完整藏文原文 · 德格版页 当前仅加载第 50 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་སྡུག་པ་དང་ཡིད་དུ་འོང་བ་ཐམས་ཅད་དང་ཐ་དད་དུ་འགྱུར་ཞིང་འགྱེས་པ་དང་འབྲལ་བ་དང་འབྱེ་བར་འགྱུར་བ་དང་། ཇི་སྲིད་ཡུན་རིང་དུ་གནས་ཀྱང་ངེས་པར་ཉམས་པར་འགྱུར་རོ་ཞེས་ཐོག་མ་ཉིད་དུ་མ་བསྟན་ཏམ། གསོལ་པ། བཅོམ་ལྡན་འདས་དེ་ལྟ་ལགས་སོ། །བདེ་བར་
D111.050.0075b01.01གཤེགས་པ་དེ་ལྟ་ལགས་སོ། །བཀའ་སྩལ་པ། སྒྲ་གཅན་ཟིན་གང་སྐྱེས་ཤིང་བྱུང་བ། འདུས་བྱས་པ། བསམས་པ། ཀུན་དུ་རྟོག་པ་ལས་བྱུང་བ། རྟེན་ཅིང་འབྲེལ་བར་བྱུང་བ་དེ་དག་འཇིག་པར་མི་འགྱུར་བ་དེ་ག་ལ་ཡོད་དེ། དེའི་གནས་མེད་དོ། །དེ་ནས་ཚེ་དང་ལྡན་པ་སྒྲ་
D111.050.0075b02.01གཅན་ཟིན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡབ་ཤཱཀྱ་ཐུབ་པ་དེ་རྗེས་སུ་དྲན་ནས་ཆོས་ཀྱི་ཤུགས་ཀྱིས་མཆི་མ་བྱུང་བར་གྱུར་ཏོ། །བདག་སང་ནང་པར་བཅོམ་ལྡན་འདས་དགེ་སློང་གི་དགེ་འདུན་གྱིས་མདུན་དུ་བདར་ཅིང་ཆོས་སྟོན་པ་མི་མཐོང་ངོ་། །
D111.050.0075b03.01རིའི་རྒྱལ་པོ་རི་རབ་རྒྱ་མཚོའི་ནང་ནས་མངོན་པར་བྱུང་ཞིང་ལྷག་གེར་སྣང་བ་ལྟ་བུ། ཟླ་བ་ཉ་བ་སྐར་མས་ཡོངས་སུ་བསྐོར་བ་ལྟར་མཚན་བརྒྱས་བརྒྱན་པ། ཉི་མ་འོད་སྟོང་དང་ལྡན་པ་ནམ་མཁའ་ལ་ཐལ་ལེར་སྣང་བ་ལྟ་བུ། རྒྱ་མཚོ་ལྟར་ཟབ་ཅིང་ཚད་མེད་ལ་རིན་པོ་ཆེ་དུ་མའི་ཚོགས་
D111.050.0075b04.01ཡོད་པ། འཁོར་ལོས་སྒྱུར་བའི་རྒྱལ་པོ་ལྟར་འཁོར་དུ་མས་ཡོངས་སུ་བསྐོར་བ། གངས་རིའི་རྒྱལ་པོ་ལྟར་དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་གི་མེ་ཏོག་ཀུན་དུ་རྒྱས་པ། རི་ཁོར་ཡུག་ཆེན་པོ་ལྟར་ཕས་ཀྱི་རྒོལ་བ་ཐམས་ཅད་ཀྱིས་རབ་ཏུ་མི་གཡོས་པ། པད་མ་
D111.050.0075b05.01ལྟར་མཚོའི་ནང་ན་འདུག་ཀྱང་འཇིག་རྟེན་གྱི་ཆོས་ཐམས་ཅད་ཀྱིས་མ་གོས་པ། ཚངས་པའི་འཁོར་གྱི་ནང་ན་ཚངས་པ་ལྟ་བུ། བརྒྱ་བྱིན་མིག་སྟོང་དང་ལྡན་པ་ལྟར་སེང་གེའི་གདན་ལ་བཞུགས་པ། སེང་གེ་ལྟར་འཇིགས་ཤིང་སྐྲག་པ་མེད་པར་སེང་གེའི་སྒྲ་ཡང་དག་པར་སྒྲོགས་
D111.050.0075b06.01པ། ཕྱིན་ཅད་བདག་གིས་མི་མཐོང་ངོ་ཞེས་ཚེ་དང་ལྡན་པ་སྒྲ་གཅན་ཟིན་གྱིས་དེ་སྐད་སྨྲས་ནས་ངུ་ཞིང་སེམས་ཁོང་དུ་ཆུད་དེ་ཅང་མི་སྨྲ་བར་འདུག་གོ། །དེ་ནས་དེ་བཞིན་གཤེགས་པ་དེད་དཔོན་གྱིས་ཚེ་དང་ལྡན་པ་སྒྲ་གཅན་ཟིན་ལ་འདི་སྐད་ཅེས་བཀའ་སྩལ་ཏོ། །སྒྲ་གཅན་ཟིན་ཁྱོད་
D111.050.0075b07.01