完整藏文原文 · 德格版页 当前仅加载第 50 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དད་པར་འགྱུར། འཕགས་པ་དགྱེས་པའི་ཚུལ་ཁྲིམས་རང་དབང་ཅན་མཁས་བས་བསྔགས་པ། མྱ་ངན་ལས་འདའ་བར་འགྱུར་བ་རྣམས་ཐོབ་པར་འགྱུར་རོ། །ཀུན་དགའ་བོ་འདི་ལྟ་སྟེ་དཔེར་ན་ཆར་རབ་ཏུ་བབ་ན་ཤང་ཤོང་རྣམས་ཡོངས་སུ་གང་བར་བྱེད་དོ། །ཤང་ཤོང་རྣམས་ཡོངས་སུ་གང་ནས་ཆུ་བྲན་རྣམས་
D111.050.0123b01.01བྲུག་པར་བྱེད་དོ། །ཆུ་བྲན་རྣམས་བྲུགས་ནས་ཀླུང་ཆེན་པོ་རྣམས་བྲུག་པར་བྱེད་དོ། །ཀླུང་ཆེན་པོ་བྲུགས་པ་རྣམས་ཀྱིས་མཚོ་ཆེན་པོ་རྒྱ་མཚོ་ཡོངས་སུ་གང་བར་འགྱུར་རོ། །ཀུན་དགའ་བོ་དེ་བཞིན་དུ་དགེ་བའི་བཤེས་གཉེན་དང་། དགེ་བའི་གྲོགས་སུ་གྱུར་པ་དང་། དགེ་བ་དང་རབ་ཏུ་ལྡན་པ་དང་། དགེ་བ་གཙོ་བོར་
D111.050.0123b02.01གྱུར་པ་དང་། དགེ་བའི་སེམས་ཉིད་ལ་བརྟེན་ནས་དགེ་བའི་རྩ་བའི་སྟོབས་བསྐྱེད་པ་ཐོབ་པ་རྣམས་ནི་རྗེས་སུ་འཐུན་པའི་ཆོས་ཀྱི་བར་དུ་བསྒྲུབས་པས་རབ་ཏུ་མཐར་ཐུག་པ་དང་། རབ་ཏུ་དྲི་མ་མེད་པ་དང་། རབ་ཏུ་ཚངས་པར་སྤྱོད་པ་དང་། རབ་ཏུ་མཐར་ཕྱིན་པར་འགྱུར་རོ། །ཀུན་དགའ་བོ་ཕྱི་རོལ་གྱི་དངོས་པོར་གྱུར་པ་འདི་དག་
D111.050.0123b03.01ཀྱང་དུས་ལ་བབ་ན་སྐྱེ་བར་འགྱུར་བ་དང་། མེ་ཏོག་དང་། ཡལ་ག་དང་། འབྲས་བུ་འབྱིན་པ་ལ་ལྟོས། ཀུན་དགའ་བོ་འདི་ལྟར་ཕྱི་རོལ་གྱི་དངོས་པོ་འདི་དག་ཀྱང་སླུ་བར་མི་བྱེད་ན་ཁྱེད་ཀྱི་ལེགས་པར་སྤྱད་པ་མི་སླུ་བ་ལྟ་ཅི་སྨོས་ཏེ་དེ་ནི་གནས་མེད་དོ། །ཀུན་དགའ་བོ་ལེགས་པར་སྤྱད་པ་ནི་སུ་ལ་ཡང་མི་སླུའོ། །ལེགས་པར་སྤྱད་པ་
D111.050.0123b04.01སྤྱོད་ཅིག །ཀུན་དགའ་བོ་ང་ཡང་ལེགས་པར་སྤྱད་པས་མ་བསླུས་སོ། །ཀུན་དགའ་བོ་ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། ལེགས་པར་སྤྱད་པ་གང་ཡིན་པ་དེ་དག་སྤྱད་དེ་ལེགས་པར་སྤྱད་པ་དེས་ང་མ་བསླུས་སོ། །ཀུན་དགའ་བོ་དེ་བཞིན་གཤེགས་པ་ལམ་གང་ནས་གཤེགས་པ་དེ་ན་གང་ས་མཐོན་དམན་དང་།
D111.050.0123b05.01ངམ་གྲོག་དང་། གཡང་ས་དང་། སྟོར་ཁུང་དང་། ཤོང་ཁུང་དང་། སྡོང་དུམ་དང་། ཚེར་མ་སྟུག་པོ་དེ་དག་ཐམས་ཅད་འདུད་ཅིང་མེད་པར་འགྱུར་བ་དང་། ས་དམའ་བ་མཐོན་པོར་འགྱུར་བ་དང་། མཐོན་པོ་དམའ་བར་འགྱུར་བ་དང་། ཤིང་རྣམས་རབ་ཏུ་འདུད་པ་དང་། ཤིང་གི་ལྷ་རྣམས་ཕྱག་འཚལ་བ་དང་། ཚོང་དུས་དང་། སྲང་དག་
D111.050.0123b06.01ན་སྐྱེ་བོ་གང་དག་འཁོད་པ་དེ་དག་དེ་བཞིན་གཤེགས་པ་བཞུད་པའི་རྗེས་སུ་འབྲང་སྟེ་དེ་བཞིན་གཤེགས་པ་འདས་ནས་དེ་དག་སླར་རང་རང་གི་གནས་ན་འཁོད་པ་ལ་ལྟོས། ཀུན་དགའ་བོ་སྔོན་སངས་རྒྱས་བཅོམ་ལྡན་འདས་རྣམས་དང་། རང་སངས་རྒྱས་རྣམས་དང་། དགྲ་བཅོམ་པ་རྣམས་དང་། བྱང་ཆུབ་སེམས་
D111.050.0123b07.01