完整藏文原文 · 德格版页 当前仅加载第 50 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
འདུལ་བ་ལ་དད་པར་གྱུར་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་། །རབ་ཏུ་བྱུང་ནས་ཀྱང་དགེ་བའི་བཤེས་གཉེན་ལ་བསྙེན་ཅིང་བསྟེན་ལ་བསྙེན་བཀུར་བྱས་པས་དགྲ་བཅོམ་པ་ཐོབ་སྟེ། མངོན་པར་ཤེས་པ་དྲུག་མངོན་སུམ་དུ་བྱས་ནས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་
D111.050.0090b01.01མྱ་ངན་ལས་འདས་སོ། །ཀུན་དགའ་བོ་ཆུ་སྲིན་དུད་འགྲོའི་སྐྱེ་གནས་སུ་གྱུར་པ་དེས་སངས་རྒྱས་ཀྱི་སྒྲ་ཐོས་པ་དེ་མིར་འགྱུར་བའི་རྒྱུར་གྱུར་པ་དང་། རབ་ཏུ་བྱུང་བའི་རྒྱུར་གྱུར་པ་དང་། དགྲ་བཅོམ་པ་ཐོབ་པའི་རྒྱུར་གྱུར་པ་དང་། ཡོངས་སུ་མྱ་ངན་ལས་འདས་པའི་རྒྱུར་གྱུར་པ་ལ་ལྟོས། ཀུན་
D111.050.0090b02.01དགའ་བོ་སངས་རྒྱས་བཅོམ་ལྡན་འདས་རྣམས་ཀྱི་སྒྲ་ཐོས་པ་དེ་ཇི་ཙམ་དུ་རྫུ་འཕྲུལ་ཆེ་བ་དང་། མཚན་བརྗོད་པ་ཇི་ཙམ་དུ་རྫུ་འཕྲུལ་ཆེ་བ་དང་། སེམས་དང་བ་ཇི་ཙམ་དུ་རྫུ་འཕྲུལ་ཆེ་བ་ལ་ལྟོས། གང་ན་མི་དགེ་བར་གཏོགས་པ་དུད་འགྲོའི་སྐྱེ་གནས་སུ་གྱུར་པའི་ཆུ་སྲིན་གྱིས་སངས་རྒྱས་ཀྱི་སྒྲ་ཐོས་པ་
D111.050.0090b03.01དེ་ཡང་དོན་མེད་པར་མ་གྱུར་ན་མིར་གྱུར་པ་ལྟ་ཅི་སྨོས། ཀུན་དགའ་བོ་ཁྱོད་ཀྱིས་རྣམ་གྲངས་འདིས་ཀྱང་འདི་ལྟར་རིག་པར་བྱ་སྟེ། འདི་ལྟར་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་སྒྲ་ཐོས་པ་ཡང་དོན་མེད་པར་མི་འགྱུར་ན། སངས་རྒྱས་ལ་བསྐྱེད་པའི་དགེ་བའི་རྩ་བ་དེ་ལས་
D111.050.0090b04.01གཞན་ལྟ་ཅི་སྨོས། ཀུན་དགའ་བོ་ཉི་ཚེ་བ་བྱེད་པ་ནི་ཉི་ཚེ་བ་འགྲུབ། ཡོངས་སུ་རྫོགས་པ་བྱེད་པ་ནི་ཡོངས་སུ་རྫོགས་པ་འགྲུབ་བོ། །ངས་དེ་སྐད་སྨྲས་པ་དེ་ཡང་ངས་ཅི་ལ་བརྟེན་ཏེ་སྨྲས་ཤེ་ན། ཉི་ཚེ་བ་བྱེད་པ་ཞེས་བྱ་བ་ནི་གང་དད་པ་ལས་བྱུང་བ་དགེ་བའི་རྩ་བ་ཚུ་རོལ་པའི་དུས་ཅན་ཉན་ཐོས་ཀྱི་
D111.050.0090b05.01ས་བོན་སྐྱེད་པ་སྟེ་ཉན་ཐོས་སུ་འགྱུར་རོ། །དེ་དགེ་བའི་རྩ་བ་དེས་ཉན་ཐོས་ཀྱི་ས་ཡོངས་སུ་རྫོགས་པར་བྱེད་དོ། །རང་གི་ཕྱིར་བྱེད་པ་ནི་རང་གི་དགེ་བའི་རྩ་བ་བསྐྱེད་ནས་རང་སངས་རྒྱས་ཀྱི་ས་ཡོངས་སུ་རྫོགས་པར་བྱེད་དེ། ཀུན་དགའ་བོ་ངས་འདི་ལ་བརྟེན་ནས་འདི་ཉི་ཚེ་བ་བྱེད་པའོ་ཞེས་སྨྲས་སོ། །
D111.050.0090b06.01ཀུན་དགའ་བོ་ཡོངས་སུ་རྫོགས་པར་བྱེད་པ་ནི་ཀུན་དགའ་བོ་གང་ཐོག་མ་དང་ཐ་མ་མེད་པའི་དུས་ཅན་དགེ་བའི་རྩ་བ་སངས་རྒྱས་ལ་བསྐྱེད་པ། སངས་རྒྱས་ཀྱི་ས་བོན་བསྐྱེད་པ་སྟེ། དེ་དུས་རིང་མོ་ཞིག་འདས་ནས་བརྒྱ་ལ་བརྒྱ་ལམ་ན་རྒྱུ་དེ་དང་། རྐྱེན་དེ་དང་། དགེ་བའི་རྩ་བ་དེས་སངས་རྒྱས་བཅོམ་
D111.050.0090b07.01