完整藏文原文 · 德格版页 当前仅加载第 50 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
དེད་དཔོན་ཁྱོད་དགེ་བའི་རྩ་བ་དེ་དང་རྒྱུ་དེ་དང་རྐྱེན་དེས་གང་གི་ཚེ་བྱམས་པ་འཇིག་རྟེན་དུ་འབྱུང་བ་དེའི་ཚེ་དེད་དཔོན་ཁྱོད་དེའི་ཚེ་དེའི་དུས་ན་དེ་བཞིན་གཤེགས་པ་བྱམས་པའི་གསུང་རབ་དེ་ལ་རབ་ཏུ་འབྱུང་ངོ་། །རབ་ཏུ་བྱུང་ནས་ཀྱང་སེམས་ཅན་གཉིད་ཀྱིས་ལོག་པ་
D111.050.0069a01.01དང་། མྱོས་པ་དང་རབ་ཏུ་མྱོས་པ་རྣམས་ལ་ཀྱེ་སེམས་ཅན་ཁྱེད་ལོངས་ལ་སྦྱོར་བར་གྱིས། འབད་པར་གྱིས། རྩོལ་བར་གྱིས་ཤིག །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་བ་རྙེད་པར་དཀའ་སྟེ། འདི་ལྟ་སྟེ་
D111.050.0069a02.01དཔེར་ན། ཤིང་ཨུ་དུམ་བཱ་རའི་མེ་ཏོག་བརྒྱ་ལ་བརྒྱ་ལམ་ན་འབྱུང་བར་འགྱུར་བ་དེ་བཞིན་དུ་དེ་བཞིན་གཤེགས་པ་རྣམས་ཀྱང་བརྒྱ་ལ་བརྒྱ་ལམ་ན་འཇིག་རྟེན་དུ་འབྱུང་བར་འགྱུར་རོ། །གནས་མེད་པ་ཞི་བར་འགྱུར་བ། ཡོངས་སུ་མྱ་ངན་ལས་འདའ་བར་འགྱུར་བ། ཡང་
D111.050.0069a03.01དག་པར་རྫོགས་པའི་སངས་རྒྱས་ཀྱིས་བསྟན་པའི་ཆོས་སྟོན་པ་ཡང་བརྒྱ་ལ་བརྒྱ་ལམ་ནའོ། །མིའི་ལུས་འཐོབ་ཅིང་འཕགས་པའི་གནས་ན་ཚུལ་བཞིན་དུ་གནས་པ་ཡང་བརྒྱ་ལ་བརྒྱ་ལམ་ན་སྣང་ངོ་། །མི་ཁོམ་པ་བརྒྱད་སྤངས་ནས་དེ་ལྟ་བུའི་དལ་བ་ཕུན་སུམ་ཚོགས་པ་
D111.050.0069a04.01རྙེད་པ་ཡང་བརྒྱ་ལ་བརྒྱ་ལམ་ན་སྟེ། བག་ཡོད་པས་ལེགས་པར་བརྩོན་པར་གྱིས་ཤིག །ཕྱིས་འགྱོད་པར་མ་གྱུར་ཅིག་ཅེས་སྐུལ་བར་འགྱུར་རོ། །དེད་དཔོན་ཁྱོད་དེ་ལྟར་དེ་བཞིན་གཤེགས་པ་བྱམས་པའི་གསུང་རབ་དང་། དེ་བཞིན་གཤེགས་པ་བྱམས་པ་ཆོས་ཀྱི་རྒྱལ་པོའི་སངས་
D111.050.0069a05.01རྒྱས་ཀྱི་ཞིང་དུ་དེའི་གསུང་གི་ཚིག་རྗེས་སུ་འཛིན་ཅིང་རྗེས་སུ་སྐྱོང་བར་འགྱུར་རོ། །བྱམས་པའི་སེམས་ཁོ་ན་མེད་པ་དང་འགྲན་ཟླ་མེད་པ་དང་། ཁ་ན་མ་ཐོ་བ་མེད་པ་དང་ཕན་པ་དང་བདེ་བས་ཁྱབ་པར་བྱེད་པར་འགྱུར་རོ། །དེད་དཔོན་ཁྱོད་དགེ་བའི་རྩ་བ་དེས་བདུད་སྡིག་ཅན་འདས་པའི་
D111.050.0069a06.01འོག་ཏུ་བདུད་ཀྱི་གནས་ན་དབང་ཕྱུག་ཆེན་པོའི་བདག་པོ་བདུད་བྱེད་པར་འགྱུར་རོ། །དེད་དཔོན་སེམས་ཅན་གང་དག་དེ་བཞིན་གཤེགས་པ་ལ་ཐ་ན་སེམས་བསྐྱེད་པ་གཅིག་ཙམ་གྱི་དགེ་བའི་རྩ་བ་སྐྱེད་པར་འགྱུར་བ་དེ་དག་ཐམས་ཅད་ནི་དེད་དཔོན་དགེ་བའི་རྩ་བ་དེས་མི་འཆི་བར་ཉེ་བར་འགྲོ་མི་
D111.050.0069a07.01