完整藏文原文 · 德格版页 当前仅加载第 50 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་མ་འདྲེས་པ་ཉིད་དང་། ཤིན་ཏུ་མ་བྱས་པ་ཉིད་དང་། ཤིན་ཏུ་མ་ཟད་པ་ཉིད་དེ། སྒྲ་གཅན་ཟིན་ངས་འདི་ལ་དགོངས་ནས་འདི་སྐད་དུ་དེ་བཞིན་གཤེགས་པ་རྣམས་བྱུང་ཡང་རུང་། དེ་བཞིན་གཤེགས་པ་རྣམས་མ་བྱུང་ཡང་རུང་སྟེ། ཆོས་རྣམས་ཀྱི་ཆོས་གནས་པ་ཉིད་
D111.050.0077a01.01དང་། ཆོས་ཉིད་དང་། ཆོས་ངེས་པ་ཉིད་དང་། ཆོས་འདོད་ཆགས་དང་བྲལ་བ་ཉིད་དང་། ཆོས་ཀྱི་ངོ་བོ་ཉིད་ནི་གནས་པ་ཉིད་དོ་ཞེས་བཤད་དོ། །སྒྲ་གཅན་ཟིན་དེ་བཞིན་གཤེགས་པ་ནི་ཚུལ་ཁྲིམས་ཀྱི་ཕུང་པོ་བསྣམས་ཏེ་ཡོངས་སུ་མྱ་ངན་ལས་མི་འདའ། ཏིང་ངེ་འཛིན་གྱི་ཕུང་པོ་མ་ཡིན། ཤེས་
D111.050.0077a02.01རབ་ཀྱི་ཕུང་པོ་མ་ཡིན། རྣམ་པར་གྲོལ་བའི་ཕུང་པོ་མ་ཡིན། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་བསྣམས་ཏེ་ཡོངས་སུ་མྱ་ངན་ལས་མི་འདས། སྒྲ་གཅན་ཟིན་ཁྱོད་མི་དགར་མ་བྱེད་ཅིག །སྨྲེ་སྔགས་མ་འདོན། ཡི་འཆད་པ་མ་སྐྱེད་ཅིག །སྒྲ་གཅན་ཟིན་འདུ་བྱེད་ཐམས་ཅད་ནི་
D111.050.0077a03.01མི་རྟག་པ། མི་བརྟན་པ། དབུགས་འབྱིན་པ་མེད་པ། ཐེར་ཟུག་མ་ཡིན་པ། ཟད་ཅིང་འགྱུར་བའི་ཆོས་ཅན་ཡིན་ཏེ། སྒྲ་གཅན་ཟིན་དེ་བས་ན་འདུ་བྱེད་ཐམས་ཅད་ལ་ཡིད་བྱུང་བར་བྱ་བའི་རིགས། མ་ཆགས་པར་བྱ་བའི་རིགས། རྣམ་པར་གྲོལ་བར་བྱ་བའི་རིགས་ཏེ། སྒྲ་གཅན་ཟིན་འདི་
D111.050.0077a04.01ནི་ཁྱོད་ལ་རྗེས་སུ་བསྟན་པའོ། །སྒྲ་གཅན་ཟིན་ལ་བདེན་པ་མཐོང་བའི་ལེའུ་འདི་བཅོམ་ལྡན་འདས་ཀྱིས་བཀའ་སྩལ་པ་ཀུན་ཏུ་ཤེས་ནས་དགེ་སློང་གནས་བརྟན་དྲུག་ཅུ་ཙམ་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །ལྷ་དང་མི་ཚད་མེད་པ་དག་ཆོས་ལ་ཆོས་ཀྱི་མིག་
D111.050.0077a05.01རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །བྱང་ཆུབ་སེམས་དཔའ་དྲུག་ཁྲི་བརྒྱད་སྟོང་གིས་ནི་མི་སྐྱེ་བའི་ཆོས་ལ་བཟོད་པ་ཐོབ་སྟེ། ཐམས་ཅད་ཀྱང་ཀྱེ་མའོ་སངས་རྒྱས་ཀྱེ་མའོ་སངས་རྒྱས། ཀྱེ་མའོ་སངས་རྒྱས་ཀྱི་ཆོས་བསམ་གྱིས་མི་ཁྱབ་བོ་ཞེས་ཆེད་དུ་བརྗོད་པ་ཆེད་དུ་རྗོད་ཅིང་། དེ་
D111.050.0077a06.01དག་གིས་བཅོམ་ལྡན་འདས་ལ་མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་རྣམས་ཀྱིས་གཏོར། མངོན་པར་གཏོར་ནས་ཚིག་འདི་སྐད་ཅེས་བདག་ཅག་ཀྱང་མ་འོངས་པའི་དུས་ན་སྟོན་པ་འདི་ལྟ་བུ་འཇིག་རྟེན་དུ་འབྱུང་བར་གྱུར་ཅིག །འདི་ལྟར་ཆོས་སྟོན་པར་གྱུར་
D111.050.0077a07.01