完整藏文原文 · 德格版页 当前仅加载第 50 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའི་སྤྱད་པ་སྤྱོད་པའི་ཚེ་ཡོངས་སུ་སྨིན་པར་བྱས་པ་དག་གོ། །ཀུན་དགའ་བོ་དགེ་འདུན་ལ་ཕུལ་བའི་ཡོན་ནི་བར་དུ་ཡོངས་སུ་ཟད་པ་དང་མཐར་འགྱུར་བ་ཡོད། ཡོན་གང་དག་ཕྱོགས་བཞིའི་དགེ་འདུན་ལ་ཕུལ་བའི་ཡོན་དེ་དག་ཀྱང་བར་དུ་ཡོངས་སུ་ཟད་པ་དང་མཐར་འགྱུར་
D111.050.0100a01.01བ་ཡོད། ཀུན་དགའ་བོ་ཡོན་གང་དག་རང་སངས་རྒྱས་ལ་ཕུལ་བའི་ཡོན་དེ་དག་ཀྱང་བར་དུ་ཡོངས་སུ་ཟད་པ་དང་མཐར་འགྱུར་བ་ཡོད་ཀྱི། ཀུན་དགའ་བོ་དེ་བཞིན་གཤེགས་པ་ལ་ཡོན་གང་དག་ཕུལ་བ་དེ་དག་ནི་བར་དུ་ཡོངས་སུ་ཟད་པ་དང་མཐར་འགྱུར་བ་མེད་དོ། །ཀུན་དགའ་བོ་ཡོན་དེ་དག་
D111.050.0100a02.01ཐམས་ཅད་ཀྱི་འབྲས་བུ་ནི་མྱ་ངན་ལས་འདས་པ་ཡིན་ཏེ། ཐ་མ་མྱ་ངན་ལས་འདའ་བར་ང་སྨྲའོ། །ཀུན་དགའ་བོ་དེ་བཞིན་གཤེགས་པ་བཞུགས་པ་དེ་ལ་མངོན་སུམ་དུ་བསྟི་སྟང་བྱེད་པ་ལྟ་ཡང་ཞོག །ཡོངས་སུ་མྱ་ངན་ལས་འདས་པའི་སྐུ་གདུང་ལ་སྐུ་གདུང་གི་མཆོད་པ་བྱེད་པ་ལྟ་ཡང་ཞོག་སྟེ། ཀུན་
D111.050.0100a03.01དགའ་བོ་སངས་རྒྱས་ལ་དམིགས་པའི་སེམས་ཀྱིས་མེ་ཏོག་གཅིག་ནམ་མཁའ་ལ་འདོར་ན་དེའི་དགེ་བའི་རྩ་བ་ནི་ངས་དེ་བཞིན་གཤེགས་པའི་སངས་རྒྱས་ཀྱི་ཡེ་ཤེས་ཀྱིས་ཀྱང་ཚད་གཟུང་བའམ་བསྟན་པར་སླ་བ་མ་ཡིན་ནོ། །ཀུན་དགའ་བོ་གལ་ཏེ་དེས་སངས་རྒྱས་ལ་དམིགས་པའི་སེམས་ཀྱིས་
D111.050.0100a04.01ནམ་མཁའ་ལ་མེ་ཏོག་གཅིག་བོར་བའི་དགེ་བའི་རྩ་བ་བྱས་པ་དེ་ཡོངས་སུ་བརྟག་པ་བཟུང་སྟེ། གལ་ཏེ་འཁོར་བ་ན་ཇི་སྲིད་དུ་སྔོན་གྱི་མཐའ་མི་མངོན་པའི་བསྐལ་པ་དེ་སྲིད་དུ་ཀུན་ཏུ་རྒྱུག་ཅིང་འཁོར་ཡང་དེ་བཞིན་གཤེགས་པ་ལ་མེ་ཏོག་གཅིག་ཕུལ་བ་དེའི་རྣམ་པར་སྨིན་པ་ནི་ཚངས་པ་ཉིད་དམ་བརྒྱ་བྱིན་
D111.050.0100a05.01ཉིད་དམ་འཁོར་ལོས་སྒྱུར་བའི་རྒྱལ་སྲིད་ཀྱིས་མཐར་ཕྱིན་པར་སླ་བ་མ་ཡིན་གྱི། ཀུན་དགའ་བོ་གཞན་དུ་ན་དགེ་བའི་རྩ་བ་དེའི་འབྲས་བུ་ནི་མྱ་ངན་ལས་འདས་པ་ཡིན་ཏེ། མྱ་ངན་ལས་འདའ་བ་ལ་གཞོལ་ཞིང་ཐ་མ་མྱ་ངན་ལས་འདའ་བར་ང་སྨྲའོ། །དེ་ཅིའི་ཕྱིར་ཞེ་ན། ཀུན་དགའ་བོ་སངས་རྒྱས་
D111.050.0100a06.01བཅོམ་ལྡན་འདས་ལ་མེ་ཏོག་གཅིག་ཕུལ་བའི་རྣམ་པར་སྨིན་པ་གང་མྱ་ངན་ལས་འདའ་བའི་མཐར་ཐུག་པར་འགྱུར་བ་མ་གཏོགས་པར་མཐའ་རྟོགས་པར་སླ་བ་མ་ཡིན་ཏེ། དེ་ལྟར་རྫུ་འཕྲུལ་ཆེ། དེ་ལྟར་ཕན་ཡོན་ཆེ། དེ་ལྟར་གཟི་བརྗིད་ཆེ། དེ་ལྟར་རྒྱ་ཆེའོ། །ཀུན་དགའ་བོ་གང་དེ་ལྟ་བུའི་རྣམ་པར་སྨིན་
D111.050.0100a07.01