完整藏文原文 · 德格版页 当前仅加载第 50 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་ཆེ་བ། བང་མཛོད་མང་བ། བདག་དབང་བ་མང་བ། རྫས་དང་ཡོ་བྱད་མང་བ། རིགས་ཕུན་སུམ་ཚོགས་པ། རུས་ཕུན་སུམ་ཚོགས་པ། རིགས་བཙུན་པའི་རིགས་ལས་བུ་གཅིག་པ་ཞིག་སྐྱེས་ཏེ། དེ་སྐྱེས་མ་ཐག་ཏུ་དབང་པོ་རྣམས་རྒྱས་པར་བྱ་བའི་ཕྱིར་ཡི་གེ་དང་།
D111.050.0109a01.01གྲངས་དང་རྩིས་དང་། ལག་རྩིས་དང་། དེ་ལས་གཞན་པའི་བཟོ་དཀའ་བ་དང་། སྒྱུ་རྩལ་དཀའ་བ་དག་སློབ་བོ། །དེ་ལ་བསླབས་ནས་ཐ་མར་ཚོང་དཔོན་ནམ་ཁྱིམ་བདག་དེ་འདི་སྐད་དུ་བུ་ཁྱོད་ལ་ངས་ཇི་ཙམ་དུ་བྱ་བ་དེ་དག་ངས་བྱས་ཟིན། ཡི་གེ་དང་གྲངས་དང་རྩིས་དང་ལག་རྩིས་དང་བཟོ་དཀའ་
D111.050.0109a02.01བ་དང་། སྒྱུ་རྩལ་དཀའ་བ་དག་ཀྱང་ལོབས་ཟིན་ཏེ་འདི་ནི་ངའི་དུས་ཐ་མ་ཡིན་པས་བདག་དབང་བ་ཐམས་ཅད་ངས་ཁྱོད་ལ་གཏད་ཀྱིས་གནས་གསུམ་ལ་སློབ་ཅིང་ཚོང་དཔོན་གྱི་ཁྱིམ་འདི་ན་གནས་པར་བྱོས་ཤིག །གསུམ་གང་ཞེ་ན། འདུན་པ་དང་། བརྩོན་འགྲུས་དང་། བག་ཡོད་
D111.050.0109a03.01པའོ་ཞེས་སྨྲས་ཏེ། དེ་ལྟར་ཚོང་དཔོན་ནམ་ཁྱིམ་བདག་དེས་བུ་གཅིག་པ་དེ་ལ་ཤིན་ཏུ་ལེགས་པར་གཏམས་ནས་འཆི་བའི་དུས་བྱས་ལ་དེའི་བུ་གཅིག་པ་དེ་བག་མེད་པར་སྤྱོད་པས་ལོངས་སྤྱོད་མ་རྙེད་པ་ནི་མི་རྙེད། ཕ་མེས་ཀྱི་ལོངས་སྤྱོད་རྙེད་པ་དག་ནི་ཡོངས་སུ་ཟད་ཅིང་མེད་པར་གྱུར་ན།
D111.050.0109a04.01ཀུན་དགའ་བོ་དེ་ཇི་སྙམ་དུ་སེམས། ཚོང་དཔོན་གྱི་བུའམ། ཁྱིམ་བདག་གི་བུ་དེས་ཕའི་ལུང་བཞིན་དུ་བྱས་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བདེ་བར་གཤེགས་པ་མ་ལགས་སོ། །བཀའ་སྩལ་པ། ཀུན་དགའ་བོ་ཕ་དེས་བུ་དེ་ལ་བུའི་བྱ་བ་ཅུང་ཟད་བྱས་
D111.050.0109a05.01སམ། གསོལ་པ། བཅོམ་ལྡན་འདས་བགྱིས་སོ། །བདེ་བར་གཤེགས་པ་བགྱིས་སོ། །བཀའ་སྩལ་པ། ཀུན་དགའ་བོ་དེ་བཞིན་དུ་དེ་བཞིན་གཤེགས་པ་ཡང་འཇིག་རྟེན་ཐམས་ཅད་ཀྱི་ཡབ་སྟེ་ཁྱེད་ལ་བུ་གཅིག་བཞིན་དུ་དབུགས་འབྱིན་ཏོ། །ཀུན་དགའ་བོ་འདི་ནི་ངའི་དུས་ཐ་
D111.050.0109a06.01མ་སྟེ། འདི་ནི་ངའི་རྗེས་སུ་བསྟན་པ་ཐ་མ་ཡིན་གྱིས་ཅི་ནས་ཀྱང་བསྐལ་པ་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་དུ་བསྒྲུབས་པ་ངའི་ཆོས་དཀོན་མཆོག་གི་མཛོད་དང་། ཆོས་དཀོན་མཆོག་གི་སྣོད་དང་། ཆོས་ཀྱི་ནོར་བླ་ན་མེད་པ་འདི་གནས་གསུམ་གྱིས་བཞག་ནས་གནས་པར་གྱིས་
D111.050.0109a07.01