完整藏文原文 · 德格版页 当前仅加载第 50 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
ན་དགེ་སློང་དགའ་བ་ཅན་ཞེས་བྱ་བ་རྫུ་འཕྲུལ་ཆེ་བ། མཐུ་ཆེ་བ་ནས་ཚངས་པ་མཚུངས་པར་སྤྱོད་པ་རྣམས་ལ་ཆོས་འཆད་པས་ངལ་བ་མེད་ཅེས་བྱ་བའི་བར་དང་ལྡན་པ་ཞིག་འབྱུང་བར་འགྱུར་ཏེ། དེ་ཡང་ངའི་བསྟན་པ་འདི་ཡངས་ཤིང་རྒྱས་པ་དང་ལྷ་དང་མིས་ཡང་དག་པར་
D111.050.0082a01.01མནོས་པར་བྱེད་པར་འགྱུར་གྱིས། ཀུན་དགའ་བོ་ཁྱོད་མྱ་ངན་མ་བྱེད་སྨྲེ་སྔགས་མ་འདོན་ཅིག །ཀུན་དགའ་བོ་ང་འདས་ནས་རི་སྤོ་དང་ངོས་ཆེ་བ་དེ་ཉིད་ན་རི་ཨུ་ཤི་ར་ཞེས་བྱ་བ་ཡོད་པར་འགྱུར་རོ། །དེར་དགེ་སློང་བཞི་ཁྲི་བཞི་སྟོང་འདུས་པར་འགྱུར་ཏེ་ཐམས་ཅད་ཀྱང་རྫུ་འཕྲུལ་ཆེ་བ། མཐུ་ཆེ་བ་
D111.050.0082a02.01དབང་ཆེ་བར་གྲགས་པ། གསལ་བ་དུལ་བ་འཇིགས་པ་མེད་པ། མང་དུ་ཐོས་པ་མདོ་འཛིན་པ། འདུལ་བ་འཛིན་པ། མ་མོ་འཛིན་པ། སྐྱེ་བོ་མང་པོ་ལ་ཡང་དག་པར་སྟོན་པ། ཡང་དག་པར་འཛིན་དུ་འཇུག་པ། ཡང་དག་པར་གཟེངས་སྟོད་པ། ཡང་དག་པར་རབ་ཏུ་དགའ་བར་བྱེད་པ་ཤ་
D111.050.0082a03.01སྟག་སྟེ། དེ་དག་ཀྱང་ཚངས་པར་སྤྱོད་པ་ཆོ་འཕྲུལ་དང་བཅས་པ་འདི་རྒྱས་པར་བྱེད་དེ་ལྷ་དང་མི་རྣམས་ལ་རྒྱ་ཆེ་ཞིང་ཡངས་པར་བྱེད་པར་འགྱུར་རོ། །ཀུན་དགའ་བོ་ངའི་ཚངས་པར་སྤྱོད་པ་རྒྱས་པར་འགྱུར་གྱིས་ཀུན་དགའ་བོ་ཁྱོད་མྱ་ངན་མ་བྱེད། སྨྲེ་སྔགས་མ་འདོན་ཅིག །ཀུན་དགའ་བོ་ང་
D111.050.0082a04.01འདས་ནས་རི་སྤོ་དང་ངོས་ཆེ་བ་དེ་ཉིད་ན་དགེ་སློང་ཉེ་སྦས་ཞེས་བྱ་བ་འབྱུང་བར་འགྱུར་ཏེ་རྫུ་འཕྲུལ་ཆེ་བ། མཐུ་ཆེ་བ་ནས་དེ་ཡང་ཚངས་པར་སྤྱོད་པ་ཆོ་འཕྲུལ་དང་བཅས་པ་འདི་ཡངས་ཤིང་རྒྱས་པ་དང་། ལྷ་དང་མི་རྣམས་ཀྱིས་ཡང་དག་པར་མནོས་པར་བྱེད་པར་འགྱུར་བའི་བར་དུའོ། །དེར་ཡང་
D111.050.0082a05.01ངའི་དགྲ་བཅོམ་པ་མང་པོ་འདུས་པར་འགྱུར་ཏེ། དགེ་སློང་གསོ་སྦྱོང་གི་ལས་གཅིག་པ། ང་རྒྱལ་མེད་པ། ཀུན་ཤེས་པ། བརྡ་སྤྲོད་པ། བརྒྱད་ཁྲི་བརྒྱད་སྟོང་འབྱུང་བར་འགྱུར་རོ། །དེ་དག་ཀྱང་ངའི་ཚངས་པར་སྤྱོད་པ་རྫུ་འཕྲུལ་དང་བཅས་པའི་སྤྱོད་པར་འགྱུར་ཏེ། ལྷ་དང་མི་རྣམས་ལ་ཡངས་
D111.050.0082a06.01ཤིང་རྒྱ་ཆེ་བར་བྱེད་པར་འགྱུར་གྱིས་ཀུན་དགའ་བོ་ཁྱོད་མྱ་ངན་མ་བྱེད་སྨྲེ་སྔགས་མ་འདོན་ཅིག །ཀུན་དགའ་བོ་དགེ་སློང་ཉེ་སྦས་ངའི་ཚངས་པར་སྤྱོད་པ་ཡང་ཡངས་ཤིང་རྒྱ་ཆེ་བར་སྤྱོད་ཅིང་ལྷ་དང་མི་རྣམས་ལ་ཡང་དག་པར་སྟོན་པར་འགྱུར་རོ། །ཀུན་དགའ་བོ་ང་འདས་ནས་གྲོང་ཁྱེར་སྐྱ་སྣར་གྱི་བུ་ཞེས་བྱ་བ་
D111.050.0082a07.01