完整藏文原文 · 德格版页 当前仅加载第 50 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
ནམས་མང་དུ་སྐྱེད་དེ། བསོད་ནམས་ཚད་མ་མཆིས། གྲངས་མ་མཆིས། བསམ་གྱིས་མི་ཁྱབ། མཚུངས་པ་མ་མཆིས། དཔག་ཏུ་མ་མཆིས་པ་སྐྱེད་པར་འགྱུར་ན། དེ་བཞིན་གཤེགས་པའི་ཚོགས་དེ་ལྟ་བུ་ལ་བསྐལ་པ་དེ་སྙེད་དུ་བསྟི་སྟང་བགྱིས། བླ་མར་བགྱིས། རིམ་གྲོར་བགྱིས། མཆོད་པར་བགྱིས་པ་ལྟ་
D111.050.0122b01.01སྨོས་ཀྱང་ཅི་འཚལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་དེ་དེ་བཞིན་ནོ། །ཁྱོད་ཇི་སྐད་ཟེར་བ་བཞིན་ཏེ། དེ་བསོད་ནམས་ཚད་མེད་པ་སྐྱེད་དོ། །ཀུན་དགའ་བོ་དེ་བས་ན་ཁྱོད་ལ་བསྒོའོ། །ཁྱོད་ཀྱིས་ཁོང་དུ་ཆུད་པར་
D111.050.0122b02.01བྱའོ། །གང་ཁྱིམ་བདག་དེས་དེ་བཞིན་གཤེགས་པ་དེ་སྙེད་ཅིག་ལ་བདེ་བའི་ཡོ་བྱད་ཐམས་ཅད་ཀྱིས་བསྐལ་པ་དེ་སྙེད་དུ་བསྟི་སྟང་བྱས། བླ་མར་བྱས། རིམ་གྲོར་བྱས་པས་བསོད་ནམས་བསྐྱེད་བས། གང་གིས་རུ་ཤིང་བཞིན་དུ་བྱས། ཡིད་ལ་བྱས། སེམས་ཐམས་ཅད་ཀྱིས་བསམས་ཏེ། རྣ་བླགས་སེམས་རྩེ་
D111.050.0122b03.01གཅིག་ཏུ་བྱས་ནས་ཆོས་ཉན་ཅིང་སེ་གོལ་གཏོགས་པ་ཙམ་ཡང་འདུ་བྱེད་ཐམས་ཅད་མི་རྟག་པའམ། སྡུག་བསྔལ་བའམ། ཞི་བའམ། སྟོང་པའམ། བདག་མེད་པའོ་ཞེས་ཡིད་ལ་བྱེད་ན་འདི་དེ་བས་བསོད་ནམས་ཆེས་མང་དུ་སྐྱེད་དེ། ཀུན་དགའ་བོ་གང་ཆོས་གུས་པར་འཆད་པ་དང་། གང་ཆོས་གུས་པར་ཉན་
D111.050.0122b04.01པ་ནི་བསོད་ནམས་ཆེས་མང་དུ་སྐྱེད་དོ། །ཀུན་དགའ་བོ་ངས་འདི་ལ་དགོངས་ནས་འདི་སྐད་དུ། རྣམ་པ་གཉིས་ཀྱི་དོན་གྱི་ཕྱིར། །སངས་རྒྱས་བཤད་པ་མཉན་པར་བྱ། །ཟག་པ་རྣམས་ཀྱང་ཟད་པར་འགྱུར། །བྱང་ཆུབ་ཉེ་བར་གྱུར་པར་འདོད། །གང་ཞིག་ཆོས་རྣམས་འཆད་པ་དང་། །དྲང་སྲོང་རྒྱལ་མཚན་གང་འཛིན་
D111.050.0122b05.01པ། །གཉི་ག་བསོད་ནམས་ལྡན་པར་འགྱུར། །ཆོས་ནི་དྲང་སྲོང་རྒྱལ་མཚན་ཡིན་ཞེས་བཤད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གང་ཆོས་གུས་པར་འཆད་པ་དང་། གང་ཆོས་གུས་པར་ཉན་པ་འདི་གཉིས་ནི་བདུད་དང་ལྷན་ཅིག་ཏུ་གཡུལ་འདྲེ་བའོ། །
D111.050.0122b06.01དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟ་སྟེ་དགེ་བའི་བཤེས་གཉེན་ཉིད་དང་། དགེ་བའི་གྲོགས་སུ་གྱུར་པ་ཉིད་དང་། དགེ་བའི་བཤེས་གཉེན་དང་ལྡན་པ་འདི་ནི་ཚངས་པར་སྤྱོད་པ་ཡོངས་སུ་རྫོགས་པར་བྱེད་པའོ། །དེ་ཅིའི་ཕྱིར་ཞེ་ན། ཀུན་དགའ་བོ་དགེ་བའི་བཤེས་གཉེན་ལ་བརྟེན་ནས་སེམས་ཅན་སྐྱེ་བའི་ཆོས་ཅན་
D111.050.0122b07.01