ཏུ་བསྟན་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ང་ཡོངས་སུ་མྱ་ངན་ལས་འདས་པའི་འོག་ཏུ་དགེ་སློང་གནས་བརྟན་དག་འདུས་ནས་ཆོས་
D111.050.0125a04.01དང་འདུལ་བ་ཡང་དག་པར་སྡུད་པར་བྱེད་དེ། དེ་ལ་ཀུན་དགའ་བོ་གནས་བརྟན་འོད་སྲུང་ཆེན་པོ་ལ་སོགས་པ་དགེ་སློང་གནས་བརྟན་དག་ཁྱོད་ལ་འདི་སྐད་འདྲིའོ། །ཀུན་དགའ་བོ་དེ་བཞིན་གཤེགས་པས་བསྟན་པ་ཆེན་པོ་དག་གང་དུ་གསུངས། གླེང་གཞི་ཆེན་པོའི་རྣམ་གྲངས་དག་གང་དུ། མཉམ་པར་བཞག་པ་ཆེན་
D111.050.0125a05.01པོ་གང་དུ། ལྔ་པ་དང་གསུམ་པ་གང་དུ། ལྷས་ཞུས་པ་དག་གང་དུ། བརྒྱ་བྱིན་གྱིས་ཞུས་པ་དག་གང་དུ། ལྷ་ཡུལ་ནས་བབས་པ་གང་དུ། ཚངས་པའི་དྲི་བ་གང་དུ་གསུངས་ཞེས། ཀུན་དགའ་བོ་དགེ་སློང་དེ་དག་རྣམ་གྲངས་དེ་དག་གིས་ཁྱོད་ལ་དེ་སྐད་འདྲི་བར་འགྱུར་རོ། །ཀུན་དགའ་བོ་དེ་བཞིན་གཤེགས་པས་མདོའི་སྡེ་
D111.050.0125a06.01དག་གང་དུ་གསུངས། དབྱངས་ཀྱིས་བསྙད་པའི་སྡེ་དང་། ལུང་བསྟན་པའི་སྡེ་དང་། ཚིགས་སུ་བཅད་པའི་སྡེ་དང་། ཆེད་དུ་བརྗོད་པའི་སྡེ་དང་། གླེང་གཞིའི་སྡེ་དང་། རྟོགས་པ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པ་རབས་ཀྱི་སྡེ་དང་། ཤིན་ཏུ་རྒྱས་པའི་སྡེ་དང་། རྨད་དུ་བྱུང་བའི་ཆོས་ཀྱི་སྡེ་དང་།
D111.050.0125a07.01