完整藏文原文 · 德格版页 当前仅加载第 50 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
པ། མི་ཤེས་པའི་ཆོས་དང་ལྡན་པ། འཁོར་བ་ན་རྒྱུ་བ། བཅིང་བས་བཅིངས་པ་ལ་དགའ་བ་དེ་དག་ནི་མྱ་ངན་ལས་འདས་པའི་ས་བོན་དུ་འགྱུར་བ་རྗེས་སུ་འཐུན་པའི་སེམས་གཅིག་ཀྱང་མི་སྐྱེད་དོ། །ཀུན་དགའ་བོ་ཕྱི་མའི་དུས་ཕྱི་མའི་ཚེ་དེ་བཞིན་གཤེགས་པ་ཡོངས་
D111.050.0112a01.01སུ་མྱ་ངན་ལས་འདས་པའི་མདོ་སྡེ་འདི་ལྟ་བུ་བསྟོད་ཅིང་བཞག་སྟེ་བཤད་པ་དེ་དག་དེ་བཞིན་གཤེགས་པ་འདས་པའི་འོག་ཏུ་དེ་དག་དེ་བཞིན་གཤེགས་པས་གསུངས་པའི་མདོ་སྡེ་འདི་ལྟ་བུ་ཉན་ནོ། །ཐོས་ནས་གལ་ཏེ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་
D111.050.0112a02.01འདི་མ་ཐོབ་ཀྱང་ངའི་ཆོས་རིན་པོ་ཆེའི་སྣོད་འདི་ལ་འཇུག་པར་འགྱུར་བ་དག་ཡོད་དེ། ཀུན་དགའ་བོ་དོན་འདི་ཉིད་རྒྱ་ཆེར་ཤེས་པར་བྱ་བའི་ཕྱིར་ཁྱོད་ལ་དཔེ་བསྟན་པར་བྱའོ། །ཀུན་དགའ་བོ་འདི་ལྟ་སྟེ་དཔེར་ན་འདྲོན་པ་མང་པོ་དག་འབྲོག་དགོན་པ་ཆེན་པོ་ལས་འདས་ཏེ། ཆོམ་
D111.050.0112a03.01རྐུན་གྱི་ལམ་འཇིགས་པ་དང་བཅས་པ་ལས་འདས་ནས་འཇིགས་པ་མེད་པའི་གྲོང་ཁྱེར་དུ་ཕྱིན་པ་དེའི་ནང་ནས་མི་གཅིག་ཅིག་འདྲོན་པ་མང་པོ་དེ་དང་བྲལ་ཞིང་འཁྱམས་པར་གྱུར་ལ་དེ་འདྲོན་པ་མང་པོ་དེའི་རྗེས་བཞིན་དུ་འགྲོ་ཞིང་འདྲོན་པ་མང་པོ་ལམ་གང་ནས་དོང་བའི་རྗེས་བཞིན་དུ་སྡུག་བསྔལ་
D111.050.0112a04.01བ་དང་། ཉོན་མོངས་པ་དང་། ཚེགས་ཆེན་པོས་སོང་ནས་འདྲོན་པ་མང་པོ་དང་ཕྲད་པར་གྱུར་པ་དེ་བཞིན་དུ་ཀུན་དགའ་བོ་གང་དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ད་ལྟར་མདོ་སྡེ་འདི་ལྟ་བུ་དག་བཤད་པ་དེ་ལ་མ་འོངས་
D111.050.0112a05.01པའི་དུས་ན་རིགས་ཀྱི་བུའམ་རིགས་ཀྱི་བུ་མོ་དག་མདོ་སྡེ་འདི་ལྟ་བུ་དག་ཐོས་ནས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་འདི་སྒྲས་གོ་བར་འགྱུར་བ་དག་ཡོད་པས་ངས་དམ་པའི་ཆོས་ཀྱི་གྲོང་ཁྱེར་འདི་བཞག་གོ། །དེ་དག་ལྷགས་ནས་ངའི་དམ་པའི་ཆོས་ཀྱི་གྲོང་ཁྱེར་འདིར་
D111.050.0112a06.01གནས་པར་བྱེད་ཅིང་ངའི་དམ་པའི་ཆོས་ཀྱི་མཛོད་འདི་སྲུང་བར་བྱེད་ཡང་དག་པར་སྟོན་པར་ཡང་བྱེད་དོ། །ཀུན་དགའ་བོ་གང་ཟག་གཅིག་གི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་གཏད་ན་ཡང་ཁྱོད་ཀྱིས་ལེགས་པར་གཟུང་དགོས་ན་སེམས་ཅན་བརྒྱ་སྟོང་དཔག་ཏུ་མེད་པ་
D111.050.0112a07.01