完整藏文原文 · 德格版页 当前仅加载第 50 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
ངའི་སྨོན་ལམ་ཉིད་ཀྱིས་སངས་རྒྱས་ཀྱི་ཞིང་འདིར་སྐྱེས་ནས་ངས་ཆོས་བསྟན་པའང་ཤེས་སོ། །ངའི་ཆོས་བསྟན་པས་འདུལ་བར་ཡང་འགྱུར་ཏེ། བརྒྱ་བྱིན་རྣམས་ཀྱི་མ་ཡིན། ཚངས་པ་རྣམས་ཀྱི་མ་ཡིན། འཇིག་རྟེན་སྐྱོང་བ་རྣམས་ཀྱི་མ་ཡིན་ནོ། །ཚངས་
D111.050.0065a01.01པ་རྣམ་གྲངས་འདིས་ཀྱང་དེ་འདི་ལྟར་སངས་རྒྱས་ཀྱི་ཞིང་འདི་སངས་རྒྱས་བཅོམ་ལྡན་འདས་རྣམས་ཀྱི་ཡིན་གྱི། བརྒྱ་བྱིན་རྣམས་ཀྱི་མ་ཡིན། ཚངས་པ་རྣམས་ཀྱི་མ་ཡིན། འཇིག་རྟེན་སྐྱོང་བ་རྣམས་ཀྱི་མ་ཡིན། གཞན་མུ་སྟེགས་ཅན་དང་། སྤྱོད་པ་ཅན་དང་། ཀུན་ཏུ་རྒྱུ་རྣམས་
D111.050.0065a02.01ཀྱི་མ་ཡིན་པར་རིག་པར་བྱའོ། །དེ་ནས་མི་མཇེད་ཀྱི་བདག་པོ་ཚངས་པ་འབུམ་ཕྲག་བཅུའི་བདག་པོ་ཚངས་པ་དེ་དང་། དེ་ལས་གཞན་པའི་ཚངས་པ་རྣམས་སྐྱོ་ཞིང་ཡིད་བྱུང་བར་གྱུར་ཏེ། ཚིག་འདི་སྐད་ཅེས་ཇི་ཙམ་དུ་སངས་རྒྱས་བཅོམ་ལྡན་འདས་རྣམས་ཆོས་རྒྱ་ཆེན་པོ་དང་ལྡན་པ་ངོ་
D111.050.0065a03.01མཚར་ཏོ། །ཇི་ཙམ་དུ་སངས་རྒྱས་བཅོམ་ལྡན་འདས་རྣམས་རྨད་དུ་བྱུང་བའི་ཆོས་དང་ལྡན་པ་ངོ་མཚར་ཏོ་ཞེས་སྨྲས་སོ། །དེ་ནས་སྟོང་གསུམ་གྱི་སྟོང་ཆེན་པོའི་ཚངས་པ་དེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་རྨད་དུ་འཛིན་པར་གྱུར་ཏེ།
D111.050.0065a04.01ཇི་ཙམ་དུ་སངས་རྒྱས་བཅོམ་ལྡན་འདས་རྣམས་ཀྱི་ཡུལ་བསམ་གྱིས་མི་ཁྱབ་ཅིང་མཐའ་ཡས་པ་ངོ་མཚར་ཏོ་སྙམ་མོ། །དེ་ནས་སྟོང་གསུམ་གྱི་སྟོང་ཆེན་པོའི་ཚངས་པ་ཆེན་པོ་དེ། བཅོམ་ལྡན་འདས་ཀྱི་སློབ་མར་ཁས་བླངས་ནས། བཅོམ་ལྡན་འདས་ལ་སྐྱབས་སུ་སོང་སྟེ།
D111.050.0065a05.01བཅོམ་ལྡན་འདས་ནི་བདག་གི་སྟོན་པ། བདེ་བར་གཤེགས་པ་ནི་བདག་གི་སྟོན་པ་ལགས་ན། བཅོམ་ལྡན་འདས་ཇི་ལྟར་གནས་པར་བགྱི་བ་དང་། ཇི་ལྟར་བསྒྲུབ་པར་བགྱི་བ་བདག་ལ་བཀའ་སྩལ་དུ་གསོལ་ཞེས་བཅོམ་ལྡན་འདས་ལ་བཀའ་ལུང་ཡང་ནོད་པར་གྱུར་ཏོ། །
D111.050.0065a06.01དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚངས་པ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །ཚངས་པ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ནི་ངའི་སངས་རྒྱས་ཀྱི་ཞིང་ཡིན། འདི་ནི་ངའི་སངས་རྒྱས་ཀྱི་ཞིང་ཡིན་ཏེ། ཚངས་པ་སྟོང་གསུམ་
D111.050.0065a07.01