完整藏文原文 · 德格版页 当前仅加载第 50 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པའི་སངས་རྒྱས་མར་མེ་མཛད་ཀྱི་ཚུ་རོལ་ན་དེ་བཞིན་གཤེགས་པ་པད་མའི་བླ་མ་ཞེས་བྱ་བ་ངས་མཉེས་པར་བྱས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཉིད་འདོད་པའི་ཕྱིར། བཅོམ་ལྡན་འདས་དེ་ལ་ངས་གསེར་གྱི་མེ་ཏོག་གཏོར་ཏོ། །དེའི་ཚུ་རོལ་ན་དེ་བཞིན་
D111.050.0102b01.01གཤེགས་པ་ཐམས་ཅད་ཟིལ་གྱིས་གནོན་པ་ཞེས་བྱ་བ་མཉེས་པར་བྱས་ཏེ། རྣམ་པ་ཐམས་ཅད་མཁྱེན་པ་འདི་ཉིད་འདོད་པའི་ཕྱིར་བཅོམ་ལྡན་འདས་དེ་ལ་ཡང་ངས་དངུལ་གྱི་མེ་ཏོག་གཏོར་ཏོ། །དེའི་ཚུ་རོལ་ན་དེ་བཞིན་གཤེགས་པ་ཤིན་ཏུ་མཐོར་བཞུད་ཅེས་བྱ་བ་མཉེས་པར་བྱས་ཏེ།
D111.050.0102b02.01གྲངས་མེད་པ་འདི་ཉིད་ཀྱི་དོན་དུ་བཅོམ་ལྡན་འདས་དེ་ལ་ཡང་ངས་གསེར་སྙིམ་པ་གང་གཏོར་ཏོ། །ཤིན་ཏུ་མཐོར་བཞུད་དེའི་ཚུ་རོལ་ན་དེ་བཞིན་གཤེགས་པ་གྲགས་པ་བླ་མ་ཞེས་བྱ་བ་མཉེས་པར་བྱས་ཏེ། ངེས་པར་རྟོགས་པའི་ཡེ་ཤེས་འདི་ཉིད་ཀྱི་དོན་དུ་དེ་བཞིན་གཤེགས་པ་དེ་ལ་ངས་
D111.050.0102b03.01རིན་པོ་ཆེ་སྙིམ་པ་གང་གཏོར་ཏོ། །དེ་བཞིན་གཤེགས་པ་གྲགས་པ་བླ་མའི་ཚུ་རོལ་ན་ང་དང་མིང་འཐུན་པ་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བྱུང་སྟེ། འཕགས་པའི་ལམ་འདི་ཉིད་ཀྱི་ཕྱིར་དེ་ལ་ཡང་ངས་མེ་ཏོག་སིལ་མས་གཏོར་ཏོ། །དེ་བཞིན་གཤེགས་པ་ཤཱཀྱ་ཐུབ་པའི་
D111.050.0102b04.01ཚུ་རོལ་ན་དེ་བཞིན་གཤེགས་པ་སྐར་རྒྱལ་ཞེས་བྱ་བ་མཉེས་པར་བྱས་ཏེ། ངེས་པར་རྟོགས་པའི་ཡེ་ཤེས་འདི་ཉིད་ཀྱི་དོན་དུ་བཅོམ་ལྡན་འདས་དེ་ལ་ཡང་ངས་ཙན་དན་དམར་པོའི་ཕྱེ་མས་གཏོར་ཏོ། །དེ་བཞིན་གཤེགས་པ་སྐར་རྒྱལ་གྱི་ཚུ་རོལ་ན་དེ་བཞིན་གཤེགས་པ་རྒྱས་པ་ཞེས་
D111.050.0102b05.01བྱ་བ་མཉེས་པར་བྱས་ཏེ། བཅོམ་ལྡན་འདས་དེ་ལ་ཡང་ངས་མིག་མི་འཛུམས་ཤིང་སེམས་མངོན་པར་དང་བས་ཉིན་ཞག་བདུན་དུ་ཚིགས་སུ་བཅད་པ་གཅིག་གིས་མངོན་པར་བསྟོད་དོ། །དེ་བཞིན་གཤེགས་པ་རྒྱས་པའི་ཚུ་རོལ་ན་དེ་བཞིན་གཤེགས་པ་རྣམ་པར་གཟིགས་ཞེས་
D111.050.0102b06.01བྱ་བ་མཉེས་པར་བྱས་ཏེ། བཅོམ་ལྡན་འདས་དེ་ལ་ཡང་ངས་མོན་སྲན་སྡེའུ་སྙིམ་པ་གང་གཏོར་ཏོ། །རྣམ་པར་གཟིགས་ཀྱི་ཚུ་རོལ་ན་དེ་བཞིན་གཤེགས་པ་གཙུག་ཏོར་ཅན་ཞེས་བྱ་བ་མཉེས་པར་བྱས་ཏེ། བཅོམ་ལྡན་འདས་དེ་ལ་ཡང་ངས་ན་བཟའ་རིན་པོ་ཆེ་གསོལ་ཏོ། །གཙུག་
D111.050.0102b07.01