完整藏文原文 · 德格版页 当前仅加载第 50 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་ལ་ཡོན་ཕུལ་བ་དེ་ལྟར་རྫུ་འཕྲུལ་ཆེའོ། །ཀུན་དགའ་བོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དགྲ་བཅོམ་པས་ཡོངས་སུ་གང་བ་ལ་བསྙེན་བཀུར་བྱེད་པ་ལྟའང་ཞོག་ལ། ཀུན་དགའ་བོ་གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རང་
D111.050.0088b01.01སངས་རྒྱས་ཀྱིས་ཡོངས་སུ་གང་བར་གྱུར་པ་འདི་ལྟ་སྟེ། བུ་རམ་ཤིང་སྟུག་པོའམ། འདམ་བུ་སྟུག་པོ་ནས་རྩྭ་ཀུ་ཤ་སྟུག་པོའི་བར་ལྟ་བུར་གྱུར་པ་དེ་དག་ལ་འགའ་ཞིག་ཇི་སྲིད་འཚོའི་བར་དུ་བདེ་བའི་ཡོ་བྱད་ཐམས་ཅད་དང་། བདེ་བ་ལ་རེག་པར་གནས་པར་འགྱུར་བ་ཐམས་ཅད་ཀྱིས་བསྟི་
D111.050.0088b02.01སྟང་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང་རང་སངས་རྒྱས་དེ་དག་ཡོངས་སུ་མྱ་ངན་ལས་འདས་པ་རྣམས་ཀྱི་མཆོད་རྟེན་རིན་པོ་ཆེ་སྣ་བདུན་ལས་བྱས་ཏེ། དེ་དག་ལ་ཡང་ཇི་སྲིད་འཚོའི་བར་དུ་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་
D111.050.0088b03.01དང་། གདུགས་དང་། རྒྱལ་མཚན་དང་། བ་དན་ཐམས་ཅད་ཀྱིས་བསྟི་སྟང་བྱེད། བླ་མར་བྱེད་པ་ནས་མཆོད་པར་བྱེད་པའི་བར་དུ་བྱེད་ན། ཀུན་དགའ་བོ་དེ་ཇི་སྙམ་དུ་སེམས། དེ་གཞི་དེ་ལས་བསོད་ནམས་མང་དུ་སྐྱེད་དམ། གསོལ་པ་བཅོམ་ལྡན་འདས་མང་ལགས་སོ། །བདེ་བར་གཤེགས་
D111.050.0088b04.01པ་མང་ལགས་སོ། །བཀའ་སྩལ་པ། ཀུན་དགའ་བོ་གང་བསོད་ནམས་ཀྱི་ཕུང་པོ་འདི་ནི་གང་དེ་བཞིན་གཤེགས་པ་ལ་ཐ་ན་སེམས་བསྐྱེད་པ་གཅིག་གིས་སེམས་རབ་ཏུ་དང་བས་རྗེས་སུ་དྲན་པ་དང་། སངས་རྒྱས་ཀྱི་ཡོན་ཏན་རྣམས་ལ་དད་པ་དང་རྟོག་པ་དང་མོས་པ་དང་། དེ་བཞིན་གཤེགས་པ་
D111.050.0088b05.01རྣམས་ཀྱི་ཡེ་ཤེས་ནི་བསམ་གྱིས་མི་ཁྱབ་བོ་ཞེས་ཚིག་ཏུ་སྨྲ་བ་ནི་ཀུན་དགའ་བོ་སེམས་དང་བའི་དགེ་བའི་རྩ་བ་འདི་ལ་རང་སངས་རྒྱས་ལ་བསྐྱེད་པའི་བསོད་ནམས་ཀྱི་ཕུང་པོ་སྔ་མས་ཐ་ན་ཆ་ནས་རྒྱུའི་བར་དུ་ཡང་ཉེ་བར་མི་འགྲོའོ། །དེ་ཅིའི་ཕྱིར་ཞེ་ན། ཀུན་དགའ་བོ་སངས་རྒྱས་བཅོམ་ལྡན་འདས་རྣམས་
D111.050.0088b06.01ཀྱི་བྱམས་པ་དཔག་ཏུ་མེད། སྙིང་རྗེ་ཆེན་པོ་དཔག་ཏུ་མེད། ཚུལ་ཁྲིམས་དཔག་ཏུ་མེད། ཏིང་ངེ་འཛིན་དཔག་ཏུ་མེད། ཤེས་རབ་དཔག་ཏུ་མེད། རྣམ་པར་གྲོལ་བ་དཔག་ཏུ་མེད། རྣམ་པར་གྲོལ་བའི་ཡེ་ཤེས་མཐོང་བ་དཔག་ཏུ་མེད། ཡང་དག་པར་འགྲུབ་པ་དཔག་ཏུ་མེད། རྟོགས་པ་དཔག་ཏུ་
D111.050.0088b07.01