完整藏文原文 · 德格版页 当前仅加载第 50 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དགའ་བོ་འདི་ལྟར་འཁྲུག་པ་ཆེན་པོའི་དུས་དེ་ལྟ་བུར་གྱུར་ཅིང་། ཚེ་སྙིགས་མ་དང་། ལྟ་བ་སྙིགས་མ་དང་། ཉོན་མོངས་པ་སྙིགས་མ་དང་། དུས་སྙིགས་མ་དང་། སེམས་ཅན་སྙིགས་མ་དང་། ཞིང་སྙིགས་མར་གྱུར་པ་དེའི་ཚེ་ཁྱིམ་པ་རྣམས་ཀྱང་སྡུག་བསྔལ་བར་གྱུར་ཏེ་སྡུག་བསྔལ་དུ་ཉེ་བར་ལྟུང་། སྡུག་བསྔལ་
D111.050.0127b01.01གྱིས་གཙེས། མུ་གེས་གཙེས། ནད་ཀྱིས་གཙེས། འཆི་བས་གཙེས། ཆོམ་རྐུན་གྱིས་གཙེས། ཆར་མི་འབབ་པ་དང་ཧ་ཅང་ཆར་ཆེས་པས་གཙེས། དུས་དང་བྱེ་བས་གཙེས་ཤིང་འཚེ་བ་རྣམ་པ་སྣ་ཚོགས་དེ་དག་དང་གཞན་དག་གིས་ཀྱང་གཙེས་པར་འགྱུར་ཏེ། ཀུན་དགའ་བོ་བྲམ་ཟེ་དང་ཁྱིམ་བདག་དེ་དག་དེ་ལྟར་
D111.050.0127b02.01སྡུག་བསྔལ་བར་གྱུར་ཅིང་སྡུག་བསྔལ་དང་ལྡན་པས་དད་པར་འགྱུར་རོ། །མངོན་པར་དད་ཅིང་རྣམ་པར་མི་རྟོག་པ་མེད་པས་སངས་རྒྱས་ལ་ཤེས་ནས་དད། ཆོས་དང་དགེ་འདུན་ལ་ཤེས་ནས་དད་པར་འགྱུར་རོ། །དེ་དག་སངས་རྒྱས་ལ་དམིགས་པའི་སེམས་དང་། ཆོས་ལ་དམིགས་པའི་སེམས་དང་། དགེ་འདུན་ལ་
D111.050.0127b03.01དམིགས་པའི་སེམས་ཀྱིས་ཁ་ཅིག་ནི་གང་ཟག་ལ་དགའ་བས་སྦྱིན་པ་དག་སྦྱིན་པར་འགྱུར་རོ། །བསོད་ནམས་དག་བྱེད་པར་འགྱུར་རོ། །གསོ་སྦྱོང་འཛིན་པར་འགྱུར་རོ། །ཁ་ཅིག་ནི་བསླབ་པའི་གཞི་རྣམས་འཛིན་པར་འགྱུར། ལུང་ནོད་པར་འགྱུར། ཁ་ཏོན་བྱེད་པར་འགྱུར། ཆོས་ཀྱང་ཉན་པར་འགྱུར་རོ། །མཉན་
D111.050.0127b04.01ནས་ཀྱང་སྒྲུབ་པར་བྱེད་ཅིང་དགའ་བ་དང་དད་པ་དང་མཆོག་ཏུ་དགའ་བ་ཐོབ་པར་འགྱུར་ཏེ། དེ་དགེ་བའི་རྩ་བ་རྣམས་ཀྱང་སྐྱེད་པར་འགྱུར་རོ། །དེ་དག་དགེ་བའི་རྩ་བ་དང་ལྡན་པར་གྱུར་པས་ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷའི་ནང་དུ་སྐྱེ་བར་འགྱུར་རོ། །ཀུན་དགའ་བོ་འདི་ལྟར་དད་པས་ཁྱིམ་
D111.050.0127b05.01ནས་ཁྱིམ་མེད་པར་རབ་ཏུ་བྱུང་ཡང་ངན་སོང་དུ་འགྲོ་བར་འགྱུར་བ་དང་། ཁྱིམ་པ་ཁྱིམ་ན་གནས་པ་སྡུག་བསྔལ་བར་གྱུར་ཅིང་སྡུག་བསྔལ་གྱིས་ཉམ་ཐག་པ་རྣམས་སེམས་དད་པའི་དགེ་བའི་རྩ་བས་བདེ་འགྲོར་འགྲོ་བར་འགྱུར་བ་དུས་དེ་ཇི་ཙམ་དུ་ལོག་པར་གྱུར་པ་ལ་ལྟོས། ཀུན་དགའ་བོ་དེ་བས་ན་ལུས་དང་ངག་དང་ཡིད་
D111.050.0127b06.01སྡོམ་པས་བསྡམ་པར་བྱ་ཞིང་སེམས་དད་པ་དང་། དགའ་བའི་སྟོབས་སུ་འགྱུར་བ་དང་། དད་པ་དང་། དྲང་བ་དང་། ལྷག་པའི་བསམ་པ་ཕུན་སུམ་ཚོགས་པ་དང་། ལུས་ཀྱི་ལས་ལེགས་པར་བརྟགས་པ་དང་། ངག་གི་ལས་ལེགས་པར་བརྟགས་པ་དང་། ཡིད་ཀྱི་ལས་ལེགས་པར་བརྟགས་པར་གྱིས་ཤིག །དེ་ཅིའི་ཕྱིར་ཞེ་ན། ཀུན་དགའ་
D111.050.0127b07.01