完整藏文原文 · 德格版页 当前仅加载第 50 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
འདོན་པ་ཡང་མེད། སྡུག་བསྔལ་བ་དང་། ཡིད་མི་བདེ་བ་དང་འཁྲུག་པ་ཡང་མེད། གནོད་པ་ཡང་མེད། མི་མཛའ་བ་དང་ཕྲད་པ་ཡང་མེད། མཛའ་བ་དང་འབྲལ་བ་ཡང་མེད་ཅིང་གང་དུ་སངས་རྒྱས་དང་སངས་རྒྱས་ཀྱི་ཉན་ཐོས་ཀྱི་ཚོགས་གང་གཱའི་ཀླུང་གི་བྱེ་མ་སྙེད་བཞུད་ཟིན་པ་དང་
D111.050.0111b01.01བཞུད་པ་དང་བཞུད་པར་འགྱུར་བ་དེ་ལ་ང་དགའོ། །ཀུན་དགའ་བོ་སེམས་ཅན་རྣམས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་ལ་མི་དགའ་བ་དང་། དེ་དག་མྱ་ངན་ལས་འདས་པ་ཐོབ་པའི་ས་བོན་དུ་འགྱུར་བ་ཐར་པའི་རྗེས་སུ་འཐུན་པ་དང་ལྡན་པའི་སེམས་བསྐྱེད་པ་
D111.050.0111b02.01གཅིག་ཀྱང་མི་སྐྱེད་པ་ལ་ལྟོས། ཀུན་དགའ་བོ་བྱིས་པ་སོ་སོའི་སྐྱེ་བོ་ལ་སྟོབས་ག་ལ་ཡོད། ཀུན་དགའ་བོ་བྱིས་པ་སོ་སོའི་སྐྱེ་བོ་ཐམས་ཅད་ནི་སྟོབས་མེད་ཅིང་སྟོབས་ཆུང་བ་སྟེ། ཀུན་དགའ་བོ་བྱིས་པ་སོ་སོའི་སྐྱེ་བོ་འདི་དག་ཐམས་ཅད་ནི་རྩྭ་དང་ཕུབ་མ་དང་སོག་མ་དང་མཚུངས་
D111.050.0111b03.01པར་སྣང་ངོ་། །ཀུན་དགའ་བོ་བྱིས་པ་སོ་སོའི་སྐྱེ་བོ་དག་ནི་མྱ་ངན་ལས་འདས་པའི་ས་བོན་དུ་འགྱུར་བ་ཐར་པའི་རྗེས་སུ་འཐུན་པ་དང་ལྡན་པའི་སེམས་བསྐྱེད་པ་གཅིག་ཀྱང་མི་བསྐྱེད་པ་དག་སྟེ་དེ་དག་ལ་སྟོབས་ག་ལ་ཡོད། དབུགས་དབྱུང་བ་ལྟ་ག་ལ་ཡོད། ཀུན་དགའ་བོ་བྱིས་པ་
D111.050.0111b04.01སོ་སོའི་སྐྱེ་བོ་རྣམས་ལ་ཚུལ་ཁྲིམས་ཀྱི་སྟོབས་མེད། ཏིང་ངེ་འཛིན་གྱི་སྟོབས་མེད། ཤེས་རབ་ཀྱི་སྟོབས་མེད་དོ། །ཀུན་དགའ་བོ་ང་ནི་སངས་རྒྱས་ཀྱི་སྟོབས་དཔག་ཏུ་མེད་པ་དང་། གྲངས་མེད་པ་དང་། བསམ་གྱིས་མི་ཁྱབ་པ་དང་། གཞལ་དུ་མེད་པ་དང་། ཚད་མེད་པ་དང་
D111.050.0111b05.01ལྡན་ཞིང་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བའི་སྟོབས་རྣམས་དང་ལྡན་ལ། ངོ་ཚ་ཤེས་པའི་སྟོབས་དང་། ཁྲེལ་ཡོད་པའི་སྟོབས་དང་། ཡང་དག་པར་འགྲུབ་པའི་སྟོབས་དང་། ཡེ་ཤེས་ཀྱི་སྟོབས་དང་།
D111.050.0111b06.01སྤོང་བའི་སྟོབས་དང་། བསོད་ནམས་ཀྱི་སྟོབས་དང་། ཤེས་རབ་ཀྱི་སྟོབས་དང་། དབང་པོའི་སྟོབས་དང་། བྱིན་གྱི་རླབས་ཀྱི་སྟོབས་དང་། སྟོབས་བཅུ་དང་ལྡན་པ་སྟེ། ཀུན་དགའ་བོ་འོན་ཀྱང་ང་མྱ་ངན་ལས་འདས་པའི་དབྱིངས་དེ་ལ་དགའོ། །དེ་ལ་བྱིས་པ་མུན་ནག་གི་སྒོར་གྱུར་
D111.050.0111b07.01