完整藏文原文 · 德格版页 当前仅加载第 50 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བཀའ་སྩལ་པ། ཀུན་དགའ་བོ་ཐོང་མྱ་ངན་མ་བྱེད་སྨྲེ་སྔགས་མ་འདོན་ཅིག །ཀུན་དགའ་བོ་སྡུག་པ་དང་ཡིད་དུ་འོང་བ་ཐམས་ཅད་དང་ཐ་དད་པར་འགྱུར་ཞིང་འགྱེས་པར་འགྱུར་བ་དང་། འབྱེ་བར་འགྱུར་བ་དང་འབྲེལ་བར་འགྱུར་བར་ངས་ཐོག་མ་ནས་མ་བཤད་དམ། ཀུན་དགའ་
D111.050.0078a01.01བོ་གང་སྐྱེས་པ་བྱུང་བ། འདུས་བྱས་པ། བསམས་པ། རྟེན་ཅིང་འབྲེལ་བར་འབྱུང་བ། འཇིག་པའི་ཆོས་ཅན་དེ་མི་འཇིག་པར་ག་ལ་འགྱུར་ཏེ་དེ་ནི་གནས་མེད་དོ། །དེ་ལྟ་བུར་གྱུར་པ་དག་གནས་ཤིང་མི་སྣང་བར་མི་འགྱུར་བ་དེའི་གནས་མེད་དོ། །ཀུན་དགའ་བོ་ཇི་ལྟར་རིང་དུ་གནས་ཀྱང་ངེས་
D111.050.0078a02.01པར་ཡོངས་སུ་མྱ་ངན་ལས་འདའ་བའི་ཆོས་ཅན་དུ་འགྱུར་རོ། །དེ་བས་ན་ཀུན་དགའ་བོ་ཁྱོད་མྱ་ངན་མ་བྱེད་སྨྲེ་སྔགས་མ་འདོན་ཅིག །དེ་ནས་ཚེ་དང་ལྡན་པ་ཀུན་དགའ་བོ་མིག་མི་འཛུམས་པར་བཅོམ་ལྡན་འདས་ཀྱི་ཞལ་དུ་བལྟས་ནས་ཤིང་ལྗོན་པ་བཅད་དེ་བསྒྱེལ་བ་བཞིན་དུ་ཡངས་ལ་འགྱེལ་
D111.050.0078a03.01ཏོ། །བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་ལན་གཉིས་སུ་བཀའ་སྩལ་པ། ཀུན་དགའ་བོ་ཐོང་མྱ་ངན་མ་བྱེད་སྨྲེ་སྔགས་མ་འདོན་ཅིག །ཀུན་དགའ་བོ་དོན་འདི་མྱ་ངན་བྱས་པ་དང་སྨྲེ་སྔགས་འདོན་པས་རྙེད་པར་སླ་བ་མ་ཡིན་ནོ། །སྡུག་པ་དང་ཡིད་དུ་འོང་བ་ཐམས་ཅད་དང་ཐ་དད་དུ་
D111.050.0078a04.01འགྱུར་ཞིང་འགྱེས་པར་འགྱུར་བར་ངས་ཐོག་མ་ནས་བཤད་དོ། འདུ་བྱེད་རྣམས་ཇི་སྲིད་རིང་དུ་གནས་ཀྱང་ངེས་པར་རྣམ་པར་འགྱུར་བའི་ཆོས་ཅན་ཡིན་ནོ། །ཀུན་དགའ་བོ་ཁྱོད་ཀྱིས་དེ་བཞིན་གཤེགས་པ་ལ་བྱམས་པའི་ལུས་ཀྱི་ལས་ཕན་པ་དང་། བདེ་བ་དང་། གཉིས་སུ་མེད་པ་དང་། ཚད་མེད་པ་དང་།
D111.050.0078a05.01ཁོ་ན་མེད་པ་དང་། འགྲན་ཟླ་མེད་པ་དང་། བྱམས་པའི་ངག་གི་ལས་དང་། བྱམས་པའི་ཡིད་ཀྱི་ལས་བདེ་བ་ནས་འགྲན་ཟླ་མེད་པའི་བར་གྱིས་བསྙེན་བཀུར་བྱས་སོ། །དེ་ནས་ཚེ་དང་ལྡན་པ་ཀུན་དགའ་བོས་ལས་ལངས་ནས་མཆི་མ་ཕྱིས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
D111.050.0078a06.01ལྡན་འདས་བདག་སེམས་ཅན་རིན་པོ་ཆེ་དེ་ལྟ་བུ་དང་ཐ་དད་དུ་འགྱུར། བདག་ཐུགས་རྗེ་ཆེན་པོ་འཇིག་རྟེན་ཐམས་ཅད་ལས་འཕགས་པ། འཇིག་རྟེན་ཐམས་ཅད་ལ་ཕན་པར་བཞེད་པ། འཇིག་རྟེན་ཐམས་ཅད་ལ་ཐུགས་བརྩེ་བ་ཅན། འཇིག་རྟེན་ཐམས་ཅད་ལ་གཅེས་པ། འཇིག་རྟེན་ཐམས་ཅད་
D111.050.0078a07.01