完整藏文原文 · 德格版页 当前仅加载第 50 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བ་དང་། ཡོངས་སུ་མྱ་ངན་ལས་འདས་པ་ཞེས་བྱའོ། །ཚངས་པ་དེ་ལ་ལས་གང་ཡིན་པ་དེ་ཟད་པ་དང་། ཉོན་མོངས་པ་གང་ཡིན་པ་དེ་དང་བྲལ་བ་དང་། སྡུག་བསྔལ་གང་ཡིན་པ་དེ་རྣམ་པར་ཞི་བ་དང་། ནུབ་པ་མ་གཏོགས་པར་ཡོངས་སུ་མྱ་ངན་ལས་
D111.050.0063a01.01འདས་པ་ཞེས་བྱ་བ་ཅི་ཞིག་ཡོད་དེ་སངས་རྒྱས་རྣམས་ཀྱི་མཐུ་དང་། སངས་རྒྱས་རྣམས་ཀྱི་བྱིན་གྱིས་བརླབས་ཀྱིས་ཆོས་ཉིད་དེ་ལྟ་བུ་དག་འབྱུང་ངོ་། །དེ་ཅིའི་ཕྱིར་ཞེ་ན། ཚངས་པ་སངས་རྒྱས་བཅོམ་ལྡན་འདས་རྣམས་འབྱུང་བ་མེད་ན་ཆོས་དེ་ལྟ་བུ་རབ་ཏུ་སྟོན་པ་མི་འབྱུང་གི །
D111.050.0063a02.01ཚངས་པ་གང་གི་ཚེ་སངས་རྒྱས་བཅོམ་ལྡན་འདས་རྣམས་འཇིག་རྟེན་དུ་བྱུང་བ་དེའི་ཚེ་ཞི་བར་བྱ་བའི་ཕྱིར་ཁོང་དུ་ཆུད་པར་དཀའ་བ་ཟབ་པ་ཟབ་པར་སྣང་བ་ཆོས་རྣམ་པ་དེ་ལྟ་བུ་དག་ཡང་དག་པར་སྟོན་པར་འགྱུར་ཏེ། དེ་ཐོས་པས་སེམས་ཅན་སྐྱེ་བའི་ཆོས་ཅན་རྣམས་ནི་སྐྱེ་བ་ལས་
D111.050.0063a03.01ཡོངས་སུ་གྲོལ་བར་འགྱུར། སེམས་ཅན་རྒ་ཤི་དང་མྱ་ངན་དང་སྨྲེ་སྔགས་འདོན་པ་དང་སྡུག་བསྔལ་བ་དང་ཡིད་མི་བདེ་བ་དང་། འཁྲུག་པའི་ཆོས་ཅན་རྣམས་ནི་འཁྲུག་པའི་བར་དག་ལས་ཡོངས་སུ་གྲོལ་བར་འགྱུར་རོ། །ཚངས་པ་དེ་ལྟ་བས་ན་འདི་ལྟ་སྟེ། འདུ་བྱེད་ཐམས་
D111.050.0063a04.01ཅད་ནི་མིག་ཡོར་ལྟ་བུ་མི་རྟག་པ་གཡོ་བ་མི་བརྟན་པ། ཐེར་ཟུག་མ་ཡིན་པ་ཟད་པ་དང་འགྱུར་བའི་ཆོས་ཅན་ནོ་ཞེས་ཚངས་པ་སངས་རྒྱས་རྣམས་ཀྱིས་དེ་བསྟན་ཅིང་ཡང་དག་པར་བཤད་དེ་རྣམ་པར་ཕྱེ་ཞིང་གསལ་བར་མཛད་དེ་འདི་ནི་སངས་རྒྱས་རྣམས་ཀྱིས་བྱིན་གྱིས་བརླབས་
D111.050.0063a05.01སོ། །སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་པ་རྣམས་ཀྱི་དམ་པའི་ཆོས་ནུབ་པ་ན་ཡང་འདི་ལྟ་སྟེ། འདུ་བྱེད་ཐམས་ཅད་མིག་ཡོར་ལྟ་བུའོ་ཞེས་བྱ་བ་དེ་ཉིད་བྱིན་གྱིས་བརླབས་ཡིན་ནོ། །གལ་ཏེ་དེ་བཞིན་གཤེགས་པ་རྣམས་ཀྱིས་འདུ་བྱེད་ཐམས་ཅད་མིག་
D111.050.0063a06.01ཡོར་ལྟ་བུར་མ་གཟིགས་སུ་ཟིན་ན་དེ་བཞིན་གཤེགས་པ་རྣམས་སྐད་ཅིག་ཐང་ཅིག་ཡུད་ཙམ་ཡང་འདུ་བྱེད་ཐམས་ཅད་རྨི་ལམ་དང་མིག་ཡོར་དང་བྲག་ཅ་ལྟ་བུར་མི་སྟོན་པ་ཞིག་ན་ཚངས་པ་གང་གི་ཕྱིར་དེ་བཞིན་གཤེགས་པ་རྣམས་འདུ་བྱེད་ཐམས་ཅད་རྨི་ལམ་དང་། མིག་ཡོར་དང་བྲག་ཅ་ལྟ་
D111.050.0063a07.01