完整藏文原文 · 德格版页 当前仅加载第 50 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་ལས་འདས་ནས་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མ་ལ་ཟད་པའི་དུས། འཇིག་པའི་དུས། དགེ་སློང་ཚུལ་ཁྲིམས་དང་ལྡན་པ་ཡོངས་སུ་ཟད་ཅིང་ཡོངས་སུ་ཉམས་པར་འགྱུར་བའི་དུས། ཚུལ་ཁྲིམས་དང་མི་ལྡན་པའི་ཕྱོགས་མངོན་པར་འཕེལ་བའི་དུས། དམ་པའི་ཆོས་ཡོངས་སུ་ཉམས་པར་
D111.050.0127a01.01འགྱུར་བའི་དུས། ཆོས་མ་ཡིན་པའི་ཕྱོགས་ཤས་ཆེ་བར་འགྱུར་བའི་དུས། དམ་པའི་ཆོས་སྤོང་བའི་དུས། རྒྱལ་པོ་འཁྲུག་པའི་དུས། སེམས་ཅན་རྣམ་པར་འཇིག་པའི་དུས། ཆོས་དང་འབྲལ་བའི་དུས། དགེ་སློང་དང་འབྲལ་བའི་དུས། འཁྲུགས་པའི་དུས་དེ་ལྟ་བུར་གྱུར་པ་དེ་ན། ཀུན་དགའ་བོ་དགེ་
D111.050.0127a02.01སློང་ཕལ་ཆེར་ལུས་མ་བསྒོམས་པ་དང་། སེམས་དང་ཚུལ་ཁྲིམས་མ་བསྒོམས་པ་དང་། ཤེས་རབ་མ་བསྒོམས་པར་འགྱུར་ཏེ། དེ་ལུས་མ་བསྒོམས་པ་ནས་ཤེས་རབ་མ་བསྒོམས་པའི་བར་དུ་གྱུར་པས་གནས་དྲུག་ལ་ཆགས་པར་འགྱུར་ཏེ། དྲུག་གང་ཞེ་ན། འདི་ལྟ་སྟེ། ལྷུང་བཟེད་ལ་ཆགས་པ་དང་།
D111.050.0127a03.01ཆོས་གོས་ལ་ཆགས་པ་དང་། བསོད་སྙོམས་ལ་ཆགས་པ་དང་། མལ་སྟན་ལ་ཆགས་པ་དང་། ན་བའི་གསོས་སྨན་དང་། ཡོ་བྱད་ལ་ཆགས་པ་དང་། སྣོད་བཟང་པོ་ལ་ཆགས་པར་འགྱུར་རོ། །དེ་དག་ལྷུང་བཟེད་ཀྱི་ཕྱིར་འཐབ་མོར་གྱུར། ཤགས་སུ་གྱུར་ནས་གཅིག་ལ་གཅིག་ཁའི་མཚོན་མདུང་ཐུང་གིས་
D111.050.0127a04.01རྩོད་ཅིང་འགྱེད་པར་འགྱུར། གཅིག་ལ་གཅིག་མི་སྙན་པ་སྒྲོགས་པར་འགྱུར། གཅིག་ལ་གཅིག་ཞེ་སྡང་བར་འགྱུར་རོ། །དེ་བཞིན་དུ་ཆོས་གོས་དང་། བསོད་སྙོམས་དང་། ན་བའི་གསོས་སྨན་དང་། ཡོ་བྱད་ཀྱི་ཕྱིར་གཅིག་ལ་གཅིག་ཞེ་སྡང་བའི་བར་དུ་འགྱུར་རོ། །གཅིག་ལ་གཅིག་ཀུན་ནས་མནར་
D111.050.0127a05.01སེམས་དང་ལྡན་པ་དང་། ཐ་བའི་སེམས་དང་ལྡན་པ་དང་། མ་དད་པའི་སེམས་དང་ལྡན་པ་དང་། ཞེ་འགྲས་པ་དང་། རྣམ་པར་ཀུན་ནས་མནར་སེམས་དང་། མ་དད་པའི་སེམས་དང་ལྡན་པར་འགྱུར་རོ། །ཀུན་དགའ་བོ་དེ་ལྟ་བས་ན་སྣང་བའམ། དབེན་པའམ། ཕྲ་བའམ། རགས་པའམ། བསམ་པའམ། སྦྱོར་
D111.050.0127a06.01བ་ན་ཡང་རུང་། ཚངས་པ་མཚུངས་པར་སྤྱོད་པ་རྣམས་ལ་བྱམས་པའི་ལུས་ཀྱི་ལས་ཀྱིས་གནས་པར་བྱའོ། །བྱམས་པའི་ངག་གི་ལས་དང་། བྱམས་པའི་ཡིད་ཀྱི་ལས་ཀྱིས་ཚངས་པ་མཚུངས་པར་སྤྱོད་པ་རྣམས་ལ་གནས་པར་བྱའོ་ཞེས་ཀུན་དགའ་བོ་ཁྱོད་ཀྱིས་དེ་ལྟར་བསླབ་པར་བྱའོ། །དེ་ཅིའི་ཕྱིར་ཞེ་ན།
D111.050.0127a07.01