完整藏文原文 · 德格版页 当前仅加载第 50 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་དང་མི་རྟག་པ་དང་གཡོ་བ་དང་འགྱུར་བའི་ཆོས་ཅན་དུ་མཁྱེན་པ་དེའི་ཕྱིར། དེ་བཞིན་གཤེགས་པ་རྣམས་འདུ་བྱེད་ཐམས་ཅད་རྨི་ལམ་དང་མིག་ཡོར་དང་བྲག་ཅ་ལྟ་བུར་སྟོན་ནོ། །དེ་ལ་མཁས་པ་དེའི་མཚན་མ་མཐོང་བ་དག་ཡོད་དེ་དེའི་མཚན་མ་མཐོང་ནས་རྒྱུ་དེ་དང་རྐྱེན་དེ་དང་དམིགས་
D111.050.0063b01.01པའི་མཚན་མ་དེས་འདུ་བྱེད་ཐམས་ཅད་མི་རྟག་པར་ཁོང་དུ་ཆུད་ཅིང་གཡོ་བ་དང་འགྱུར་བའི་ཆོས་ཅན་ནོ་ཞེས་རྣམ་པར་འབྱེད་དོ། །འདུ་བྱེད་ཐམས་ཅད་ནི་འཇིག་ཅིང་འགྱུར་རོ། །དུས་དང་ཚིགས་དང་དུས་ཚིགས་ཀྱིས་ཀྱང་འཇིག་གོ། །སྐད་ཅིག་དང་ཐང་ཅིག་དང་ཕྱོགས་ཙམ་དང་ཡུད་
D111.050.0063b02.01ཙམ་དང་ཞག་དང་ཉི་མ་དང་ཟླ་བ་དང་ཟླ་བ་ཕྱེད་དང་ལོ་དང་ལོ་བརྒྱ་དང་བསྐལ་པ་དང་བསྐལ་པ་བརྒྱ་དག་ཀྱང་འཇིག་པར་འགྱུར་རོ། །མེའི་ཕུང་པོ་ཆེན་པོ་ཡང་འབར་ནས་ཤི་བར་འགྱུར་རོ། །ཆུའི་ཕུང་པོ་ཆེན་པོ་ཡང་བབ་ནས་མི་འབབ་བོ། །རླུང་གི་ཕུང་པོ་ཆེན་པོ་ཡང་ལངས་ནས་མི་
D111.050.0063b03.01ལྡང་ངོ་། །སའི་ཕུང་པོ་ཆེན་པོ་ཡང་བྱུང་ནས་མེད་པར་འགྱུར་རོ། །རིའི་ཕུང་པོ་ཆེན་པོ་ཁོར་ཡུག་དང་། ཁོར་ཡུག་ཆེན་པོ་དང་། ལྷུན་པོ་དང་། ལྷུན་པོ་ཆེན་པོ་དང་། དེ་ལས་གཞན་པ་རི་ནག་པོ་དག་ཀྱང་བྱུང་ནས་ཡེ་མེད་པར་འགྱུར་རོ། །ཉི་མ་དང་ཟླ་བ་དང་སྐར་མའི་
D111.050.0063b04.01ཚོགས་ཀྱི་འཁོར་དང་བཅས་པ་འདི་དག་ཀྱང་བྱུང་ནས་ལྷམ་མེར་མ་ཡིན་ལྷན་ནེར་མ་ཡིན་ལྷང་ངེར་མ་ཡིན་ཞིང་སླར་ལྟུང་ངོ་། །ལྷ་ཡུལ་བའི་ལྷའི་གཞལ་མེད་ཁང་བཟང་པོ་དག་ཀྱང་འཇིག་པར་འགྱུར་རོ། །གྲོང་དང་གྲོང་ཁྱེར་དང་གྲོང་རྡལ་འདི་དག་དང་། ཤིང་ལྗོན་པ་དང་ནགས་
D111.050.0063b05.01ཚལ་དང་། སྐྱེད་མོས་ཚལ་དང་། ཀུན་དགའ་ར་བ་ཉམས་དགའ་བ་འདི་དག་ཀྱང་བྱུང་ནས་འགག་པར་འགྱུར་རོ། །ལྷ་དང་མི་འདི་རྣམས་ཀྱང་སྐྱེ་བ་དང་རྒ་བ་དང་འཕོ་བ་དང་འབྱུང་བར་འགྱུར་རོ། །སྐྱེས་བུ་མཛངས་ཤིང་མཁས་པ་འདི་དག་ཀྱང་མཚན་མ་དེ་མཐོང་ནས་ཀྱེ་མའོ་འདུ་བྱེད་
D111.050.0063b06.01འདི་ཐམས་ཅད་མི་རྟག་པའོ་འཇིག་གོ། །འདུ་བྱེད་འདི་ཐམས་ཅད་མེད་པར་འགྲོའོ། །འགྱུར་རོ། །འདུ་བྱེད་འདི་ཐམས་ཅད་ཟད་པར་འགྱུར་རོ། །སྙམ་ནས་སྐྱོ་བར་འགྱུར་རོ། །སྐྱེས་བུ་མཛངས་ཤིང་མཁས་པ་འདི་དག་རྒྱུ་དེ་དང་རྐྱེན་དེས་ཁྱིམ་ནས་ཁྱིམ་མེད་པར་རབ་ཏུ་འབྱུང་
D111.050.0063b07.01