完整藏文原文 · 德格版页 当前仅加载第 50 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ངག་བསྡམས་པ་ལེགས། ཡིད་བསྡམས་པ་ལེགས་ཏེ། ལུས་ཀྱིས་ལེགས་པར་སྤྱད་པ་དང་། ངག་གིས་ལེགས་པར་སྤྱད་པ་དང་། ཡིད་ཀྱིས་ལེགས་པར་སྤྱད་པའི་རྣམ་པར་སྨིན་པ་ནི་སྡུག་པ་དང་འདོད་པ་དང་དགའ་བ་དང་ཡིད་དུ་འོང་བ་མངོན་པར་འགྲུབ་བོ། །ལུས་
D111.050.0068b01.01ཀྱིས་ཉེས་པར་སྤྱད་པ་དང་། ངག་གིས་ཉེས་པར་སྤྱད་པ་དང་། ཡིད་ཀྱིས་ཉེས་པར་སྤྱད་པའི་རྣམ་པར་སྨིན་པ་ནི་མི་སྡུག་པ་དང་མི་འདོད་པ་དང་མི་དགའ་བ་དང་ཡིད་དུ་མི་འོང་བ་མངོན་པར་འགྲུབ་བོ་ཞེས་གསུངས་པ་དེ་ལེགས་པར་གསུངས་པའོ། །བདག་ནི་སྔོན་ལུས་ཀྱིས་
D111.050.0068b02.01ཉེས་པར་སྤྱད་པ་དང་ལྡན་པར་གྱུར། ངག་གིས་ཉེས་པར་སྤྱད་པ་དང་། ཡིད་ཀྱིས་ཉེས་པར་སྤྱད་པ་དང་ལྡན་པར་གྱུར་ཏེ། བདག་ལས་དེའི་རྣམ་པར་སྨིན་པས་ད་ལྟར་སེམས་ཅན་དམྱལ་བ་ཆེན་པོ་འདིར་སྐྱེས་ནས་འདི་ལྟ་བུའི་སྡུག་བསྔལ་མི་བཟད་པ་དྲག་པ་ཚ་བ་ཡིད་ཏུ་མི་འོང་
D111.050.0068b03.01བ་འཆི་བའི་མཐར་འགྱུར་བ་སྲོག་འཕྲོག་པའི་ཚོར་བ་མྱོང་བར་གྱུར་ཏོ་སྙམ་མོ། །དེ་དེའི་ཚེ་ངས་ལེགས་པར་སྨྲས་པ་ཐོས་ནས་སེམས་དང་བར་འགྱུར་ཏེ། དེ་སེམས་དང་བར་གྱུར་ནས་སེམས་ཅན་དམྱལ་བ་ཆེན་པོ་ནས་ཤི་འཕོས་ཏེ་སུམ་ཅུ་རྩ་གསུམ་གྱི་ལྷ་རྣམས་དང་སྐལ་བ་
D111.050.0068b04.01མཉམ་པར་སྐྱེ་བར་འགྱུར་རོ། །དེ་ཅིའི་ཕྱིར་ཞེ་ན། དེད་དཔོན་དེ་ནི་འདི་ལྟ་བུ་ཡིན་ཏེ། གང་དག་དེ་བཞིན་གཤེགས་པ་ལ་ཉེས་པའི་བར་དུ་གཅོད་པས་ཀུན་ཏུ་སྤྱོད་པ་དེ་དག་ནི་དེ་བཞིན་གཤེགས་པ་ལ་ཉེས་པའི་བར་དུ་གཅོད་པས་ཀུན་ཏུ་སྤྱད་པས་ལུས་ཞིག་ནས་སེམས་ཅན་
D111.050.0068b05.01དམྱལ་བ་ཆེན་པོར་སྐྱེ་བར་འགྱུར་རོ། །དེད་དཔོན་གང་དག་དེ་བཞིན་གཤེགས་པ་ལ་བྱམས་པས་ཀུན་ཏུ་སྤྱོད་ཀྱི་ཉེས་པར་མ་ཡིན་པ་དེ་དག་ནི་ལུས་ཞིག་ནས། བདེ་འགྲོ་མཐོ་རིས་ཀྱི་འཇིག་རྟེན་ལྷའི་ནང་དུ་སྐྱེ་བར་འགྱུར་ཏེ། དེ་དག་དགེ་བའི་རྩ་བ་དེས་སངས་རྒྱས་བཅོམ་ལྡན་
D111.050.0068b06.01འདས་རྣམས་ཀྱི་ཆོས་ཉམས་སུ་བླངས་ནས་དེ་ཉིད་དུ་དགེ་བའི་རྩ་བ་བསྐྱེད་དེ་རིམ་གྱིས་ཉེ་བར་ལེན་པ་མེད་པར་ཡོངས་སུ་མྱ་ངན་ལས་འདའོ། །དེ་བས་ན་དེད་དཔོན་ཁྱོད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སེམས་དང་བར་བྱས་པས་
D111.050.0068b07.01