完整藏文原文 · 德格版页 当前仅加载第 50 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་བསྔལ་བའམ། ཞི་བའམ། སྟོང་པའམ། བདག་མེད་པ་ཡིན་པར་ཡིད་ཆེས་ན། ཀུན་དགའ་བོ་འདི་ནི་དེ་བས་ཆེས་བསོད་ནམས་མང་དུ་སྐྱེད་དེ་ཚིག་ཙམ་མ་ཡིན་ནོ། །ཀུན་དགའ་བོ་གང་ལ་ལ་ཞིག་གིས་རུ་ཤིང་བཞིན་དུ་བྱས། ཡིད་ལ་བྱས། སེམས་ཐམས་ཅད་ཀྱིས་
D111.050.0122a01.01བསམས་ནས་རྣ་བླགས་ཏེ་ཆོས་ཉན་པ་དང་། མཉན་ནས་ཀྱང་ཐ་ན་སེ་གོལ་གཏོགས་པ་ཙམ་ཡང་མི་རྟག་པའམ། སྡུག་བསྔལ་བའམ། སྟོང་པའམ། བདག་མེད་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ན། ཀུན་དགའ་བོ་དེ་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་སེམས་ཅན་གྱི་ཁམས་
D111.050.0122a02.01ཡོད་པའི་སེམས་ཅན་ཇི་སྙེད་པ་ཐམས་ཅད་ནི་ཆེས་མང་གི། སའི་ཁམས་མ་ཡིན། ཆུའི་ཁམས་མ་ཡིན། མེའི་ཁམས་མ་ཡིན། རླུང་གི་ཁམས་མ་ཡིན་ནོ་ཞེས་དེ་སྐད་བྱ་བ་དེ་དག་ཐམས་ཅད་ཡོངས་སུ་བརྟག་པ་བཟུང་སྟེ། སྐད་ཅིག་དང་། ཐང་ཅིག་དང་། ཡུད་ཙམ་ཅིག་ལ་སྔ་ཕྱི་མེད་པར་མིར་གྱུར་
D111.050.0122a03.01ལ། སྐད་ཅིག་དང་། ཐང་ཅིག་དང་། ཡུད་ཙམ་ཅིག་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། ཁྱིམ་བདག་གཅིག་ཅིག་ཀྱང་བྱུང་ལ། སངས་རྒྱས་བཅོམ་ལྡན་འདས་དེ་དག་ཇི་ཙམ་དུ་འཁོར་བའི་སྔོན་གྱི་མཐའ་མི་མངོན་པ་དེ་སྲིད་དུ་ཡུན་རིང་དུ་བཞུགས་
D111.050.0122a04.01ཏེ། ཁྱིམ་བདག་དེ་ཡང་བསྐལ་པ་དེ་སྲིད་དུ་གནས་པར་གྱུར་ལ། དེས་སངས་རྒྱས་བཅོམ་ལྡན་འདས་དེ་སྙེད་ལ་ན་བཟའ་དང་། བཤོས་དང་། གཟིམས་ཆ་དང་། ན་བའི་གསོས་སྨན་དང་། ཡོ་བྱད་དང་། བདེ་བར་སྦྱར་བ་ཐམས་ཅད་ཀྱིས་བསྟི་སྟང་བྱེད། བླ་མར་བྱེད། རིམ་གྲོར་བྱེད། མཆོད་པར་བྱེད་པ་དང་།
D111.050.0122a05.01ཡོངས་སུ་མྱ་ངན་ལས་འདས་པ་རྣམས་ཀྱི་མཆོད་རྟེན་རིན་པོ་ཆེ་སྣ་བདུན་ལས་བྱས་ཏེ། ལྷའི་གདུགས་དང་། རྒྱལ་མཚན་དང་། བ་དན་རྣམས་དང་། མེ་ཏོག་དང་། ཕྲེང་བ་དང་། སྤོས་དང་། བྱུག་པ་ཐམས་ཅད་དང་། བདོག་པ་ཐམས་ཅད་ཀྱིས་བསྟི་སྟང་བྱེད། བླ་མར་བྱེད། རིམ་གྲོར་བྱེད། མཆོད་
D111.050.0122a06.01པར་བྱེད་ན། ཀུན་དགའ་བོ་དེ་ཇི་སྙམ་དུ་སེམས། ཁྱིམ་བདག་དེ་གཞི་དེ་ལས་བསོད་ནམས་མང་དུ་སྐྱེད་དམ། གསོལ་པ། བཅོམ་ལྡན་འདས་ཁྱིམ་བདག་དེས་དེ་བཞིན་གཤེགས་པ་གཅིག་མཉེས་པར་བགྱིས། བསྟི་སྟང་བགྱིས། བླ་མར་བགྱིས། རིམ་གྲོར་བགྱིས། མཆོད་པར་བགྱིས་ན་ཡང་གཞི་དེ་ལས་བསོད་
D111.050.0122a07.01