完整藏文原文 · 德格版页 当前仅加载第 50 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
བོ་ཁྱོད་གལ་ཏེ་བསྐལ་པ་གྲངས་མེད་པ་བྱེ་བར་བསྒྲུབས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་དང་། བླ་ན་མེད་པའི་ཆོས་དཀོན་མཆོག་གི་མཛོད་འདི་འཁོར་བཞི་རྣམས་ལ་ཡང་དག་པར་རབ་ཏུ་སྟོན་ན། དེ་ལྟ་ན་ནི་ཀུན་དགའ་བོ་ཁྱོད་དེ་བཞིན་གཤེགས་པ་ལ་ཉེས་པ་
D111.050.0114b01.01བྱེད་པར་མི་འགྱུར་རོ། །ཅི་སྟེ་ཡང་དག་པར་རབ་ཏུ་མི་སྟོན་ན་ཉེས་པ་བྱེད་པར་འགྱུར་རོ། །ཀུན་དགའ་བོ་དགེ་སློང་དགྲ་བཅོམ་པ་ཟག་པ་ཟད་པ་གང་འདུས་མ་བྱས་ཀྱི་ཆོས་རྗེས་སུ་ཐོབ་ནས་གཞན་ལ་མི་འཆད། ཡང་དག་པར་རབ་ཏུ་མི་སྟོན་པ་དེས་སྟོན་པ་ལ་བསྙེན་བཀུར་བྱས་
D111.050.0114b02.01པར་མི་འགྱུར། དེས་ངའི་དམ་པའི་ཆོས་ཡོངས་སུ་གཟུང་བར་མི་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལ་སྐྱེས་བུ་མཁས་པ་ཁ་ཅིག་དཔེས་སྨྲས་པའི་དོན་ཤེས་པར་འགྱུར་བས་ཁྱོད་ལ་དཔེ་བསྟན་པར་བྱའོ། །ཀུན་དགའ་བོ་འདི་ལྟ་སྟེ་དཔེར་ན་ཚོང་དཔོན་ནམ་ཁྱིམ་
D111.050.0114b03.01བདག་ཕྱུག་པོ་ནོར་ཆེ་བ། ལོངས་སྤྱོད་ཆེ་བ། བང་མཛོད་མང་བ། ནོར་དང་འབྲུ་དང་རྫས་དང་ཡོ་བྱད་མང་བ། ནོར་བུ་དང་། མུ་ཏིག་དང་། བཻ་དཱུརྱ་དང་། དུང་དང་། མན་ཤེལ་དང་། བྱི་རུ་དང་། དངུལ་མང་པོ་ཡོད་པ་དེ་ལ་ཕྱིར་རྒོལ་བའམ། དགྲ་བོ་འགའ་ཞིག་བང་མཛོད་དེར་མེ་
D111.050.0114b04.01གཏོང་བ་དང་། གང་དེ་དང་མི་མཛའ་བ་ཕྱིར་རྒོལ་བ་དགྲ་བོར་གྱུར་པ། མི་ཕན་པར་འདོད་པ། མི་བདེ་བར་འདོད་པ། གྲུབ་པ་དང་། བདེ་བ་མི་འདོད་པ་གཞན་དེ་དག་ཀྱང་བང་མཛོད་ཚིག་པའི་མེ་དེ་མཐོང་ནས་མེ་མི་གསོད་ཅིང་གཡེལ་བར་གནས་པ་དང་། གང་དེའི་མཛའ་བོ་ཕན་པར་འདོད་
D111.050.0114b05.01པ། བདེ་བར་འདོད་པ། གྲུབ་པ་དང་བདེ་བར་འདོད་པ་དེ་དག་གིས་ཀྱང་མེའི་ཕུང་པོ་ཆེན་པོ་དེས་ནོར་དང་འབྲུ་མང་པོ་དེ་དག་ཚིག་པ་མཐོང་ནས་གཡེལ་བར་གནས་པ་དང་། ཚོང་དཔོན་ནམ་ཁྱིམ་བདག་དེའི་མཛའ་བཤེས་དང་། ཉེ་དུ་དང་སྣག་གི་གཉེན་མཚམས་དོན་འདོད་པ་གྲུབ་པ་དང་བདེ་
D111.050.0114b06.01བར་འདོད་པ་དེ་དག་མེ་དེ་མཐོང་ནས་མེ་དེ་མི་གསོད་དེ་གཡེལ་བར་གནས་ན་ཡང་དག་པར་ཞུགས་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བདེ་བར་གཤེགས་པ་མ་ལགས་སོ། །བཀའ་སྩལ་པ། ཀུན་དགའ་བོ་གང་དག་ཚོང་དཔོན་ནམ་ཁྱིམ་བདག་དོན་འདོད་
D111.050.0114b07.01