完整藏文原文 · 德格版页 当前仅加载第 50 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཕྱག་འཚལ་ལོ། །ཀུན་དགའ་བོ་དེ་ནས་ཚོང་པའི་ཚོགས་དེ་ན་དེད་དཔོན་མཁས་པ་གསལ་བ་ཡིད་གཞུངས་པ་སངས་རྒྱས་དང་ཆོས་དང་དགེ་འདུན་ལ་མངོན་པར་དང་བ། ལྷར་གཞན་མི་འཛིན་ཅིང་སངས་རྒྱས་བཅོམ་ལྡན་འདས་ལ་དད་པ་ཞིག་ཡོད་པར་གྱུར་ཏེ། དེས་
D111.050.0090a01.01ཚོང་པ་དེ་དག་ཐམས་ཅད་ལ་འདི་སྐད་ཅེས་སྨྲས་སོ། །ཀྱེ་ཚོང་པ་དག་འཇིགས་ཤིང་སྐྲག་པ་ཆེན་པོ་འདི་ལས་ཕྱིན་ཅིང་ཐར་བར་འདོད་དམ། མཐར་ན་ཡང་བདེ་འགྲོ་མཐོ་རིས་སུ་སྐྱེ་བར་འདོད་ན་ཚུར་ཤེག །ཐམས་ཅད་ཚོགས་ཤིང་འཐུན་པས་ང་ཇི་སྐད་དུ་སྨྲ་བ་དེ་བཞིན་དུ་ཁྱེད་ཀྱང་སོ་སོར་
D111.050.0090a02.01སྨྲོས་ཤིག་དང་། དེ་དག་གིས་སྨྲས་པ། དེད་དཔོན་ཁྱོད་སྨྲོས་ཤིག་བདག་ཅག་ཀྱང་ཁྱོད་སྨྲ་བ་བཞིན་དུ་ཟློས་སོ། །ཀུན་དགའ་བོ་དེ་ནས་དེད་དཔོན་དེ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་གྲུ་བོ་ཆེ་ལ་བཙུགས་ཏེ་སངས་རྒྱས་ལ་དམིགས་པའི་སེམས་ཀྱིས་སྒྲ་ཆེན་པོ་ཕྱུང་
D111.050.0090a03.01སྟེ། སངས་རྒྱས་རྣམས་ལ་ཕྱག་འཚལ་ལོ། །མི་འཇིགས་པ་སྦྱིན་པ། ཐུགས་རྗེ་ཆེན་པོ་དང་ལྡན་པ། སེམས་ཅན་ཐམས་ཅད་ལ་ཐུགས་བརྩེ་བ་ཅན་སངས་རྒྱས་རྣམས་ལ་ཕྱག་འཚལ་ལོ་ཞེས་སངས་རྒྱས་ལ་ཕྱག་འཚལ་ཏོ། །ཚོང་པའི་ཚོགས་དེ་དག་ཀྱང་དེ་ཉིད་དུ་ཐལ་མོ་སྦྱར་ནས་མགྲིན་གཅིག་
D111.050.0090a04.01ཏུ་ཚིག་སྨྲས་པ། སངས་རྒྱས་རྣམས་ལ་ཕྱག་འཚལ་ལོ། །སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། སེམས་ཅན་ཐམས་ཅད་ལ་ཐུགས་བརྩེ་བ་ཅན་ལ་ཕྱག་འཚལ་ལོ་ཞེས་བྱས་སོ། །ཀུན་དགའ་བོ་དེ་ནས་ཆུ་སྲིན་དེས་སངས་རྒྱས་ཀྱི་སྒྲ་དེ་ཐོས་སོ། །དེས་སངས་རྒྱས་ལ་ཕྱག་
D111.050.0090a05.01འཚལ་ལོ་ཞེས་བྱ་བ་དེ་ཐོས་ནས་དགའ་བ་ཆེན་པོ་དང་རྣམ་པར་འཚེ་བ་མེད་པའི་སེམས་ཐོབ་པར་གྱུར་ཏེ་དེས་ཁ་སླར་བཙུམས་སོ། །ཀུན་དགའ་བོ་དེ་ནས་དེད་དཔོན་དེ་གྲུ་དེ་དང་བཅས་པར་བདེ་བར་ཐར་ཏེ། གྲུ་བོ་ཆེ་དེ་དག་བདེ་ཞིང་དོན་གྲུབ་ནས་སླར་འཛམ་བུའི་གླིང་དུ་འཁོར་ཏོ། །ཆུ་སྲིན་དེ་ཡང་སངས་
D111.050.0090a06.01རྒྱས་ཀྱི་སྒྲ་དེ་ཐོས་པས་བདེ་བ་མྱོང་ཞིང་ཕྱིན་ཅད་སྲོག་ཆགས་གཞན་མི་ཟ་སྟེ་དེ་ལྟོགས་ནས་དེ་ཉིད་དུ་འཆི་བའི་དུས་བྱས་སོ། །དེ་འཆི་བའི་དུས་བྱས་མ་ཐག་ཏུ་དུད་འགྲོའི་སྐྱེ་གནས་ལས་ཤི་འཕོས་ནས་མི་དང་སྐལ་བ་མཉམ་པར་སྐྱེས་པར་གྱུར་ཏོ། །དེ་དེ་བཞིན་གཤེགས་པས་གསུངས་པའི་ཆོས་
D111.050.0090a07.01