完整藏文原文 · 德格版页 当前仅加载第 50 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོར་ཅན་གྱི་འོག་ཏུ་དེ་བཞིན་གཤེགས་པ་ཐམས་ཅད་སྐྱོབ་ཅེས་བྱ་བ་མཉེས་པར་བྱས་ཏེ། བཅོམ་ལྡན་འདས་དེ་ལ་ཡང་ངས་བཤོས་བཟང་པོ་གསོལ་ཏོ། །ཀུན་དགའ་བོ་བསྐལ་པ་བཟང་པོ་འདི་ལ་དེ་བཞིན་གཤེགས་པ་འཁོར་བ་འཇིག་བྱུང་སྟེ། ཡེ་ཤེས་རང་
D111.050.0103a01.01བྱུང་འདི་ཉིད་ཀྱི་དོན་དུ་དེའི་ཞབས་འབྲིང་ན་ངས་ཚངས་པར་སྤྱོད་པ་སྤྱད་དོ། །འཁོར་བ་འཇིག་གི་འོག་ཏུ་དེ་བཞིན་གཤེགས་པ་གསེར་ཐུབ་ཅེས་བྱ་བ་བྱུང་སྟེ། དེའི་ཞབས་འབྲིང་ན་ཡང་ངས་ཚངས་པར་སྤྱོད་པ་སྤྱད་དོ། །གསེར་ཐུབ་ཀྱི་ཚུ་རོལ་ན་དེ་བཞིན་གཤེགས་པ་འོད་སྲུང་ཞེས་
D111.050.0103a02.01བྱ་བ་བྱུང་སྟེ། འོད་སྲུང་གི་ཞབས་འབྲིང་ན་ཡང་ངས་ཚངས་པར་སྤྱོད་པ་སྤྱད་དེ་ཐམས་ཅད་ལ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཉིད་འདོད་པའི་ཕྱིར་བྱས་སོ། །དེ་ལྟར་ང་རྒལ་ནས་མ་རྒལ་བ་རྣམས་སྒྲོལ་ཞིང་གྲོལ་ནས་མ་གྲོལ་བ་རྣམས་འགྲོལ་བ་ནས་ཡོངས་སུ་མྱ་ངན་
D111.050.0103a03.01ལས་འདས་ནས་ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་འདའ་བར་བྱེད་དོ། །ཀུན་དགའ་བོ་འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཉིད་འདོད་པའི་ཕྱིར་འདི་ལྟར་སངས་རྒྱས་བཅོམ་ལྡན་འདས་འདི་དག་དང་། དཔག་ཏུ་མེད་གྲངས་མེད་པ་
D111.050.0103a04.01གཞན་རྣམས་ལ་ཡང་བསྟི་སྟང་བྱས། བླ་མར་བྱས། རིམ་གྲོར་བྱས། མཆོད་པར་བྱས་ཏེ། སངས་རྒྱས་མང་པོ་ཇི་སྙེད་ལ་བསྙེན་བཀུར་བྱས་པ་དང་། དེ་བཞིན་གཤེགས་པ་ཡོན་ཏན་མང་པོ་ཇི་སྙེད་དང་ལྡན་པ་ལ་ལྟོས། ཀུན་དགའ་བོ་རྣམ་གྲངས་འདིས་ཀྱང་ཁྱོད་ཀྱིས་འདི་ལྟར་རིག་
D111.050.0103a05.01པར་བྱ་སྟེ། དེ་བཞིན་གཤེགས་པ་ལ་དགེ་བའི་རྩ་བ་གང་ཇི་ཙམ་དུ་ཆུང་བ་བསྐྱེད་པ་ཡང་དེ་ལྟར་རྫུ་འཕྲུལ་ཆེ་བ་དང་། དེ་ལྟར་ཕན་ཡོན་ཆེ་བ་དང་། དེ་ལྟར་གཟི་ཆེ་བ་དང་། དེ་ལྟར་རྒྱ་ཆེ་བར་འགྱུར་རོ། །ཀུན་དགའ་བོ་དེ་བཞིན་གཤེགས་པ་བསམ་གྱིས་མི་ཁྱབ་པ་རྣམས་ལ་ངས་དགེ་བའི་རྩ་
D111.050.0103a06.01བ་བསྐྱེད་དེ། དེའི་རྣམ་པར་སྨིན་པ་ཡང་བསམ་གྱིས་མི་ཁྱབ་པར་ཤེས་པར་བྱའོ། །ཀུན་དགའ་བོ་དེ་ལྟར་དེ་བཞིན་གཤེགས་པ་རྣམས་ལ་མཉམ་པ་མེད་པ་དང་མི་འཐུན་པ་མེད་པ་དང་། མཐའ་ཡས་པའི་ཡོན་ཕུལ་བས་རྣམ་པར་སྨིན་པ་ཡང་མཐའ་ཡས་པར་ཤེས་པར་བྱའོ། །
D111.050.0103a07.01