完整藏文原文 · 德格版页 当前仅加载第 50 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དང་ལྡན་པ་ཡང་སངས་རྒྱས་ཀྱི་མཐུས་མོག་མོག་པོར་གྱུར་པར་ཤེས་སོ། །དེ་བཞིན་དུ་ཚངས་པ་གཞན་ཐམས་ཅད་ཀྱང་སངས་རྒྱས་ཀྱི་མཐུས་རང་རང་གི་གནས་རྣམས་མོག་མོག་པོར་གྱུར་པར་ཤེས་ཏེ་རང་རང་གི་གནས་རྣམས་ལ་མི་དགའ་བར་གྱུར་ཏོ། །འཇིག་རྟེན་སྐྱོང་བ་དང་
D111.050.0058b01.01དབང་ཕྱུག་ཆེན་པོ་དང་གནས་གཙང་མ་པ་རྣམས་ཀྱང་རང་རང་གི་གནས་རྣམས་ལ་མི་དགའ་བར་གྱུར་ཏོ། །དེ་ནས་སྟོང་གསུམ་གྱི་སྟོང་ཆེན་པོའི་ཚངས་པ་ཆེན་པོ་དེ་འདི་སྙམ་དུ་གང་གིས་བདག་རང་གི་གནས་ལ་མི་དགའ་བར་གྱུར་པ་དེ་སུའི་སྔ་ལྟས་ཡིན་སྙམ་དུ་སེམས་སོ། །དེ་ནས་སྟོང་
D111.050.0058b02.01གསུམ་གྱི་སྟོང་ཆེན་པོའི་ཚངས་པ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དང་ལྡན་པ་ལ་བལྟས་སོ། །དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ལ་བལྟས་ནས་འདི་སྙམ་དུ་གང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་བྱེད་པ་
D111.050.0058b03.01པོ་དབང་ཕྱུག་བདག་པོ་དབང་སྒྱུར་བ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དོ་མོད་མྱ་ངན་ལས་འདའ་བར་འགྱུར་ཏེ། གང་གིས་བདག་རང་གི་སྟན་ལ་འདུག་པར་མི་དགའ་བ་དང་། གང་གིས་ཆོ་འཕྲུལ་བསམ་གྱིས་མི་ཁྱབ་པ་རྨད་དུ་བྱུང་བ་
D111.050.0058b04.01འདི་ལྟ་བུ་དག་སྣང་བར་གྱུར་པ་འདི་ནི་དེ་ཡོངས་སུ་མྱ་ངན་ལས་འདའ་བའི་སྔ་ལྟས་ཡིན་འདི་ནི་དེའི་མཐུ་ཡིན་ནོ་སྙམ་དུ་སེམས་ཏེ། དེ་མི་དགའ་ཞིང་ཡིད་དུང་ཞེས་བྱེད་དེ་སྤུ་ཟིང་ཞེས་བྱེད་པར་གྱུར་ནས་ཚངས་པའི་འཁོར་མང་པོས་ཡོངས་སུ་བསྐོར་ཅིང་མདུན་དུ་བདར་ཏེ་མྱུར་བ་མྱུར་བར་{རིངས་,རིང་}
D111.050.0058b05.01པར་བཅོམ་ལྡན་འདས་ག་ལ་བ་དེར་སོང་ངོ་། །དེའི་ཚེ་སྟོང་གསུམ་གྱི་སྟོང་ཆེན་པོ་ན་ཚངས་པ་ལྷག་མ་ལུས་པར་གྱུར་པ་དང་། མ་འདུས་པ་དང་། ཚངས་པ་དེ་ལས་གཞན་པ་ཇི་སྙེད་ཡོད་པ་དེ་དག་འཕགས་པའི་ཆོས་ལ་མངོན་པར་དུལ་བར་གྱུར། འཕགས་པའི་ཆོས་ལ་གནས་
D111.050.0058b06.01པར་གྱུར་ཏོ། །དེ་ནས་སྟོང་གསུམ་གྱི་སྟོང་ཆེན་པོའི་ཚངས་པ་དེ་བཅོམ་ལྡན་འདས་ག་ལ་བ་དེར་སོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་གནས་པར་བགྱི་བ་དང་ཇི་ལྟར་
D111.050.0058b07.01