完整藏文原文 · 德格版页 当前仅加载第 50 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
མཚུངས་པར་སྤྱོད་པ་རྣམས་ལ་ཆོས་འཆད་པས་ངལ་བ་མེད་པ་ཤ་སྟག་གོ། །ཀུན་དགའ་བོ་དེ་དག་ཀྱང་ངའི་བསྟན་པ་རྒྱས་པར་བྱེད་དེ་ལྷ་དང་མི་རྣམས་ལ་ཡངས་ཤིང་རྒྱ་ཆེ་བར་བྱེད་པར་འགྱུར་གྱིས་ཀུན་དགའ་བོ་ཁྱོད་མྱ་ངན་མ་བྱེད། སྨྲེ་སྔགས་མ་འདོན་ཅིག །ཀུན་དགའ་བོ་ང་འདས་ནས་བྱང་
D111.050.0085b01.01ཕྱོགས་ཀྱི་རྒྱུད་ན་གྲོང་ཁྱེར་ཤིང་ཀུན་སྐྱེ་བ་ཞེས་བྱ་བ་ཞིག་ཡོད་པར་འགྱུར་ཏེ། དེར་ངའི་མཆེ་བ་ལ་མེ་ཏོག་དང་། ཕྲེང་བ་དང་། སྤོས་དང་། བྱུག་པ་དང་། སིལ་སྙན་དང་། གདུགས་དང་། རྒྱལ་མཚན་དང་། བ་དན་དང་། རྣམ་པར་རྒྱལ་བའི་བ་དན་ལ་སོགས་པ་དང་། གོས་དང་དངུལ་དང་གསེར་
D111.050.0085b02.01དང་རིན་པོ་ཆེ་རྣམས་ཀྱིས་བསྟི་སྟང་བྱེད་བླ་མར་བྱེད་རིམ་གྲོར་བྱེད་མཆོད་པར་བྱེད་པར་འགྱུར་རོ། །ཀུན་དགའ་བོ་ངའི་མཆོད་རྟེན་ཡང་གསེར་གྱིས་བརྒྱན་པར་འགྱུར་རོ། །ཀུན་དགའ་བོ་ས་ཕྱོགས་དེར་རབ་ཏུ་བྱུང་བའི་སྐྱེ་བོ་མང་པོ་འབྱུང་བར་འགྱུར་རོ། །སྐྱེ་བོ་མང་པོ་ཚུལ་ཁྲིམས་དང་ལྡན་པ་དང་། དགེ་
D111.050.0085b03.01བའི་ཆོས་དང་ལྡན་པ་རྣམས་དང་། དགེ་སློང་གི་ཚོགས་བརྒྱ་སྟོང་དུ་མ་འབྱུང་བར་འགྱུར་རོ། །ཀུན་དགའ་བོ་དེ་ན་ཁྱིམ་པ་ཚུལ་ཁྲིམས་དང་ལྡན་པ། མང་དུ་ཐོས་པ་མཁས་པ་ཡིད་གཞུངས་པ། ངའི་བསྟན་པ་འདི་ལ་དད་པ་དང་དང་བ་དག་ཀྱང་མང་དུ་འབྱུང་སྟེ། དེ་དག་ངའི་སྐུ་གདུང་དང་ཉན་ཐོས་
D111.050.0085b04.01རྣམས་ལ་བསྟི་སྟང་དུ་བྱ་བ་དང་། བླ་མར་བྱ་བ་དང་། རིམ་གྲོར་བྱ་བ་དང་། མཆོད་པར་བྱ་བ་དང་། རྗེད་པར་བྱ་བ་དང་། མངོན་པར་མཆོད་པར་བྱ་བའི་ཕྱིར་སྤྲོ་བར་འགྱུར་རོ། །དེ་དག་ངའི་དཀོན་མཆོག་གསུམ་ཡོངས་སུ་བཟུང་སྟེ། དགེ་བའི་རྩ་བ་དེས་ལྷ་དང་མིའི་ཕུན་སུམ་ཚོགས་པ་མྱོང་ནས་
D111.050.0085b05.01ཁ་ཅིག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ། ཁ་ཅིག་ནི་རང་སངས་རྒྱས་ཀྱི་ཐེག་པས་ཡོངས་སུ་མྱ་ངན་ལས་འདའ། ཁ་ཅིག་ནི་ཉན་ཐོས་ཀྱི་ཐེག་པས་ཡོངས་སུ་མྱ་ངན་ལས་འདའ་བར་འགྱུར་ཏེ། ཀུན་དགའ་བོ་དེ་ལྟར་ན་དེ་དག་གི་བསྟི་སྟང་མཐུ་ཆེ་
D111.050.0085b06.01བར་འགྱུར་རོ། །ཀུན་དགའ་བོ་དེ་དག་ཀྱང་ངའི་བསྟན་པ་འདི་རྒྱ་ཆེ་ཞིང་རྒྱས་པར་བྱེད་པར་འགྱུར་བ་དང་། ལྷ་དང་མི་རྣམས་ལ་ཡངས་ཤིང་ཤིན་ཏུ་རྒྱས་པར་འགྱུར་བ་དང་། བཀྲོལ་ཞིང་ཡང་དག་པར་བསྟན་པར་བྱེད་པར་འགྱུར་གྱིས་ཀུན་དགའ་བོ་ཁྱོད་མྱ་ངན་མ་བྱེད། སྨྲེ་སྔགས་མ་འདོན་ཅིག །ཀུན་
D111.050.0085b07.01