完整藏文原文 · 德格版页 当前仅加载第 50 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་དམྱལ་བའི་སེམས་ཅན་དེ་དག་ལ་གྲོགས་པོ་དག་དེ་ལྟར་མ་འཇིགས་ཤིག །ངས་ཁྱེད་སྡུག་བསྔལ་ཆེན་པོ་འདི་ལྟ་བུ་འདི་ལས་ཡོངས་སུ་ཐར་བར་བྱའོ་ཞེས་དབུགས་ཕྱུང་ངོ་། །ཀུན་དགའ་བོ་ངས་རྨི་ལམ་ཉིད་ན་སེམས་ཅན་དམྱལ་བ་པའི་སེམས་ཅན་དེ་དག་གཅིག་ཏུ་
D111.050.0105a01.01བསོགས་ནས་ལག་པ་གཡས་པས་མགོ་ལ་བྱུགས་སོ། །ཀུན་དགའ་བོ་སེམས་ཅན་དམྱལ་བ་པའི་སེམས་ཅན་དེ་དག་གི་སྤྱི་བོར་ལག་པ་གཡས་པ་བཞག་མ་ཐག་པ་དང་། སེམས་ཅན་ཁྱེད་ངས་ཐར་བར་བྱས་མ་འཇིགས་ཤིག་ཅེས་ངས་དེ་སྐད་སྨྲས་མ་ཐག་ཏུ་སེམས་ཅན་དམྱལ་བ་པའི་
D111.050.0105a02.01མེ་དེ་ཞི་བར་གྱུར་ཏོ། །སེམས་ཅན་དམྱལ་བ་པའི་སེམས་ཅན་དེ་དག་ཀྱང་སྐད་ཅིག་དེ་ཉིད་དང་། ཡུད་ཙམ་དེ་ཉིད་ལ་བདེ་བའི་ཚོར་བ་མྱོང་བར་གྱུར་ཏོ། །ཀུན་དགའ་བོ་ང་གཉིད་ཀྱིས་ལོག་པ་དེ་ཉིད་ལས་སད་མ་ཐག་ཏུ་མཆི་མ་དེ་གོས་ལས་བཙིར་ནས་བསགས་སོ། །ཀུན་དགའ་བོ་
D111.050.0105a03.01ང་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་སྙིང་རྗེ་ཆེན་པོའི་ཆོས་དེ་ལྟ་བུ་དང་ལྡན་ན། ད་ལྟ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན་ལྟ་ཅི་སྨོས། ཀུན་དགའ་བོ་རྣམ་གྲངས་འདིས་ཁྱོད་ཀྱིས་འདི་ལྟར་རིག་པར་བྱ་སྟེ། ང་བྱང་ཆུབ་སེམས་
D111.050.0105a04.01དཔའི་སྤྱད་པ་སྤྱོད་པ་ན་ཆོས་གང་དག་བྱུང་བ་དེ་དག་རང་སངས་རྒྱས་རྣམས་ལ་ཡང་མེད་ན་ཉན་ཐོས་རྣམས་དང་བྱིས་པ་སོ་སོའི་སྐྱེ་བོ་རྣམས་ལ་ལྟ་ག་ལ་ཡོད། ཀུན་དགའ་བོ་དེ་བཞིན་གཤེགས་པ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སེམས་ཅན་རྣམས་ལ་སྙིང་རྗེ་ཆེན་པོ་ཇི་ཙམ་ཞིག་
D111.050.0105a05.01དང་ལྡན་པ་ཚིག་ཏུ་བརྗོད་པས་ཀྱང་མཐར་ཕྱིན་པར་སླ་བ་མ་ཡིན་པ་དེ་ལྟ་བུའི་སེམས་ཅན་རྣམས་ལ་ཕན་པའི་དངོས་པོའི་སེམས་དང་ལྡན་པར་གྱུར་པ་ལ་ལྟོས། ཀུན་དགའ་བོ་སྔོན་བྱུང་བ་འདས་པའི་དུས་ན་ཚོང་པ་མང་པོ་རིན་པོ་ཆེའི་ཕྱིར་རྒྱ་མཚོ་ཆེན་པོར་ཞུགས་པ་དང་། དེ་དག་གི་གྲུ་
D111.050.0105a06.01ཆེན་པོ་ནོར་གྱིས་གང་བ་རྒྱ་མཚོ་ཆེན་པོ་དེ་ཉིད་དུ་ཞིག་པར་གྱུར་ཏོ། །དེ་ནས་ཚོང་པ་དེ་དག་གྲུ་ཞིག་པས་འཇིགས་སྐྲག་མི་དགའ་བར་གྱུར་ནས་སྲོག་གི་ཕྱིར་ཁ་ཅིག་ནི་སྤང་ལེབ་ལ་རྟེན་ཏེ་རྒལ། ཁ་ཅིག་ནི་ལག་པས་རྐྱལ། ཁ་ཅིག་ནི་འཆི་བའི་དུས་བྱས་སོ། །དེའི་ཚེ་ཡང་ཚོང་པ་
D111.050.0105a07.01