完整藏文原文 · 德格版页 当前仅加载第 50 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་ཅི་སྨོས་ཏེ། དེ་དག་གི་མཐའ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་ཡང་རྟོགས་པར་སླ་བ་མ་ཡིན་ནོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཡོན་ཏན་དཔག་ཏུ་མེད་པའི་ཕྱིར་རོ། །ཀུན་དགའ་བོ་ངས་དོན་
D111.050.0107a01.01གྱི་དབང་འདི་མཐོང་ནས་གང་དག་ཁ་ཅིག་ངའི་བྱང་ཆུབ་སེམས་དཔའི་སྤྱོད་པའི་ཡོན་ཏན་རྣམས་རྗེས་སུ་དྲན་ཞིང་སེམས་དང་བ་ཡང་སྐྱེད་ན། ཀུན་དགའ་བོ་དགེ་བའི་རྩ་བ་དེ་དག་ཐམས་ཅད་ཀྱི་འབྲས་བུ་མྱ་ངན་ལས་འདས་པ་ཡིན་ཏེ། ཐ་མ་མྱ་ངན་ལས་འདས་པར་ང་དེ་སྐད་སྨྲའོ། །ཀུན་དགའ་བོ་
D111.050.0107a02.01དེ་བས་ན་མྱ་ངན་མ་བྱེད། སྨྲེ་སྔགས་མ་འདོན་ཅིག །ཀུན་དགའ་བོ་ཁྱོད་དང་ལྷ་དང་བཅས་པའི་འཇིག་རྟེན་གྱི་དོན་ཆེན་པོ་ངས་བྱས་ཟིན་ཏེ་ཕན་ཆེན་པོ་ནི་བཏགས། བླ་ན་མེད་པའི་གྲུབ་པ་དང་བདེ་བ་འདི་ལྟ་སྟེ། མྱ་ངན་ལས་འདའ་བ་ཐོབ་པར་བྱ་བའི་ལམ་ནི་བསྟན། བསྒྲུབ་པ་ནི་བཤད་ཟིན་གྱིས་
D111.050.0107a03.01ད་ཁྱེད་བག་ཡོད་པ་ལ་བརྩོན་པར་གྱིས་ཤིག །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་དགེ་སློང་གི་དགེ་འདུན་ལ་བཀའ་སྩལ་པ། དགེ་སློང་དག་དོ་མོད་ཀྱི་ནམ་གྱི་གུང་ཐུན་ལ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་དགེ་སློང་དག་ཚུར་ཤོག །དེང་དུ་ངས་ཁྱེད་མཐོང་བའི་
D111.050.0107a04.01ཐ་མ་དང་རྗེས་སུ་བསྟན་པའི་ཐ་མར་འགྱུར། དེང་དུ་ང་དང་ཁྱེད་མཐོང་བ་ཐ་མ་དང་ཕྲད་པ་ཐ་མར་འགྱུར་ཏེ། དགེ་སློང་ཁྱེད་ཀྱིས་ཕྱིས་ང་མི་མཐོང་ངས་ཀྱང་ཁྱེད་མི་མཐོང་ངོ་། །དེ་བས་ན་དགེ་སློང་དག་མྱ་ངན་མ་བྱེད། སྨྲེ་སྔགས་མ་འདོན་ཅིག །དགེ་སློང་དག་སྡུག་པ་དང་ཡིད་དུ་འོང་བ་ཐམས་ཅད་དང་
D111.050.0107a05.01ཐ་དད་དུ་འགྱུར་ཞིང་འགྱེས་ཏེ་འབྱེ་བར་འགྱུར་འབྲལ་བར་འགྱུར་རོ། །དགེ་སློང་དག་གང་སྐྱེས་པ། བྱུང་བ་བརྟགས་པ། འདུས་བྱས་པ། མངོན་པར་བསམས་པ། རྟེན་ཅིང་འབྲེལ་བར་བྱུང་བ། རབ་ཏུ་འཇིག་པའི་ཆོས་ཅན་འདི་དག་འཇིག་པར་མི་འགྱུར་བའི་གནས་ག་ལ་ཡོད་དེ་དེ་ནི་
D111.050.0107a06.01གནས་མེད་དོ། །དགེ་སློང་དག་ཇི་ལྟར་རིང་དུ་གནས་ཀྱང་ཚེ་ཕྱི་མར་ངེས་པར་འགྲོ་དགོས་སོ། །དགེ་སློང་དག་སྐྱེས་པ་ནི་མི་འཆི་བ་མེད་དོ། །འདུ་བྱེད་དུ་གྱུར་པ་རྣམས་ལ་ནི་རྟག་པའམ། བརྟན་པའམ། ཐེར་ཟུག་གམ། མི་འགྱུར་བའི་ཆོས་ཅན་མ་ཡིན་ནོ། །དགེ་སློང་དག་སྐྱེས་པ་
D111.050.0107a07.01