完整藏文原文 · 德格版页 当前仅加载第 50 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
ན་འཕྱོ་ཡང་སྐམ་ལ་འདུག་པ་ཉིད་དུ་ཤེས་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་ཉ་དེ་ཉ་པས་མཆིལ་པའི་སྲད་བུ་སྲ་བས་ཟིན་པའི་ཕྱིར་རོ། །ཅི་སྟེ་ཉ་དེ་མཆིལ་པ་དང་བཅས་པར་ཆུའི་ནང་དུ་སོང་བར་གྱུར་ལ། སྲད་བུ་ཡང་མཆིལ་པ་དང་འབྲེལ་བར་གྱུར་ན་ཆུའི་ནང་ན་འདུག་པ་
D111.050.0095a01.01ཡང་ཡིན་ལ། སྐམ་ལ་འདུག་པ་ཡང་ཡིན་ཏེ། ཡུ་བ་སྐམ་ལ་འདུག་ཅིང་ལེགས་པར་ཟིན་ན་ཉ་པ་དེ་འོངས་ནས་སྲད་བུ་དེས་ཉ་ཟིན་པར་ཤེས་ཏེ་དེས་སྲད་བུ་དེས་དྲངས་ནས་ཇི་ལྟར་འདོད་པར་སྐམ་ལ་ཕྱུང་སྟེ་དགའ་མགུར་བྱ་བ་བྱེད་པའི་དུས་དེ་ཡོད་དོ། །ཀུན་དགའ་བོ་དེ་བཞིན་དུ་སེམས་ཅན་གང་དག་
D111.050.0095a02.01སངས་རྒྱས་བཅོམ་ལྡན་འདས་ལ་སེམས་དང་བར་བྱེད། དགེ་བའི་རྩ་བ་སྐྱེད་པར་བྱེད། ཡོན་འབུལ་ཞིང་ཐ་ན་སེམས་དང་བ་གཅིག་ཙམ་ཡང་སྐྱེད་ན། ཉེས་པར་བྱས་པའི་ལས་སྒྲིབ་པར་འགྱུར་བ་གཞན་གྱིས་བསྒྲིབས་པས་སེམས་ཅན་དམྱལ་བའམ། དུད་འགྲོའི་སྐྱེ་གནས་སམ། གཤིན་རྗེའི་
D111.050.0095a03.01འཇིག་རྟེན་ནམ། དེ་ལས་གཞན་པའི་མི་ཁོམ་པ་ལོག་པར་ལྟུང་བར་སོང་ཡང་། གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བ་ན་དེ་དག་སངས་རྒྱས་ཀྱི་ཡེ་ཤེས་ཀྱིས་སེམས་ཅན་འདི་དག་ནི་བྱང་ཆུབ་སེམས་དཔའི་ཐེག་པ་པའོ། །སེམས་ཅན་འདི་དག་ནི་རང་སངས་རྒྱས་ཀྱི་ཐེག་པ་
D111.050.0095a04.01པའོ། སེམས་ཅན་འདི་དག་ནི་ཉན་ཐོས་ཀྱི་ཐེག་པ་པའོ། །སེམས་ཅན་འདི་དག་ནི་དགེ་བའི་རྩ་བ་བྱས་པའོ། །སེམས་ཅན་འདི་དག་ནི་དགེ་བའི་རྩ་བ་ཆད་པའོ། །སེམས་ཅན་འདི་དག་ནི་ཉམས་པའི་ཆ་དང་འཐུན་པའོ། །སེམས་ཅན་འདི་དག་ནི་ཁྱད་པར་དུ་འགྱུར་བའི་ཆ་དང་འཐུན་པའོ། །
D111.050.0095a05.01འདི་དག་ནི་དག་པའི་ཆོས་རྟོགས་པས་ས་བོན་བཏབ་པ་དག་གོ། །འདི་ལྟ་སྟེ་འདི་ནི་སངས་རྒྱས་ལ་ཡོན་འབུལ་བ་ཐ་ན་དད་པ་དང་ལྡན་པའི་སེམས་གཅིག་བསྐྱེད་པའི་དགེ་བའི་ཆོས་རྣམ་པར་དག་པས་ས་བོན་བཏབ་པའོ་ཞེས་མཁྱེན་ཏོ། །ཡོན་གང་གི་རྣམ་པར་སྨིན་པས་གང་དག་གིས་སངས་རྒྱས་
D111.050.0095a06.01བཅོམ་ལྡན་འདས་རྣམས་ལ་དད་པའི་སེམས་བསྐྱེད་པ་གཅིག་ཙམ་ཡང་སྐྱེད་པར་འགྱུར་བ་དེ་དག་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཡེ་ཤེས་ཀྱིས་སེམས་བསྐྱེད་པའི་ཁྱད་པར་དེ་དག་གིས་ལོག་པར་ལྟུང་བ་དེ་ལས་འདོན་ནོ། །བཏོན་ནས་ཀྱང་མྱ་ངན་ལས་འདས་པའི་ཐང་བདེ་བ་
D111.050.0095a07.01