完整藏文原文 · 德格版页 当前仅加载第 50 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་རོ། །གྲོགས་པོ་དག་འཐབ་པ་དང་རྩོད་པ་ལ་དགའ་བའི་སྐྱེས་བུ་གང་ཟག་ནི་རྟག་ཏུ་སྐྲག་པས་འཚོ་བར་འགྱུར་ཞིང་དབང་ཆེ་བར་གྲགས་པ་དང་གཡོག་འཁོར་མང་པོར་མི་འགྱུར་རོ། །གྲོགས་པོ་དག་དགེ་བ་དང་སྡིག་པའི་ལས་རྣམས་ཆུད་ཟ་བ་མེད་དོ། །དེ་བས་ན་གྲོགས་
D111.050.0072b01.01པོ་དག་ཁྱེད་ཕན་ཚུན་བྱམས་པའི་སེམས་དང་། བྱམས་པའི་ལུས་ཀྱི་ལས་དང་། བྱམས་པའི་ངག་གི་ལས་དང་། བྱམས་པའི་ཡིད་ཀྱི་ལས་ཀུན་ཏུ་སྤྱོད་ཅིག །འཐབ་པ་མེད་པ་དང་། མཚང་འདྲུ་བ་མེད་པ་དང་། རྩོད་པ་མེད་པ་ལྷུར་ལོང་ལ་གནས་པར་གྱིས་ཤིག་དང་། དེ་
D111.050.0072b02.01ཡུན་རིང་པོར་དོན་དུ་འགྱུར་བ་དང་། ཕན་པ་དང་བདེ་བ་དང་འགྱོད་པ་མེད་པར་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ལྷ་མ་ཡིན་གྱི་དབང་པོ་དེ་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་དེ་ལྟ་ལགས་སོ། །བདེ་བར་གཤེགས་པ་
D111.050.0072b03.01དེ་དེ་ལྟ་ལགས་ཏེ། བཅོམ་ལྡན་འདས་ཀྱིས་ཇི་སྐད་དུ་བཀའ་སྩལ་པ་དེ་བཞིན་དུ་བགྱིའོ། །དེ་བཞིན་དུ་བསྒྲུབ་པར་བགྱིའོ། །དེ་བཞིན་དུ་གནས་པར་བགྱིའོ། །བཅོམ་ལྡན་འདས་བདག་ཅག་ཀྱང་དེང་སླན་ཅད་གཡུལ་ཤོམ་པ་མི་བགྱིད་དོ། །ཕན་ཚུན་བྱམས་པས་ཀུན་ཏུ་
D111.050.0072b04.01སྤྱད་པར་བགྱིའོ། །དེ་ནས་ལྷའི་དབང་པོ་བརྒྱ་བྱིན་བཅོམ་ལྡན་འདས་ཡོངས་སུ་མྱ་ངན་ལས་འདའ་བ་ལ་མྱ་ངན་བྱེད་དེ། གདོང་ལ་མཆི་མ་ཟག་པར་ངུ་ཞིང་སྡུག་བསྔལ་ཡིད་མི་བདེ་ཞིང་མྱ་ངན་གྱི་ཟུག་རྔུ་ཆེན་པོ་དང་ལྡན་པར་གྱུར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D111.050.0072b05.01བཅོམ་ལྡན་འདས་བདག་དེང་སླན་ཅད་བཅོམ་ལྡན་འདས་ཡོངས་སུ་མྱ་ངན་ལས་འདས་པའི་དམ་པའི་ཆོས་ཇི་སྲིད་དུ་གནས་པ་དེ་སྲིད་དུ་གཟུགས་ལ་མི་སྙེན་པ་ནས། རེག་བྱ་ལ་མི་རེག་པ་དང་། སླས་ཀྱི་ནང་དུ་མི་འཇུག་པ་དང་། གོས་གཞན་མི་འཚལ་བར་བགྱིས་ཏེ། བཅོམ་
D111.050.0072b06.01ལྡན་འདས་འདི་ལྟ་སྟེ་དཔེར་ན། སེམས་ཅན་གང་དག་བྱས་པ་གཟོ་ཞིང་བྱས་པ་རིག་པ་བྱས་པ་རྗེས་སུ་སྐྱོང་བ་དེ་དག་རྗེ་བོ་གུམ་པར་གྱུར་ན། དེ་དེའི་སླད་དུ་སྡུག་བསྔལ་ཞིང་མཆི་མ་འབྱུང་བ་དེ་བཞིན་དུ་བདག་ཀྱང་བཅོམ་ལྡན་འདས་ཡོངས་སུ་མྱ་ངན་ལས་འདས་ན་བཅོམ་ལྡན་
D111.050.0072b07.01