完整藏文原文 · 德格版页 当前仅加载第 50 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
པ། ཕན་པ་འདོད་པ། བདེ་བར་འདོད་པ། གྲུབ་པ་དང་བདེ་བ་འདོད་པ་དེ་དག་ཀྱང་བང་མཛོད་ཚིག་པའི་མེ་དེ་མཐོང་ལ། བང་མཛོད་དེ་དག་གི་མེ་གསད་པ་ལ་གཡེལ་བར་གནས་ན་མེའི་ཕུང་པོ་དེས་རྒྱ་ཆེར་བང་མཛོད་ཐམས་ཅད་ཚིག་པར་འགྱུར་རམ། གསོལ་པ།
D111.050.0115a01.01བཅོམ་ལྡན་འདས་དེ་ལྟ་ལགས་སོ། །བདེ་བར་གཤེགས་པ་དེ་ལྟ་ལགས་སོ། །བཀའ་སྩལ་པ། ཀུན་དགའ་བོ་དེ་བཞིན་དུ་ངས་བསྐལ་པ་གྲངས་མེད་པ་བྱེ་བར་དགེ་བའི་རྩ་བས་བསྒྲུབས་པའི་ཆོས་དཀོན་མཆོག་གི་བང་མཛོད་བླ་ན་མེད་པ་འདི་འཇིག་ཅིང་མི་སྣང་བར་གྱུར་པ་ན་དགེ་
D111.050.0115a02.01སློང་གང་མ་དད་པ་ཚུལ་ཁྲིམས་འཆལ་པ། སྡིག་པའི་ཆོས་ཀུན་ཏུ་སྤྱོད་པ། འཕྱར་བ་སྔོན་དུ་འགྲོ་བ། རབ་ཏུ་དབེན་པ་ལ་བརྩོན་པ་བོར་བ། སྙོམ་ལས་ཅན་ལེ་ལོ་ཅན་ཐོས་པ་ཉུང་བ་དག་འབྱུང་སྟེ། ཉན་པ་ལ་འདུན་པར་ཡང་མི་འགྱུར་ན་ཆོས་དཀོན་མཆོག་འདི་ཡང་དག་པར་
D111.050.0115a03.01གཟུང་བའི་ཕྱིར་གཞན་དག་ཉན་དུ་འཇུག་པར་ལྟ་ག་ལ་འགྱུར་བ་དེ་ལྟ་བུ་དག་འབྱུང་ངོ་། །བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་རྣམས་ནི་ཆོས་དཀོན་མཆོག་གི་བང་མཛོད་འདི་ལྟ་བུ་མེས་ཚིག་པ་མཐོང་ན་མེ་དེ་གསད་པ་ལ་གཡེལ་བར་གནས་ན། ཀུན་དགའ་བོ་དེ་ཇི་སྙམ་དུ་སེམས་
D111.050.0115a04.01ཆོས་དཀོན་མཆོག་འདི་ལྟ་བུ་ལས་ཡོངས་སུ་ཉམས་པར་མི་འགྱུར་རམ། དགེ་སློང་གང་དགྲ་བཅོམ་པ་ཟག་པ་ཟད་པ་དེ་དག་ཀྱང་འདུས་མ་བྱས་མངོན་སུམ་དུ་བྱས་ནས་ཆོས་བཤད་པ་དང་རབ་ཏུ་བསྟན་པ་ཡལ་བར་འདོར་བར་གནས་པ་དག་འབྱུང་སྟེ། དེ་དག་གིས་ཀྱང་སྟོན་པ་ལ་བསྙེན་
D111.050.0115a05.01བཀུར་བྱས་པར་མི་འགྱུར་ལ། ངའི་དམ་པའི་ཆོས་ཀྱང་ཡོངས་སུ་གཟུང་བར་མི་འགྱུར་ཏེ། ཆོས་དཀོན་མཆོག་གི་མཛོད་བླ་ན་མེད་པ་དེ་ལྟར་མ་བཤད་པ་དང་ཀློག་ཏུ་མ་བཅུག་པས་ནུབ་པར་འགྱུར་རོ། །གསོལ་པ། བཅོམ་ལྡན་འདས་དེ་ལྟ་ལགས་སོ། །བདེ་བར་གཤེགས་པ་དེ་
D111.050.0115a06.01ལྟ་ལགས་སོ། །ཀུན་དགའ་བོ་ཅི་ནས་འདིར་སྐྱེས་བུ་མཁས་པ་ཁ་ཅིག་དཔེས་སྨྲས་པའི་དོན་ཤེས་པར་འགྱུར་ཞིང་དོན་འདི་རྒྱ་ཆེར་ཡོངས་སུ་རྫོགས་པར་བྱ་བའི་ཕྱིར་ཁྱོད་ལ་དཔེ་བསྟན་པར་བྱའོ། །ཀུན་དགའ་བོ་འདི་ལྟ་སྟེ་དཔེར་ན་མི་ལ་ལ་མཚན་མོ་མུན་པ་རབ་ཏུ་གནག་པ་ན་རྩྭའི་
D111.050.0115a07.01