完整藏文原文 · 德格版页 当前仅加载第 50 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་ཕྱིར་གཏད་པ་ལྟ་ཅི་སྨོས། ཀུན་དགའ་བོ་དེ་བས་ན་བསྐལ་པ་གྲངས་མེད་པ་བྱེ་བར་བསྒྲུབས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་དང་། དམ་པའི་ཆོས་དཀོན་མཆོག་གི་མཛོད་འདི་ཁྱོད་ལ་གཏད་ཀྱིས་ཅི་ནས་ཀྱང་འཁོར་བཞི་པོ་དད་པ་རྣམས་ལ་རྗེས་སུ་འཐུན་
D111.050.0112b01.01པར་བྱ་བ་དང་། འཇུག་པ་དང་། བཤད་པ་དང་། གདགས་པ་དང་། དགྲོལ་བ་དང་། རྣམ་པར་དབྱེ་བ་དང་། གསལ་བར་བྱོས་ཤིག །སྐྱེས་བུ་ཐ་མ་པར་མ་གྱུར་ཅིག །ཀུན་དགའ་བོ་གང་མདོ་སྡེ་འདི་ལྟ་བུ་དག་མ་ཐོས་པས་ཡོངས་སུ་ཉམས་པར་འགྱུར་བའི་སེམས་ཅན་དག་ཡོད་
D111.050.0112b02.01དོ། །ཀུན་དགའ་བོ་དེ་ལ་སྐྱེས་བུ་མཁས་པ་ཁ་ཅིག་དཔེས་སྨྲས་པའི་དོན་ཤེས་པར་འགྱུར་ཏེ་དེའི་ཕྱིར་ཁྱོད་ལ་དཔེ་བསྟན་པར་བྱའོ། །ཀུན་དགའ་བོ་འདི་ལྟ་སྟེ་དཔེར་ན་ཚོང་དཔོན་ནམ་ཁྱིམ་བདག་ཕྱུག་པ། ནོར་ཆེ་བ། ལོངས་སྤྱོད་ཆེ་བ། བདག་དབང་བ་མང་བ། རྫས་དང་ཡོ་བྱད་མང་
D111.050.0112b03.01བ། ནོར་དང་འབྲུ་མང་བ། བདག་དབང་བའི་སྐྱེ་བོ་མང་བ། མཛོད་དང་བང་བ་མང་བ་ཞིག་ཡོད་པ་དེའི་བུ་གཅིག་པ་ཞིག་བྱེས་སུ་སོང་བར་གྱུར་ལ་ཚོང་དཔོན་ནམ་ཁྱིམ་བདག་དེ་ཡང་ན་ཞིང་མི་བདེ་ལ་ཤིན་ཏུ་སྡུག་བསྔལ་བར་གྱུར་ཏེ་དེ་འཆི་བའི་དུས་ལ་བབ་པའི་ཚེ། ཁྱིམ་བདག་གཞན་ཞིག་ལ་ནོར་
D111.050.0112b04.01བུ་དང་། མུ་ཏིག་དང་། བཻ་དཱུརྱ་དང་། དུང་དང་། མན་ཤེལ་དང་། བྱི་རུ་དང་། གསེར་དང་། དངུལ་མང་པོ་དང་། རིན་པོ་ཆེ་མང་པོ་རྣམས་བཞག་སྟེ། དེས་རིན་པོ་ཆེ་དེ་དག་བཞག་ནས་ཚོང་དཔོན་ནམ་ཁྱིམ་བདག་དེ་ལ་འདི་སྐད་ཅེས་ཁྱེད་ཤེས་པར་གྱིས་ཤིག །ཁོ་བོའི་བུ་གཅིག་པ་
D111.050.0112b05.01དེ་ནི་བྱེས་སུ་སོང་། ཁོ་བོ་ནི་ད་ལྟ་ན་ཞིང་མི་བདེ་སྟེ། རིང་པོར་མི་ཐོགས་པར་ཁོ་བོ་འཆི་བའི་དུས་བྱེད་པར་འགྱུར་གྱིས། རིན་པོ་ཆེ་དང་བང་མཛོད་མང་པོ་འདི་དག་བུ་གཅིག་པ་དེའི་ཕྱིར་ཁྱོད་ཀྱི་ལག་ཏུ་གཞག་གོ། །ནམ་བདག་གི་བུ་གཅིག་པ་དེ་བྱེས་དེ་ནས་འོངས་ཏེ། དེ་བག་
D111.050.0112b06.01ཡོད་ལ་བག་ཡོད་པའི་ཆོས་ལ་གནས་པར་གྱུར་པ་དེ་ན་རིན་པོ་ཆེ་འདི་རྣམས་བྱིན་ཅིག །བྱིན་ནས་ཀྱང་འདི་སྐད་དུ་གཞོན་ནུ་ཁྱོད་ཀྱི་ཕ་འཆི་ཀར་རིན་པོ་ཆེ་མང་པོ་འདི་དག་ཁྱོད་ཀྱི་ཕྱིར་ང་ལ་བཞག་སྟེ་ཁྱོད་ཀྱི་ཕའི་ནོར་གྱི་ཚོགས་འདི་བདག་གི་ལོངས་སྤྱོད་ཡིན་གྱིས་ཁྱེར་ལ་བག་ཡོད་པར་
D111.050.0112b07.01