完整藏文原文 · 德格版页 当前仅加载第 50 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་ཞེ་ན། ཀུན་དགའ་བོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་འཇིག་པར་གྱུར་པའི་ཚེ་ས་ཆེན་པོ་རྒྱ་མཚོ་གཅིག་ཏུ་གྱུར་པ་ན་གནས་གཙང་མའི་རིས་ཀྱི་ལྷའི་བུ་རྣམས་ལྷའི་མིག་གིས་ཆུས་འཇིག་པ་ཐམས་ཅད་ལ་རྣམ་པར་བལྟའོ། །དེ་དག་གིས་བལྟས་ན་འཛམ་བུའི་གླིང་དུ་
D111.050.0091b01.01པད་མ་ཆེན་པོ་གསེར་གྱི་ཁ་དོག་ལྟ་བུ་གསེར་གྱི་འོད་བྱུང་བ་འདབ་མ་སྟོང་ཡོད་པ་བསུང་ཞིམ་པ་ཡིད་དུ་འོང་བ་སྟོང་ཐམ་པ་མཐོང་ངོ་། །དེ་དག་གིས་དེ་མཐོང་ནས་འདི་སྙམ་དུ་སེམས་ཏེ། པད་མ་འདི་དག་ཇི་སྙེད་བྱུང་བ་དེ་སྙེད་ཀྱི་སངས་རྒྱས་བཅོམ་ལྡན་འདས་རྣམས་བསྐལ་པ་འདི་ལ་འབྱུང་བར་འགྱུར་རོ་
D111.050.0091b02.01སྙམ་ནས་དེ་དག་ཚིམ་ཞིང་མགུ་ལ་ཡི་རངས་ཤིང་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་ནས་གང་དུ་སངས་རྒྱས་སྟོང་འབྱུང་བ། ཀྱེ་མའོ་བསྐལ་པ་འདི་བཟང་པོར་འགྱུར་རོ། །ཀྱེ་མའོ་བསྐལ་པ་འདི་རབ་ཏུ་བཟང་པོར་འགྱུར་རོ་ཞེས་ཆེད་དུ་བརྗོད་པ་ཆེད་དུ་བརྗོད་དེ། ཀུན་དགའ་བོ་དེའི་ཕྱིར་
D111.050.0091b03.01བསྐལ་པ་འདི་བཟང་པོ་ཞེས་བྱའོ། །ཀུན་དགའ་བོ་འདི་ལྟར་བསྐལ་པ་བཟང་པོ་འདི་ལ་བསྐལ་པ་བཟང་པོ་ཞེས་མིང་བཏགས་པའི་བསྐལ་པ་བཟང་པོའི་རྒྱུ་འདི་ཡིན་རྐྱེན་འདི་ཡིན་ནོ། །ཀུན་དགའ་བོ་བསྐལ་པ་བཟང་པོ་འདི་ལ་ང་འདས་ནས་སངས་རྒྱས་དགུ་བརྒྱ་དགུ་བཅུ་རྩ་དྲུག་འབྱུང་སྟེ། བསྐལ་པ་འདི་ལ་
D111.050.0091b04.01འཁོར་བ་འཇིག་ཚུན་ཆད་ད་ལྟའི་ང་དང་བཞིའོ། །ཀུན་དགའ་བོ་ངའི་འོག་ཏུ་བྱམས་པ་འབྱུང་སྟེ། དེ་བཞིན་གཤེགས་པ་མོས་པ་ཞེས་བྱ་བ་སྟོང་གི་ཐ་མར་འབྱུང་ངོ་། །ཀུན་དགའ་བོ་རྣམ་གྲངས་འདིས་ཀྱང་ཁྱོད་ཀྱིས་འདི་ལྟར་རིག་པར་བྱ་སྟེ། འདི་ལྟར་བསྐལ་པ་བཟང་པོ་འདི་ལ་ང་འདས་ནས་
D111.050.0091b05.01སངས་རྒྱས་དགུ་བརྒྱ་དགུ་བཅུ་རྩ་དྲུག་འབྱུང་བའི་ཚེ། ཀུན་དགའ་བོ་ངའི་བསྟན་པ་འདི་ལ་གང་དག་དགེ་སྦྱོང་གི་རིགས་ཅན་དགེ་སྦྱོང་ཤིན་ཏེ་མ། དགེ་སྦྱོང་དུ་ཁས་འཆེ་བ། དགེ་སྦྱོང་ལྟར་བཅོས་པ། ངུར་སྨྲིག་གྱོན་པ་འབྱུང་བ་དེ་དག་ཐམས་ཅད་ཀྱང་བསྐལ་པ་བཟང་པོ་འདི་ལ་གང་བྱམས་པ་ནས་
D111.050.0091b06.01མོས་པ་ལ་ཐུག་གི་བར་དུ་ཕྱིས་འབྱུང་བའི་སངས་རྒྱས་བཅོམ་ལྡན་འདས་དེ་དག་གི་འོག་ཏུ་མཐར་གྱིས་མྱ་ངན་ལས་འདའ་བར་འགྱུར་རོ། །དེ་དག་ཐམས་ཅད་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་སྟེ། དགེ་སློང་གཅིག་ཀྱང་ལྷག་མ་མི་ལུས་པར་
D111.050.0091b07.01