完整藏文原文 · 德格版页 当前仅加载第 50 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
པ། བཅོམ་ལྡན་འདས་དག་གི་ལས་ཀྱིས་བསྟན་པར་སླ་བ་མ་ལགས་པ་དང་། བཅོམ་ལྡན་འདས་དཔེས་བསྟན་པར་ཡང་སླ་བ་མ་ལགས་པ་དེ་ཙམ་དུ་བཅོམ་ལྡན་འདས་བདག་ལ་སྡུག་གོ། །བདེ་བར་གཤེགས་པ་བདག་ལ་སྡུག་གོ། །བཅོམ་ལྡན་འདས་བདག་གི་ལུས་དང་སྲོག་བཅོམ་ལྡན་
D111.050.0108b01.01འདས་ཀྱི་དོན་དུ་ཡོངས་སུ་བཏང་ཡང་བདག་མི་དགའ་བར་མི་འགྱུར་བ་དེ་ལྟ་བུར་བཅོམ་ལྡན་འདས་བདག་ལ་སྡུག་གོ། །བདེ་བར་གཤེགས་པ་བདག་ལ་སྡུག་གོ། །བཅོམ་ལྡན་འདས་བདག་ལ་དེ་ལྟར་སྡུག་པ་དང་བདེ་བར་གཤེགས་པ་བདག་ལ་དེ་ལྟར་སྡུག་པར་བཅོམ་ལྡན་འདས་དེ་བཞིན་གཤེགས་
D111.050.0108b02.01པ་ཉིད་ཀྱིས་མཁྱེན་ནོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་གལ་ཏེ་ཁྱོད་ལ་ང་སྡུག་ན་ལག་པ་གཡས་པ་ང་ལ་བྱིན་དེ་ནས་ཚེ་དང་ལྡན་པ་ཀུན་དགའ་བོས་ལག་པ་གཡས་པ་ཕུལ་ལོ། །
D111.050.0108b03.01དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོའི་ལག་པ་ཉིད་ཀྱི་ཕྱག་གཡས་པ་གསེར་གྱི་ཁ་དོག་ཅན་རྒྱ་སྐྱེགས་ཀྱི་ཁུ་བ་རབ་ཏུ་བཟང་པོས་ཁ་བསྒྱུར་བ་ལྟ་བུར་འཇམ་ཞིང་རབ་ཏུ་གཞོན་པས་བཟུང་ནས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་
D111.050.0108b04.01བོ་གལ་ཏེ་ཁྱོད་ལ་ང་སྡུག་ན་སྡུག་པའི་བྱ་བ་བྱོས། དེ་ལ་ང་ལ་སྡུག་པར་འཛིན་པའི་བྱ་བ་གང་ཞེ་ན། ཀུན་དགའ་བོ་བསྐལ་པ་གྲངས་མེད་པ་བྱེ་བར་བསྒྲུབས་པའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་། བླ་ན་མེད་པའི་ཆོས་དཀོན་མཆོག་གི་མཛོད་འདི་ཁྱོད་ལ་བཅོལ་ཅིང་
D111.050.0108b05.01གཏད་ཀྱིས་ཅི་ནས་ཀྱང་ང་དང་འཐུན་པར་གྱིས་ཤིག །འཐུན་པར་བྱས་ནས་ཀྱང་ཡངས་ཤིང་རྒྱས་པར་གྱིས་ཤིག །རྒྱུན་མ་ཆད་པར་གྱིས་ཤིག །སྐྱེས་བུ་ཐ་མ་པར་མ་གྱུར་ཅིག །ཀུན་དགའ་བོ་དེ་བཞིན་གཤེགས་པས་གསུངས་པའི་ཆོས་འདུལ་བ་འདི་རྣམ་པར་འཕེལ་བ་དང་།
D111.050.0108b06.01ཡོངས་སུ་མི་ཉམས་པ་དང་། ཀུན་ཏུ་སྲུང་ཞིང་སྦ་བ་དང་། ཆུད་མི་ཟོས་པར་བྱ་བའི་ཕྱིར་ཁྱོད་ལ་དཔེ་བསྟན་པར་བྱ་སྟེ་འདི་ལ་སྐྱེས་བུ་མཁས་པ་ཁ་ཅིག་དཔེས་སྨྲས་པའི་དོན་ཤེས་པར་འགྱུར་རོ། །ཀུན་དགའ་བོ་འདི་ལྟ་སྟེ་དཔེར་ན། ཚོང་དཔོན་ནམ་ཁྱིམ་བདག་ཕྱུག་པོ་ནོར་ཆེ་བ། ལོངས་
D111.050.0108b07.01