完整藏文原文 · 德格版页 当前仅加载第 50 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ་དེའི་ཚེ་འཕགས་པ་མཽད་གལ་གྱི་བུ་ཡང་མཆིས་ཏེ། འཕགས་པ་མཽད་གལ་གྱི་བུ་མཆིས་ནས་ལྷ་མ་ཡིན་གྱི་དབང་པོ་དེ་བཞི་ཆོས་དང་འཐུན་པས་ཚར་གཅོད་དོ། །དེ་ལྟར་བགྱིས་པས་ལྷ་དང་ལྷ་མ་ཡིན་རྣམས་འཐབ་པ་མ་མ་མཆིས། འགྱེད་པ་མ་མ་མཆིས། མཚང་
D111.050.0071b01.01འདྲུ་བ་མ་མཆིས། རྩོད་པ་མ་མཆིས་ཤིང་བདེ་བར་འགྱུར་ན། བཅོམ་ལྡན་འདས་མཽད་གལ་གྱི་བུ་ཡང་ཡོངས་སུ་མྱ་ངན་ལས་འདས། བཅོམ་ལྡན་འདས་ཀྱང་ད་ཡོངས་སུ་མྱ་ངན་ལས་འདའ་བར་འགྱུར་ཏེ། དེ་ལྟ་བས་ན་བདག་ཅག་འཐབ་པ་དང་འགྱོད་པ་ཆེན་པོར་
D111.050.0071b02.01འགྱུར་ན། བཅོམ་ལྡན་འདས་ལྷ་དང་། ལྷ་མ་ཡིན་དང་། ལྷ་མ་ཡིན་གྱི་དབང་པོ་བཞི་གཡུལ་ཤོམ་པ་དེའི་ཚེ་ཇི་ལྟར་བསྒྲུབ་པར་བགྱི་བ་བདག་ལ་བཀའ་སྩལ་དུ་གསོལ། དེ་སྐད་ཅེས་གསོལ་པ་དང་བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་
D111.050.0071b03.01སྩལ་ཏོ། །ཀཽ་ཤི་ཀ་འདི་ལྟ་སྟེ། ཚུལ་ཁྲིམས་རྣམ་པར་དག་པའི་ཕྱིར་ཚུལ་ཁྲིམས་དང་ལྡན་པ་ཚངས་པར་སྤྱོད་པའི་སེམས་ལ་སྨོན་པ་འགྲུབ་སྟེ་ཚངས་པར་མི་སྤྱོད་པའི་མ་ཡིན་ནོ། །འདོད་ཆགས་དང་བྲལ་བའི་འགྲུབ་ཀྱི་འདོད་ཆགས་དང་མ་བྲལ་བའི་མ་ཡིན་ནོ། །ཞེ་སྡང་དང་
D111.050.0071b04.01བྲལ་བའི་འགྲུབ་ཀྱི་ཞེ་སྡང་དང་མ་བྲལ་བའི་མ་ཡིན་ནོ། །གཏི་མུག་དང་བྲལ་བའི་འགྲུབ་ཀྱི་གཏི་མུག་དང་མ་བྲལ་བའི་མ་ཡིན་ནོ། །ཤེས་རབ་དང་ལྡན་པའི་འགྲུབ་ཀྱི་ཤེས་རབ་འཆལ་བའི་མི་འགྲུབ་བོ། །ཀཽ་ཤི་ཀ་ཇི་སྲིད་དུ་དམ་པའི་ཆོས་འདི་ནུབ་པར་མ་གྱུར་པ་དེ་སྲིད་དུ། ཀཽ་ཤི་
D111.050.0071b05.01ཀ་ལྷ་དང་ལྷ་མ་ཡིན་གཡུལ་ཤོམ་པར་འགྱུར་བ་ན་ངའི་མིང་སྨོས་པ་ཙམ་གྱིས་ལྷ་རྣམས་རྒྱལ་བར་འགྱུར་ཞིང་ལྷ་མ་ཡིན་ཕམ་པར་འགྱུར་བར་ངས་དེང་ནས་བྱིན་གྱིས་བརླབས་ཀྱིས་ཀཽ་ཤི་ཀ་མི་དགར་མ་བྱེད། མྱ་ངན་མ་བྱེད། སྨྲེ་སྔགས་མ་འདོན་
D111.050.0071b06.01ཅིག །དེ་ནས་ལྷ་མ་ཡིན་གྱི་དབང་པོ་བཞི་བཅོམ་ལྡན་འདས་ཀྱི་བྱིན་གྱིས་བརླབས་པའི་སྒྲ་འདི་ལྟ་བུ་ཐོས་ནས་སྐྱོ་ཞིང་མི་དགའ་སྟེ། སྤུ་ཟིང་ཞེས་བྱེད་པར་གྱུར་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ།
D111.050.0071b07.01