完整藏文原文 · 德格版页 当前仅加载第 50 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་ཉམས་པར་འགྱུར་རོ། །ཀུན་དགའ་བོ་ངས་དོན་འདིའི་དབང་ལ་བརྟེན་ནས་བསྐལ་པ་གྲངས་མེད་པ་བྱེ་བར་བསྒྲུབས་པའི་སངས་རྒྱས་ཀྱི་བྱང་ཆུབ་འདི་ཁྱོད་ལ་གཏད་ཀྱིས་སེམས་ཅན་དེ་དག་ཆོས་དཀོན་མཆོག་གི་མཛོད་འདི་ལྟ་བུ་ལས་ཡོངས་སུ་མ་ཉམས་པར་
D111.050.0116a01.01གྱིས་ཤིག །ཀུན་དགའ་བོ་འདི་ལ་སྐྱེས་བུ་མཁས་པ་ཁ་ཅིག་དཔེས་སྨྲས་པའི་དོན་ཤེས་པར་འགྱུར་ཏེ་དེའི་ཕྱིར་ཁྱོད་ལ་དཔེ་བསྟན་པར་བྱའོ། །ཀུན་དགའ་བོ་འདི་ལྟ་སྟེ་དཔེར་ན་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བའི་བུ་གཅིག་པ་ཞིག་ཡོད་པ་བྱེས་སུ་སོང་སྟེ། དེ་བྱེས་སུ་
D111.050.0116a02.01སོང་བའི་འོག་ཏུ་རྒྱལ་པོ་རྒྱལ་རིགས་དེ་ན་བར་གྱུར་ལ་དེ་ན་བར་གྱུར་པ་དང་། རིན་པོ་ཆེའི་མཛོད་མང་པོ་རིན་པོ་ཆེ་ལ་མཁས་པ་གཏམས་པ་འཆང་བ་རྣམས་ཀྱི་ལག་ཏུ་གཏད་དེ། ཁྱིམ་བདག་རྣམས་ངའི་བུ་བྱེས་སུ་སོང་བ་ནམ་དེ་བྱེས་ནས་སླར་ལོག་པར་གྱུར་ལ་རྒྱལ་པོར་ཡང་བཅུག་པར་
D111.050.0116a03.01གྱུར་པ་དེ་ན་ཁྱེད་ཀྱིས་རིན་པོ་ཆེའི་མཛོད་མང་པོ་འདི་ཁྱོད་ཀྱི་ཕ་འཆི་བའི་དུས་བྱེད་པ་ན་བཞག་པ་ཡིན་ནོ་ཞེས་བྱོས་ལ། རིན་པོ་ཆེའི་མཛོད་མང་པོ་འདི་དེ་ལ་བྱིན་ཅིག་ཅེས་དེ་སྐད་ཀྱང་སྨྲས་ནས་དེ་ལྟར་རྒྱལ་པོ་དེས་ཤིན་ཏུ་ལེགས་པར་གཏམས་ཏེ་འཆི་བའི་དུས་བྱས་ལ་དེ་འཆི་བའི་དུས་བྱས་
D111.050.0116a04.01པའི་འོག་ཏུ་རྒྱལ་པོའི་བུ་དེ་བྱེས་ནས་སླར་ལོག་སྟེ་རྒྱལ་པོར་ཡང་བཅུག་ལ་གསེར་གྱིས་བསྒྱུར་བ་དང་། ཁྱིམ་བདག་དེ་དག་ལ་སོ་སོར་བཞག་པ་རྒྱལ་པོའི་བུ་རྒྱལ་སྲིད་ཀྱི་དབང་ཕྱུག་ཐོབ་པ་རྒྱལ་སྲིད་ལ་གནས་པ་དེ་ལ་རིན་པོ་ཆེའི་མཛོད་མ་བྱིན་ན། ཀུན་དགའ་བོ་དེ་ཇི་སྙམ་དུ་སེམས།
D111.050.0116a05.01གསེར་གྱིས་བསྒྱུར་བའམ། ཁྱིམ་བདག་དེ་དག་རྒྱལ་པོ་དེ་ལ་ཉེས་པར་བྱེད་པ་ཡིན་ནམ། གསོལ་པ། བཅོམ་ལྡན་འདས་དེ་ལྟ་ལགས་སོ། །བདེ་བར་གཤེགས་པ་དེ་ལྟ་ལགས་སོ། །བཀའ་སྩལ་པ། ཀུན་དགའ་བོ་དོན་ཤེས་པར་བྱ་བའི་ཕྱིར་ངས་ཁྱོད་ལ་དཔེ་བསྟན་པ་དེ་ལ་
D111.050.0116a06.01དོན་དུ་ལྟ་བ་གང་ཞེ་ན། ཀུན་དགའ་བོ་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ཞེས་བྱ་བ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཀྱི་རྒྱལ་པོ་ཆེན་པོའི་ཚིག་{བླ་དགས་,བླ་དྭགས་}སོ། །ཀུན་དགའ་བོ་བུ་གཅིག་པ་ཞེས་བྱ་བ་དེ་ནི་མ་འོངས་པའི་རིགས་ཀྱི་
D111.050.0116a07.01