完整藏文原文 · 德格版页 当前仅加载第 50 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲོན་མ་ཐོགས་ནས་བདག་གི་ཁྱིམ་དུ་སོང་ཞིང་དེ་ན་ཡང་སྐྱེ་བོ་ཕལ་པོ་ཆེ་མུན་གནག་དེ་ལས་ཐར་བར་འདོད་པ་རྣམས་ཚོགས་པར་གྱུར་ལ་མི་དེ་རྩྭའི་སྒྲོན་མ་དེས་མུན་པ་མུན་གནག་ལས་ཐར་ནས་བདག་གི་ཁྱིམ་དུ་ཞུགས་ཏེ་སྒྲོན་མ་དེ་བསད་ནས་སུ་ལ་ཡང་མི་སྟེར་ན། ཀུན་དགའ་བོ་
D111.050.0115b01.01དེ་ཇི་སྙམ་དུ་སེམས། གང་སྒྲོན་མ་ཡོད་བཞིན་དུ་སྐྱེ་བོ་མང་པོ་མུན་ནག་དེ་ལས་ཐར་བར་འདོད་པ་དག་འཁོད་པ་གང་ལ་ཡང་རྩྭའི་སྒྲོན་མ་མི་སྟེར་ན། ཀུན་དགའ་བོ་སྐྱེས་བུ་དེ་དེ་ལྟར་བྱེད་ན་ལེགས་པར་བྱ་བ་བྱེད་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བདེ་བར་
D111.050.0115b02.01གཤེགས་པ་མ་ལགས་སོ། །བཀའ་སྩལ་པ། ཀུན་དགའ་བོ་དེ་བཞིན་དུ་དགེ་སློང་དགྲ་བཅོམ་པ་ཟག་པ་ཟད་པ་གང་འདུས་མ་བྱས་ཀྱི་ཆོས་མངོན་སུམ་དུ་བྱས་ནས་བསྐལ་པ་གྲངས་མེད་པ་བྱེ་བར་བསྒྲུབས་པ་ཆོས་དཀོན་མཆོག་གི་མཛོད་འདི་མི་འཆད་ཅིང་རབ་ཏུ་མི་སྟོན་གཞན་དག་ལ་རྒྱས་
D111.050.0115b03.01པར་མི་བྱེད་ན་ཀུན་དགའ་བོ་དེས་སྟོན་པ་ལ་བསྙེན་བཀུར་བྱས་པ་མ་ཡིན་ལ། ངའི་དམ་པའི་ཆོས་ཡོངས་སུ་བཟུང་བ་མ་ཡིན་ནོ། །ཀུན་དགའ་བོ་དེ་བས་ན་བསྐལ་པ་གྲངས་མེད་པ་བྱེ་བར་བསྒྲུབས་པ་ཆོས་དཀོན་མཆོག་གི་མཛོད་འདི་ཁྱོད་ལ་གཏད་ཀྱིས་ཅི་ནས་ཀྱང་རྒྱུན་མི་འཆད་པ་དང་། དགེ་
D111.050.0115b04.01བའི་ལམ་འདི་རྒྱུན་དུ་འབྱུང་བར་གཞན་དག་ལ་རྒྱ་ཆེར་རབ་ཏུ་སྟོན་ཅིག །སྐྱེས་བུ་ཐ་མ་པར་མ་གྱུར་ཅིག། །།བམ་པོ་དྲུག་པ་སྟེ་ཐ་མ། ཀུན་དགའ་བོ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག་ཆོས་འདི་དག་ལ་བདག་ཀྱང་
D111.050.0115b05.01སྒྲུབ་ལ། གཞན་ལ་ཡང་འཆད་ཅིང་རབ་ཏུ་སྟོན་ན། ཀུན་དགའ་བོ་དེ་ལ་ངས་བསྐལ་པ་གྲངས་མེད་པ་བྱེ་བར་བསྒྲུབས་པའི་ཆོས་དཀོན་མཆོག་གི་མཛོད་འདི་ལས་ཆ་ཤས་སྦྱིན་ཞིང་སྐལ་བ་བཞག་གོ། །ཀུན་དགའ་བོ་དེ་བས་ན་བསྐལ་པ་གྲངས་མེད་པ་བྱེ་བར་བསྒྲུབས་པའི་བྱང་ཆུབ་འདི་གང་
D111.050.0115b06.01མ་འོངས་པའི་སེམས་ཅན་དེ་རྣམས་ཀྱི་དོན་དུ་ཁྱོད་ལ་ལན་གཉིས་སུ་ཡང་གཏད་ཀྱིས། སེམས་ཅན་དེ་དག་ཆོས་དཀོན་མཆོག་གི་མཛོད་དེ་ལྟ་བུ་མ་ཐོས་པས་ཡོངས་སུ་ཉམས་པར་གྱུར་ཏ་རེ། ཀུན་དགའ་བོ་ཆོས་དཀོན་མཆོག་གི་མཛོད་འདི་ལྟ་བུ་མ་ཐོས་པ་ལས་སེམས་ཅན་མང་པོ་དག་
D111.050.0115b07.01