完整藏文原文 · 德格版页 当前仅加载第 50 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
དང་མི་རྣམས་ཀྱི་དོན་དང་། ཕན་པ་དང་བདེ་བའི་ཕྱིར་ཞུགས་པ་ལ་ལྟོས། ལན་གཉིས་སུ་ཡང་དེ་བཞིན་གཤེགས་པ་བྱམས་པ་ཉན་ཐོས་བྱེ་བ་དགུ་བཅུ་རྩ་བཞི་དང་ཐབས་ཅིག་ས་ཕྱོགས་དེར་གཤེགས་པར་འགྱུར་རོ། །ཀུན་དགའ་བོ་ལན་གསུམ་དུ་ཡང་དེ་བཞིན་གཤེགས་པ་
D111.050.0081a01.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་པ་ཉན་ཐོས་བྱེ་བ་དགུ་བཅུ་རྩ་གཉིས་དང་ཐབས་ཅིག་ཏུ་དགེ་སློང་འོད་སྲུང་གི་ལུས་ག་ལ་འདུག་པའི་ས་ཕྱོགས་དེར་གཤེགས་ཤིང་། ཀུན་དགའ་བོ་དེ་བཞིན་གཤེགས་པ་བྱམས་པ་དེ་ཡང་དགེ་སློང་བྱེ་བ་དགུ་བཅུ་རྩ་གཉིས་པོ་རྣམས་ལ་
D111.050.0081a02.01དགེ་སློང་འོད་སྲུང་གི་ལུས་སྟོན་པར་འགྱུར་ཏེ། དགེ་སློང་དག་དགེ་སློང་འོད་སྲུང་ཞེས་བྱ་བ་འདི་ནི་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་ཉན་ཐོས་ཆེན་པོ་སྦྱངས་པའི་ཡོན་ཏན་འཛིན་པ་རྣམས་ཀྱི་མཆོག །འདོད་པ་ཆུང་བ་དང་ཆོག་ཤེས་པ་ནས་སྐྱེ་བོ་མང་པོ་དང་ལྷ་དང་མི་རྣམས་ལ་ཕན་པ་
D111.050.0081a03.01དང་བདེ་བའི་ཕྱིར་ཞུགས་པའི་བར་ལ་ལྟོས། ཀུན་དགའ་བོ་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་པས་དེའི་ཚེ་ཕྱག་གཡས་པ་གསེར་གྱི་ཁ་དོག་ཅན་བརྐྱང་ནས་དགེ་སློང་འོད་སྲུང་ཆེན་པོའི་མགོ་ལ་ཉུག་པར་འགྱུར་རོ། །བྱུགས་ནས་ཀྱང་དགེ་
D111.050.0081a04.01སློང་གི་དགེ་འདུན་ལ་གཟིགས་པར་འགྱུར་རོ། །གཟིགས་ནས་འདི་སྐད་བཀའ་སྩལ་ཏོ། །དགེ་སློང་དག་དགེ་སློང་འོད་སྲུང་དེས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ཡོངས་སུ་མྱ་ངན་ལས་འདས་པ་དེའི་དམ་པའི་ཆོས་ཇི་ལྟར་ཡོངས་སུ་བཟུང་བ་དེ་ལྟ་བུ་ད་ལྟ་ངའི་དགེ་སློང་གི་དགེ་
D111.050.0081a05.01འདུན་མང་པོ་འདིའི་ནང་ན་ང་ཡོངས་སུ་མྱ་ངན་ལས་འདས་ན་གང་དམ་པའི་ཆོས་འཆད་པའི་དགེ་སློང་གཅིག་ཀྱང་མེད་དོ་ཞེས་བཀའ་སྩོལ་བར་འགྱུར་རོ། །ཀུན་དགའ་བོ་དེ་ནས་དགེ་སློང་འོད་སྲུང་འདུས་པ་ཆེན་པོ་གསུམ་པ་དེ་ཉིད་དུ་སྔོན་གྱི་བྱིན་གྱི་རླབས་ཀྱིས་སྟེང་གི་ནམ་མཁའི་བར་སྣང་ལ་མངོན་
D111.050.0081a06.01པར་འཕགས་ནས་ཆོ་འཕྲུལ་རྣམ་པ་སྣ་ཚོགས་བསྟན་ཏེ། རང་གི་མེའི་ཁམས་ཀྱིས་རང་གི་ལུས་སྲེག་པར་འགྱུར་ཏེ། བསྲེགས་པ་དེའི་སོལ་བ་ཡང་མི་སྣང་། ཐལ་བ་ཡང་མི་སྣང་བར་འགྱུར་རོ། །ཀུན་དགའ་བོ་དེ་ནས་དེ་བཞིན་གཤེགས་པ་བྱམས་པ་དེའི་ཚེ་དགེ་སློང་འོད་སྲུང་ལས་
D111.050.0081a07.01