完整藏文原文 · 德格版页 当前仅加载第 50 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་རྣམས་དང་མི་དང་། མི་མ་ཡིན་པ་དཔག་ཏུ་མེད་པ་དག་རབ་ཏུ་ངུ་སྟེ་མཆི་མ་བྱུང་ཞིང་ཚིག་འདི་སྐད་དུ། བཅོམ་ལྡན་འདས་ཡོངས་སུ་མྱ་ངན་
D111.050.0126b01.01ལས་འདའ་བ་ཧ་ཅང་མྱུར་ཆེས་སོ། །བདེ་བར་གཤེགས་པ་ཡོངས་སུ་མྱ་ངན་ལས་འདའ་བ་ཧ་ཅང་མྱུར་ཆེས་སོ། །འཇིག་རྟེན་གྱི་མིག་མི་སྣང་བར་འགྱུར་བ་ཧ་ཅང་མྱུར་ཆེས་སོ། །འཇིག་རྟེན་གྱི་མིག་མ་མཆིས་ཤིང་ལོང་བར་འགྱུར་བ་ཧ་ཅང་མྱུར་ཆེས་སོ་ཞེས་ཟེར་རོ། །ཚེ་དང་ལྡན་པ་ཀུན་དགའ་བོ་
D111.050.0126b02.01ཡང་རབ་ཏུ་ངུ་ཞིང་མཆི་མ་བྱུང་ནས། བཅོམ་ལྡན་འདས་ཡོངས་སུ་མྱ་ངན་ལས་འདའ་བ་ཧ་ཅང་མྱུར་ཆེས་སོ། །བདེ་བར་གཤེགས་པ་ཡོངས་སུ་མྱ་ངན་ལས་འདའ་བ་ཧ་ཅང་མྱུར་ཆེས་སོ། །འཇིག་རྟེན་གྱི་མིག་མི་སྣང་བར་འགྱུར་བ་ཧ་ཅང་མྱུར་ཆེས་སོ། །འཇིག་རྟེན་གྱི་མིག་མ་མཆིས་ཤིང་ལོང་བར་འགྱུར་
D111.050.0126b03.01བ་ཧ་ཅང་མྱུར་ཆེས་སོ། །འཇིག་རྟེན་ཡོངས་སུ་འདྲེན་པ་མ་མཆིས་པར་འགྱུར་བ་ཧ་ཅང་མྱུར་ཆེས་སོ་ཞེས་ཟེར་རོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཐོང་མྱ་ངན་མ་བྱེད། སྨྲེ་སྔགས་མ་འདོན། ཀུན་དགའ་བོ་གང་སྐྱེས་ཤིང་བྱུང་བ། བྱས་པ།
D111.050.0126b04.01འདུས་བྱས་པ། བསམས་པ། རྟེན་ཅིང་འབྲེལ་བར་འབྱུང་བ། རབ་ཏུ་འཇིག་པའི་ཆོས་ཅན་དེ་དག་རབ་ཏུ་མི་འཇིག་པར་ག་ལ་འགྱུར་ཏེ། དེ་ནི་གནས་མེད་དོ། །ཀུན་དགའ་བོ་ཁྱོད་ཀྱིས་ང་ལ་ཡུན་རིང་དུ་བྱམས་པའི་ལུས་ཀྱི་ལས་དང་། བྱམས་པའི་ངག་གི་ལས་དང་། བྱམས་པའི་ཡིད་ཀྱི་ལས་ཕན་པ་དང་།
D111.050.0126b05.01བདེ་བ་དང་། གཉིས་སུ་མེད་པ་དང་། ཁོ་ན་མེད་པ་དང་། ཚད་མེད་པ་དང་། གནོད་པ་མེད་པས་བསྙེན་བཀུར་བྱས་སོ། །ཀུན་དགའ་བོ་ཁྱོད་མཐུ་ཆེ་བ་དང་། གཟི་ཆེ་བ་དང་། རྒྱ་ཆེ་བ་དང་། བདུད་རྩི་ལྟ་བུ་དང་། བདུད་རྩིའི་ཀླས་པ་དང་། བདུད་རྩིའི་མཐས་གཏུགས་པར་འགྱུར་རོ། །ཀུན་དགའ་བོ་དེ་བས་ན་
D111.050.0126b06.01ཚངས་པ་མཚུངས་པར་སྤྱོད་པ་རྣམས་ལ་བྱམས་པའི་ལུས་དང་ངག་དང་ཡིད་ཀྱི་ལས་ཀྱིས་གནས་པར་བྱའོ་ཞེས་ཀུན་དགའ་བོ་ཁྱོད་ཀྱིས་དེ་ལྟར་བསླབ་པར་བྱའོ། །དེ་ལས་གཞན་པའི་ཚངས་པར་སྤྱོད་པ་རྣམས་ལ་ཡང་ཁྱོད་ཀྱིས་དེ་ལྟར་བསྙེན་བཀུར་བྱའོ། །དེ་ཅིའི་ཕྱིར་ཞེ་ན། ཀུན་དགའ་བོ་ང་ཡོངས་སུ་མྱ་
D111.050.0126b07.01