完整藏文原文 · 德格版页 当前仅加载第 50 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་འདུག་གོ །ཕྱོགས་གཅིག་ཏུ་འདུག་པ་དང་། ཚེ་དང་ལྡན་པ་སྒྲ་གཅན་ཟིན་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེད་དཔོན་གྱིས་འདི་སྐད་ཅེས་བཀའ་སྩལ་ཏོ། །སྒྲ་གཅན་ཟིན་ཐོང་། མི་
D111.050.0074a01.01དགར་མ་བྱེད། མྱ་ངན་མ་བྱེད། སྨྲེ་སྔགས་མ་འདོན་ཅིག །སྒྲ་གཅན་ཟིན་སྐྱེ་བའི་ཆོས་ཅན་མི་སྐྱེ་བ་དང་། རྒ་བའི་ཆོས་ཅན་མི་རྒ་བ་དང་། ན་བའི་ཆོས་ཅན་མིན་པ་དང་། འཆི་བའི་ཆོས་ཅན་མི་འཆི་བ་དང་། ཟད་པའི་ཆོས་ཅན་མི་ཟད་པར་འགྱུར་བ་དེ་ལྟ་བུ་ག་ལ་ཡོད། སྒྲ་གཅན་
D111.050.0074a02.01ཟིན་དེ་ལྟ་བུའི་གནས་དཀོན་ནོ། །སྒྲ་གཅན་ཟིན་སྔོན་གྱི་སངས་རྒྱས་དང་སངས་རྒྱས་ཀྱི་ཉན་ཐོས་ཐམས་ཅད་ཀྱང་ཞི་ཞིང་བྲལ་ཏེ་ཡོངས་སུ་མྱ་ངན་ལས་འདས་སོ། །མ་འོངས་པའི་སངས་རྒྱས་བཅོམ་ལྡན་འདས་དང་ཉན་ཐོས་དང་རང་སངས་རྒྱས་ཐམས་ཅད་ཀྱང་ཡོངས་སུ་མྱ་ངན་ལས་
D111.050.0074a03.01འདའ་བར་འགྱུར་རོ། །གང་དག་ད་ལྟར་བཞུགས་པའི་དེ་བཞིན་གཤེགས་པ་དང་ཉན་ཐོས་དང་རང་སངས་རྒྱས་དེ་དག་ཐམས་ཅད་ཀྱང་ཡོངས་སུ་མྱ་ངན་ལས་འདའོ། །སྒྲ་གཅན་ཟིན་བསྐལ་པའམ་བསྐལ་པ་བརྒྱར་གནས་པ་ཡང་ངེས་པར་ཡོངས་སུ་མྱ་ངན་ལས་འདའ་དགོས་སོ། །
D111.050.0074a04.01སྒྲ་གཅན་ཟིན་སངས་རྒྱས་བཅོམ་ལྡན་འདས་རྣམས་ལ་ཤིན་ཏུ་རྣམ་པར་ཞི་བ་མ་གཏོགས་པར་ཆོས་ཉིད་གཞན་མེད་གནས་གཞན་མེད་དོ། །སྒྲ་གཅན་ཟིན་ཤིན་ཏུ་རྣམ་པར་ཞི་བ་ཞེས་བྱ་བ་ནི་ཤིན་ཏུ་ཞི་བ། ཤིན་ཏུ་བསིལ་བར་གྱུར་པ། ཤིན་ཏུ་མཐར་ཐུག་པ། ཤིན་ཏུ་བདེ་
D111.050.0074a05.01བ། ཤིན་ཏུ་གྲུབ་པ་དང་བདེ་བ་སྟེ། འདི་ལྟ་སྟེ་གཞི་མེད་པ་མྱ་ངན་ལས་འདས་པའི་དབྱིངས་སོ། །སྒྲ་གཅན་ཟིན་སྐྱེ་བ་སྡུག་བསྔལ། རྒ་བ་སྡུག་བསྔལ། ན་བ་སྡུག་བསྔལ། འཆི་བ་སྡུག་བསྔལ། ཡང་དང་ཡང་མཛའ་བ་དང་བྲལ་བ་སྡུག་བསྔལ། མི་མཛའ་བ་དང་འགྲོགས་
D111.050.0074a06.01པ་སྡུག་བསྔལ། ཕུང་པོའི་ཁུར་ཐོགས་པ་སྡུག་བསྔལ་ལོ། །སྒྲ་གཅན་ཟིན་གང་དག་ཡོངས་སུ་མྱ་ངན་ལས་འདས་པ་དེ་དག་ནི་བདེ་བ་ཡིན་གྱིས་སྒྲ་གཅན་ཟིན་ཁྱོད་ཀྱང་ཡོངས་སུ་མྱ་ངན་ལས་འདའ་བར་གྱིས་ཤིག །བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ཡང་
D111.050.0074a07.01