完整藏文原文 · 德格版页 当前仅加载第 50 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་དེ་དག་ཡོངས་སུ་མྱ་ངན་ལས་འདས་ནས་ཀྱང་མཆོད་རྟེན་བྱས་ནས་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་བརྒྱ་སྟོང་དང་། གླུ་དང་། གར་དང་། སིལ་སྙན་དང་། ཕེག་རྡོབ་པ་བརྒྱ་སྟོང་རྣམས་ཀྱིས་བསྟི་སྟང་བྱས། བླ་མར་བྱས། རིམ་
D111.050.0101a01.01གྲོར་བྱས་ཏེ་མཆོད་ཅིང་རྗེད་པ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཉིད་ལ་བརྟེན་ནས་སེམས་ཅན་ཐམས་ཅད་ལ་སྙིང་བརྩེ་བ་དང་། ལྷ་དང་མི་རྣམས་ཀྱི་དོན་དང་ཕན་པ་དང་བདེ་བ་དང་། མ་རྒལ་བ་རྣམས་བསྒྲལ་བ་དང་། མ་གྲོལ་བ་རྣམས་དགྲོལ་བ་དང་།
D111.050.0101a02.01དབུགས་མ་ཕྱིན་པ་རྣམས་དབུགས་དབྱུང་བ་དང་། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་བཟླ་བའི་ཕྱིར་བྱས་སོ། །ཀུན་དགའ་བོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ལ་ངས་མེ་ཏོག་ཨུད་པ་ལ་ལྔ་གཏོར་
D111.050.0101a03.01ཏེ། དེ་ན་ངས་མི་སྐྱེ་བའི་ཆོས་ལ་བཟོད་པ་ཐོབ་བོ། །ཀུན་དགའ་བོ་ངས་དགེ་བའི་རྩ་བ་ཐོབ་པ་དེ་ལས་དགེ་བའི་རྣམ་པར་སྨིན་པའི་ཕྱོགས་ཙམ་ཞིག་མྱོང་ངོ་། །གང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ལ་མེ་ཏོག་ཨུད་པ་ལ་དེ་ལྔ་གཏོར་བའི་
D111.050.0101a04.01དགེ་བའི་རྩ་བའི་རྣམ་པར་སྨིན་པ་དེ་ལས་ཕྱོགས་ཙམ་ཞིག་ཉན་པར་འདོད་དམ། གསོལ་པ། བཅོམ་ལྡན་འདས་འཚལ་ལོ། །བདེ་བར་གཤེགས་པ་འཚལ་ལོ། །བཅོམ་ལྡན་འདས་ཀྱིས་གང་མར་མེ་མཛད་ལ་དགེ་བའི་རྩ་བ་བསྐྲུན་པའི་ཕྱོགས་ཙམ་ཞིག་བཤད་ཅིང་བསྟན་པའི་དུས་
D111.050.0101a05.01ལགས་ཏེ། བཅོམ་ལྡན་འདས་དུས་ལ་བབ་བོ། །བདེ་བར་གཤེགས་པ་དུས་ལ་བབ་བོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཕྱག་གཡས་པ་གསེར་གྱི་ཁ་དོག་ཅན་བརྐྱང་བ་དང་ཕྱག་གི་མཐེའུ་ཆུང་ལས་ལྷའི་མེ་ཏོག་ཨུད་པ་ལའི་བསུང་བྱུང་བར་གྱུར་ཏོ། །དེ་ནས་སྟོང་གསུམ་གྱི་
D111.050.0101a06.01སྟོང་ཆེན་པོའི་འཇིག་རྟེན་གྱི་ཁམས་གང་ན་ཟླ་བ་དང་ཉི་མ་བྱེ་བ་ཕྲག་བརྒྱ་རྒྱུ་བའི་སངས་རྒྱས་ཀྱི་ཞིང་དེ་དག་ཐམས་ཅད་ལྷའི་མེ་ཏོག་ཨུད་པ་ལའི་བསུང་གིས་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་འདི་ལྟ་བུ་ངོ་མཚར་རྨད་དུ་བྱུང་བའི་ཆོས་ལྷ་དང་མི་དང་ལྷ་མ་ཡིན་དུ་བཅས་པའི་
D111.050.0101a07.01