完整藏文原文 · 德格版页 当前仅加载第 50 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
མ་འཆད་ཅིག །སྒྲ་གཅན་ཟིན་བདག་ཅག་གཉིས་སེམས་ཅན་ཐམས་ཅད་འཇིགས་པ་མེད་པར་བྱ་བའི་ཕྱིར་ཞུགས་པ་དང་ཁོན་མེད་པ་དང་འགྲན་ཟླ་མེད་པ་དང་རྣམ་པར་ཐོ་འཚམས་པ་མེད་པ་དང་རྣམ་པར་འཚེ་བ་མེད་པར་ཞུགས་པ་ལ་ལྟོས། ད་ཡང་ང་ནི་ཡོངས་སུ་མྱ་ངན་ལས་འདའ་བར་བྱ་བའི་
D111.050.0076b01.01ཕྱིར་གནས་ཏེ་ཕྱིན་ཅད་སུའི་ཕར་ཡང་མི་འགྱུར་རོ། །སྒྲ་གཅན་ཟིན་ཁྱོད་ཀྱང་ཡོངས་སུ་མྱ་ངན་ལས་འདས་ན་ཕྱིན་ཅད་སུའི་བུར་ཡང་མི་འགྱུར་རོ། །སྒྲ་གཅན་ཟིན་བདག་ཅག་གཉིས་སེམས་ཅན་ཐམས་ཅད་ལ་རྣམ་པར་འཚེ་བ་མེད་པ་དང་མི་འཐུན་པ་མེད་པར་གནས་པ་ལ་ལྟོས། དེ་
D111.050.0076b02.01ནས་ཚེ་དང་ལྡན་པ་སྒྲ་གཅན་ཟིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཡོངས་སུ་མྱ་ངན་ལས་མི་འདར་གསོལ། བདེ་བར་གཤེགས་པ་ཡོངས་སུ་མྱ་ངན་ལས་མི་འདར་གསོལ། བཅོམ་ལྡན་འདས་སྐྱེ་བོ་མང་པོ་ལ་སྨན་པ་དང་། བདེ་བ་དང་འཇིག་
D111.050.0076b03.01རྟེན་ལ་ཐུགས་བརྩེ་བ་དང་། ལྷ་དང་མི་རྣམས་ཀྱི་དོན་དང་ཕན་པ་དང་བདེ་བའི་སླད་དུ་བསྐལ་པར་བཞུགས་སུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་སྒྲ་གཅན་ཟིན་ལ་འདི་སྐད་ཅེས་བཀའ་སྩལ་ཏོ། །སྒྲ་གཅན་ཟིན་ཆོས་གང་དག་དང་ལྡན་ན་འཇིག་རྟེན་ན་དེ་བཞིན་
D111.050.0076b04.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གྲངས་སུ་འགྲོ་བའི་ཆོས་དེ་དག་སྒྲ་གཅན་ཟིན་ཟད་པའམ་རྙིངས་པའམ་སྐྱེ་བའམ་འགྲོ་བའམ་འོང་བའམ་འབྱུང་བའམ་འགག་པའམ་སྲིད་པའམ་འཇིག་པའམ་གནས་པའམ་འདུག་པའམ་ཉལ་བའམ་ལྡན་པའམ།
D111.050.0076b05.01མི་ལྡན་པར་མི་འགྱུར་རོ། །དེ་ཅིའི་ཕྱིར་ཞེ་ན། སྒྲ་གཅན་ཟིན་ཆོས་དེ་ནི་གནས་པ་སྟེ། ཤིན་ཏུ་མི་འབྱུང་བ། ཤིན་ཏུ་མི་སྐྱེ་བ། ཤིན་ཏུ་མི་འགག་པ། ཤིན་ཏུ་སྟོང་པ། ཤིན་ཏུ་སྐྱེ་བ་མེད་པ། ཤིན་ཏུ་ངོ་བོ་ཉིད་མེད་པ། ཉེ་བར་ཞི་བ། གྲངས་མེད་པ། གཞི་མེད་པ། བརྗོད་དུ་
D111.050.0076b06.01མེད་པ། ངག་གི་ལམ་མ་ཡིན་པའོ། །སྒྲ་གཅན་ཟིན་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་དེ། འདི་ལྟ་སྟེ། ཤིན་ཏུ་གནས་པ་ཉིད་དང་། ཉེ་བར་ཞི་བ་ཉིད་དང་། ཤིན་ཏུ་དབེན་པ་ཉིད་དང་། ཤིན་ཏུ་འདོད་ཆགས་དང་བྲལ་བ་ཉིད་དང་། ཤིན་ཏུ་འགགས་པ་ཉིད་དང་།
D111.050.0076b07.01