完整藏文原文 · 德格版页 当前仅加载第 50 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་གཏམས་པ་ལས། དེ་ལ་དཀོར་པ་དང་མངན་རྣམས་ལ་མཛོད་དང་བང་བ་དེ་ཕྱེ་ཡང་སྦྱིན་པ་དེ་སྦྱིན་པར་མི་བྱེད་ན། ཀུན་དགའ་བོ་དེ་ཇི་སྙམ་དུ་སེམས་དེ་ལ་སུས་ཉེས་པར་འགྱུར། གསོལ་པ། བཙུན་པ་བཅོམ་ལྡན་འདས་དཀོར་པ་དང་མངན་དེ་དག་གིས་ནོངས་པར་འགྱུར་
D111.050.0114a01.01གྱི། འཁོར་ལོས་སྒྱུར་བའི་རྒྱལ་པོས་ནི་མ་ནོངས་སོ། །བཀའ་སྩལ་པ། ཀུན་དགའ་བོ་དེ་བཞིན་དུ་ཆོས་ཀྱི་རྒྱལ་པོ་ངས་ཆོས་ཀྱི་བང་མཛོད་ཆེན་པོ་འདི་རབ་ཏུ་བསགས་ནས་བསྐལ་པ་གྲངས་མེད་པ་བྱེ་བར་བསྒྲུབས་པའི་ཆོས་དཀོན་མཆོག་གི་མཛོད་འདི་མངོན་པར་རྫོགས་པར་སངས་
D111.050.0114a02.01རྒྱས་ནས་ཡངས་ཤིང་རྒྱ་ཆེ་བར་བྱས་ཏེ་ལྷ་དང་མི་རྣམས་ལ་རྣམ་པར་ཕྱེ་ཞིང་རབ་ཏུ་བསྟན་ནོ། །གང་ངས་བསྟན་པའི་ཆོས་དེ་ཁྱོད་ལ་ཡང་རྣམ་པར་ཕྱེ་སྟེ་སྦྱིན་གྱིས་བྱིས་པ་སོ་སོའི་སྐྱེ་བོ་དང་། དགེ་སྦྱོང་དང་བྲམ་ཟེ་དང་། ཁྱིམ་བདག་དད་པ་དོན་ཡོད་པ། ཆོས་འདོད་པ་རྣམས་ཉན་དུ་ཆུག་ཤིག །
D111.050.0114a03.01ཀུན་དགའ་བོ་གལ་ཏེ་ངའི་ཆོས་དཀོན་མཆོག་གི་མཛོད་འདི་རྣམ་པར་ཕྱེ་ཞིང་ཡང་དག་པར་རབ་ཏུ་བསྟན་ཏེ་ཁྱོད་ཀྱི་ལག་ཏུ་གཏད་པ་དེ་བྲམ་ཟེ་དང་ཁྱིམ་བདག་དད་པ་རྣམས་ལ་མ་བསྟན། བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་དོན་དུ་གཉེར་ཅིང་འདུན་པ་དང་དད་པ་དང་ལྡན་ཞིང་དང་བ་རྣམས་
D111.050.0114a04.01ལ་མི་སྟོན་ན། དེ་ལྟ་ན་ནི་ཀུན་དགའ་བོ་ཁྱོད་ཀྱིས་དེ་བཞིན་གཤེགས་པ་ལ་ཉེས་པ་བྱས་པར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་ང་ནི་རྒྱལ་པོ་སྟེ་བླ་ན་མེད་པའི་ཆོས་ཀྱི་རྒྱལ་པོ། ཆོས་ཀྱི་འཁོར་ལོས་སྒྱུར་བ། ཆོས་དཀོན་མཆོག་གི་མཛོད་རྒྱ་ཆེན་པོ་མང་པོ་དང་ལྡན་པ། ཡོན་
D111.050.0114a05.01ཏན་གྱི་བང་མཛོད་མང་པོ་དང་ལྡན་པ། བྱང་ཆུབ་ཀྱི་ཕྱོགས་མང་པོའི་བདག་པོ། བྱང་ཆུབ་ཀྱི་ཡན་ལག་རིན་པོ་ཆེ་སྣ་བདུན་དང་ལྡན་པ། སྟོབས་བཅུ་དང་མི་འཇིགས་པ་བཞིའི་དབང་ཐོབ་པ་ཆོས་ཐམས་ཅད་ལ་དབང་སྒྱུར་བའོ། །འདི་ལྟ་སྟེ། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་ཆོས་
D111.050.0114a06.01ཀྱི་བང་མཛོད་ཇི་སྲིད་འཛིན་གྱི་བར་དུ་བྲམ་ཟེ་དང་ཁྱིམ་བདག་དད་པ་རྣམས་དང་། བྱིས་པ་སོ་སོའི་སྐྱེ་བོ་དད་པས་དོན་དུ་གཉེར་བ་དང་། འདུན་པ་དང་། ཆོས་འདོད་པ་དང་། ཆོས་ཀྱི་སྣོད་དུ་གྱུར་པ་རྣམས་ལ་མ་རྟོག་པར་བྱིན་ཅིག །སྐྱེས་བུ་ཐ་མ་པར་མ་གྱུར་ཅིག །ཀུན་དགའ་
D111.050.0114a07.01