完整藏文原文 · 德格版页 当前仅加载第 50 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་མྱ་ངན་ལས་འདའ་བར་འགྱུར་ཏེ། གང་ན་སྐྱེ་བ་མེད། རྒ་བ་མེད། ན་བ་མེད། འཆི་བ་མེད། མཛའ་བ་དང་བྲལ་བ་མེད། མི་མཛའ་བ་དང་ཕྲད་པ་མེད། སྡུག་བསྔལ་བ་དང་ཡིད་མི་བདེ་བ་མེད་པ་དེར་ཁྱོད་གཉི་ག་འདོད་པར་གྱུར་གྱིས་སྒྲ་གཅན་ཟིན་ཁྱོད་མི་དགར་མ་བྱེད།
D111.050.0074b01.01མྱ་ངན་མ་བྱེད། སྨྲེ་སྔགས་མ་འདོན་ཅིག །སྒྲ་གཅན་ཟིན་ཆོས་ཉིད་རྗེས་སུ་དྲན་པར་གྱིས་ཤིག །ཡང་དག་པ་མ་ཡིན་པ་ཕྱིན་ཅི་ལོག་ཏུ་འཛིན་པ་མ་གཏོགས་པར་འདི་ལ་སྐྱེ་བ་གང་ཡིན། འདི་ལ་རྒ་བ་གང་ཡིན། འདི་ལ་འཆི་བ་གང་ཡིན། འཕོ་བ་གང་ཡིན། འབྱུང་བ་གང་
D111.050.0074b02.01ཡིན། སྒྲ་གཅན་ཟིན་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ། འཕགས་པའི་ཆོས་རྣམས་མ་མཐོང་བ། འཕགས་པའི་ཆོས་རྣམས་མ་བསླབས་པ། འཕགས་པའི་ཆོས་རྣམས་ལ་མི་མཁས་པ། འཕགས་པའི་ཆོས་རྣམས་ལ་མི་གནས་པ། འཕགས་པའི་ཆོས་
D111.050.0074b03.01རྣམས་ཀྱིས་མ་དུལ་བ། འཕགས་པའི་ཆོས་རྣམས་མ་ཤེས་པའི་ཕྱིར་འདུ་ཤེས་ཕྱིན་ཅི་ལོག་དང་། ལྟ་བ་ཕྱིན་ཅི་ལོག་ཏུ་ཕྱིན་ཅི་ལོག་པས་སྐྱེ་བ་དང་རྒ་བ་དང་ན་བ་དང་འཆི་བ་དང་འཕོ་བ་དང་འབྱུང་བ་དང་། ཀུན་ཏུ་རྒྱུག་པ་དང་འཁོར་བ་པ་དང་རྣམ་པར་བརྐམ་པ་དང་རྒུད་པ་དང་མི་
D111.050.0074b04.01དགའ་བ་དང་མྱ་ངན་དང་སྨྲེ་སྔགས་འདོན་པ་དང་བྲང་རྡུང་བར་འགྱུར་རོ། །སྒྲ་གཅན་ཟིན་འཕགས་པའི་ཆོས་འདུལ་བ་འདི་ལ་ནི་འདུ་བྱེད་ཐམས་ཅད་རྣམ་པར་ཞི་བས་ཕྱིས་གོང་དུ་བྱ་བ་ཅི་ཡང་མེད་དོ། །སྒྲ་གཅན་ཟིན་སྟོན་པའི་ཉན་ཐོས་བཅོམ་ལྡན་འདས་ཀྱི་སྲས་ཀྱིས་གང་བྱ་བ་
D111.050.0074b05.01དེ་ཁྱོད་ཀྱིས་བྱས་ཟིན་ཏོ། །སྒྲ་གཅན་ཟིན་སྟོན་པ་བཅོམ་ལྡན་འདས་ཀྱིས་ཀྱང་ཉན་ཐོས་རྣམས་ཀྱི་བྱ་བ་གང་ཡིན་པ་དེ་མཛད་ཟིན་ཏེ། ད་གོང་དུ་མཛད་པ་མེད་ཀྱིས་སྒྲ་གཅན་ཟིན་ཁྱོད་ད་མྱ་ངན་མ་བྱེད་མི་དགར་མ་བྱེད་སྨྲེ་སྔགས་མ་འདོན་པར་སྒྲ་གཅན་ཟིན་ཁྱོད་བཅོམ་ལྡན་འདས་ཤཱཀྱ་
D111.050.0074b06.01ཐུབ་པ། ཤཱཀྱའི་རྒྱལ་པོ་ཆེན་པོ་དེ་ལ་ཐ་མར་བལྟ་བ་དང་ཕྱག་བྱ་བ་དང་བསྙེན་བཀུར་བྱ་བའི་ཕྱིར་སོང་ཤིག །ཕྱིས་འགྱོད་པར་གྱུར་ཏ་རེ། སྒྲ་གཅན་ཟིན་དེ་བཞིན་གཤེགས་པ་ཤཱཀྱ་ཐུབ་པ་དེ་ད་ལྟར་གྱད་རྣམས་ཉེ་བར་གནས་པ་ཤིང་སཱ་ལའི་ཚལ་ན་སེང་གེ་ལྟར་གློ་གཡས་པས་མནལ་
D111.050.0074b07.01