完整藏文原文 · 德格版页 当前仅加载第 50 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་དང་། རིགས་ཀྱི་བུ་མོ་དད་པ་རྣམས་ཀྱི་ཚིག་{བླ་དགས་,བླ་དྭགས་}སོ། །ཀུན་དགའ་བོ་བྱེས་སུ་སོང་ཞེས་བྱ་བ་དེ་ནི་འགྲོ་བ་ལྔ་རྣམས་ཀྱི་ཚིག་{བླ་དགས་,བླ་དྭགས་}སོ། །ཀུན་དགའ་བོ་ནད་པ་ཞེས་བྱ་བ་དེ་ནི་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བའི་ཚིག་{བླ་དགས་,བླ་དྭགས་}སོ། །ཀུན་དགའ་བོ་
D111.050.0116b01.01རིན་པོ་ཆེའི་མཛོད་མང་པོ་ཞེས་བྱ་བ་དེ་ནི་བྱང་ཆུབ་ཀྱི་ཕྱོགས་སུམ་ཅུ་རྩ་བདུན་གྱི་ཆོས་རྣམས་ཀྱི་ཚིག་{བླ་དགས་,བླ་དྭགས་}སོ། །ཀུན་དགའ་བོ་ཁྱིམ་བདག་ཅེས་བྱ་བ་དེ་ནི་དགྲ་བཅོམ་པ་རྣམས་ཀྱི་ཚིག་{བླ་དགས་,བླ་དྭགས་}སོ། །ཀུན་དགའ་བོ་དཔེར་ན་རྒྱལ་པོ་དེ་འཆི་བའི་དུས་བྱེད་པ་ན་ནོར་འཇོག་པ་དེ་བཞིན་
D111.050.0116b02.01དུ། ཀུན་དགའ་བོ་ངའི་ཆོས་དཀོན་མཆོག་གི་མཛོད་བསྐལ་པ་གྲངས་མེད་པ་བྱེ་བར་བསྒྲུབས་པ་མ་འོངས་པའི་རིགས་ཀྱི་བུ་དང་། རིགས་ཀྱི་བུ་མོ་དེ་དག་གི་དོན་དུ་ཁྱོད་ལ་གཏད་དོ། །དེ་ཅིའི་ཕྱིར་ཞེ་ན། ཀུན་དགའ་བོ་སེམས་ཅན་གང་དག་ངས་ཡོངས་སུ་སྨིན་པར་བྱས་པ་དེ་དག་མི་དགེ་
D111.050.0116b03.01བའི་ལས་ཀྱི་ལམ་འགའ་ཞིག་གིས་སེམས་ཅན་དམྱལ་བ་དང་། དུད་འགྲོ་དང་། གཤིན་རྗེའི་འཇིག་རྟེན་དུ་སྐྱེས་ཏེ། དེ་དག་ང་འདས་པའི་འོག་ཏུ་དེ་ནས་ཤི་འཕོས་ནས་མིར་འགྱུར་བ་ཐོབ་སྟེ། དབང་པོ་རྣམས་རྒྱས་པའི་རྒྱུ་དང་ཡོངས་སུ་སྨིན་པའི་རྒྱུས་ངའི་བསྟན་པ་འདི་ལ་དད་པར་འགྱུར་
D111.050.0116b04.01བ་དག་ཡོད་དེ། དེ་ལ་ཁ་ཅིག་ནི་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་རོ། །ཁ་ཅིག་ནི་ཁྱིམ་ན་གནས་པར་འགྱུར་རོ། །དེ་ལ་ཁ་ཅིག་ནི་རྒྱུན་དུ་ཞུགས་པའི་འབྲས་བུ་ཐོབ་པར་འགྱུར་རོ། །ཁ་ཅིག་ནི་ལན་ཅིག་ཕྱིར་འོང་བའི་འབྲས་བུ་དང་། ཁ་ཅིག་ནི་ཕྱིར་མི་
D111.050.0116b05.01འོང་བའི་འབྲས་བུ་དང་། ཁ་ཅིག་ནི་དགྲ་བཅོམ་པ་མངོན་སུམ་དུ་བྱེད་པར་འགྱུར་རོ། །ཁ་ཅིག་ནི་སློབ་པའི་ས་ནས་འཆི་བའི་དུས་བྱེད་པར་འགྱུར་རོ། །ཁ་ཅིག་ནི་སངས་རྒྱས་ཀྱི་སར་ལྷག་པའི་བསམ་པས་སེམས་སྐྱེད་པར་འགྱུར་རོ། །ཁ་ཅིག་ནི་ལྷ་དང་མིར་སྐྱེ་བར་བྱ་བའི་ཕྱིར་དགེ་བའི་
D111.050.0116b06.01རྩ་བ་སྐྱེད་པར་འགྱུར་ཏེ། དེ་ལྟར་རྙེད་པ་དེ་དང་དེ་དག་དང་ལྡན་པར་འགྱུར་རོ། །ཁ་ཅིག་ནི་སེམས་དང་བ་གཅིག་ཐོབ་པར་འགྱུར་ཏེ་འཇིག་རྟེན་གྱི་ཡབ་དེས་བདག་ཅག་ལ་ལེགས་པར་གཏད་དོ་སྙམ་ནས་དེ་དག་རྒྱ་ཆེར་རབ་ཏུ་དད་པར་འགྱུར་ཞིང་དང་བ་སྐྱེད་པར་བྱེད་དོ། །ཀུན་དགའ་བོ་འདི་ལྟར་
D111.050.0116b07.01