完整藏文原文 · 德格版页 当前仅加载第 50 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
དང་འཆི་བ་ནི་སྡུག་བསྔལ་ལོ། །དགེ་སློང་དག་གང་དག་ཡོངས་སུ་མྱ་ངན་ལས་འདས་པ་དེ་དག་ནི་བདེ་བའོ། །མ་ཐོབ་པ་ཐོབ་པར་བྱ་བ་དང་། མ་རྟོགས་པ་རྟོགས་པར་བྱ་བ་དང་། མངོན་སུམ་དུ་མ་བྱས་པ་མངོན་སུམ་དུ་བྱ་བའི་ཕྱིར་བརྩོན་པ་གྱིས་ཤིག །འབད་པ་གྱིས་ཤིག །བརྩལ་
D111.050.0107b01.01བགྱིས་ཤིག །དགེ་སློང་དག་སངས་རྒྱས་བཅོམ་ལྡན་འདས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་། གང་དེ་ལས་གཞན་པའི་དགེ་བའི་བྱང་ཆུབ་ཀྱི་ཕྱོགས་ཀྱི་ཆོས་རྣམས་ནི་བག་ཡོད་པས་ཐོབ་ཀྱིས། བག་ཡོད་པ་ལ་བརྩོན་པར་གྱིས་ཤིག །དགེ་སློང་དག་འདི་ནི་ཁྱེད་ལ་རྗེས་
D111.050.0107b02.01སུ་བསྟན་པའོ། །དེའི་ཚེ་འཁོར་དེ་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་
D111.050.0107b03.01བ་ཇི་སྙེད་འདུས་པར་གྱུར་པ་དེ་དག་ཐམས་ཅད་ཀྱིས་བཅོམ་ལྡན་འདས་ལ་གདམས་པ་དང་རྗེས་སུ་བསྟན་པ་འདི་ལྟ་བུ་འདི་ཐོས་ནས་སྡུག་བསྔལ་ཞིང་ཡིད་མི་བདེ་སྟེ། སྡུག་བསྔལ་དང་ཡིད་མི་བདེ་བ་མཆོག་དང་ལྡན་པར་གྱུར། མྱ་ངན་གྱི་ཟུག་རྔུ་ཆེན་པོས་ཟུག་པར་གྱུར་ནས་ངུ་ཞིང་མཆི་མ་བྱུང་བར་
D111.050.0107b04.01གྱུར་ཏེ། བཅོམ་ལྡན་འདས་ཡོངས་སུ་མྱ་ངན་ལས་འདའ་བ་ཧ་ཅང་མྱུར་ཆེས་སོ། །བདེ་བར་གཤེགས་པ་ཡོངས་སུ་མྱ་ངན་ལས་འདའ་བ་ཧ་ཅང་མྱུར་ཆེས་སོ། །འཇིག་རྟེན་གྱི་མིག་མི་སྣང་བར་འགྱུར་བ་ཧ་ཅང་མྱུར་ཆེས་སོ། །འཇིག་རྟེན་གྱི་མིག་མེད་ཅིང་ལོང་བར་འགྱུར་བ་ཧ་ཅང་མྱུར་
D111.050.0107b05.01ཆེས་སོ། །སེམས་ཅན་རིན་པོ་ཆེ་འདི་ལྟ་བུ་དང་འབྲལ་བ་དང་། འབྱེ་བ་དང་། ཐ་དད་དུ་འགྱུར་བ་ཧ་ཅང་མྱུར་ཆེས་སོ་ཞེས་ཆོ་ངེ་ཆེན་པོ་བཏོན་ནོ། །དེ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ལ་མིག་མི་འཛུམས་པར་ལྟ་སྟེ་བལྟས་ཤིང་བརྟགས་ནས་བཅོམ་ལྡན་འདས་ལས་
D111.050.0107b06.01ཚིག་དེ་སྐད་ཐོས་པ་དང་ངུ་ཞིང་སྨྲེ་སྔགས་འདོན་ཏེ། ཇི་ལྟར་ལངས་པ་ཉིད་ལས་ཤིང་བཅད་པ་བསྒྱེལ་བ་བཞིན་དུ་ས་ལ་འགྱེལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཐོང་མྱ་ངན་མ་བྱེད། སྨྲེ་སྔགས་མ་འདོན་ཅིག །ཀུན་
D111.050.0107b07.01