完整藏文原文 · 德格版页 当前仅加载第 50 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཁྱོད་ལ་གཏད་ཀྱིས། ཁྱོད་ཅི་ནས་ཀྱང་ངའི་རྗེས་སུ་འཇུག་པར་གྱིས་ལ་དགེ་བའི་ལམ་འདི་དང་། དགེ་བའི་ཚུལ་འདི་དང་། བླ་ན་མེད་པའི་སངས་རྒྱས་ཀྱི་ཚུལ་དང་། ཆོས་ཀྱི་ཚུལ་དང་། དགེ་འདུན་གྱི་ཚུལ་འདི་རྒྱུན་མི་འཆད་པར་
D111.050.0065b01.01གྱིས་ཤིག །ང་ནི་འདིའི་སྐྱེས་བུ་ཐ་མའོ། །ཚངས་པ་ངའི་བུའི་ཐུ་བོ་གཞོན་ནུ་ཐུགས་ལས་སྐྱེས་པ། ཞལ་ནས་སྐྱེས་པ། ཆོས་ལས་བྱུང་བ། ཆོས་ཀྱིས་སྤྲུལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་སྙིང་རྗེ་ཆེན་པོ་དང་ལྡན་པ། སྐྱེ་བོ་མང་པོའི་དོན་འདོད་
D111.050.0065b02.01པ། ཕན་པ་འདོད་པ། བདེ་བ་འདོད་པ། གྲུབ་པ་དང་བདེ་བ་འདོད་པ་འོང་བར་འགྱུར་ཏེ། དེའང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཇི་ལྟར་ངས་གནས་པ་བཞིན་དུ་ཆོས་ཀྱིས་གནས་པར་འགྱུར་གྱིས་ཇི་ལྟར་ང་ལ་རྗེས་སུ་འཐུན་པར་བྱེད་པ་དེ་བཞིན་དུ་དེ་ལ་རྗེས་
D111.050.0065b03.01སུ་འཐུན་པར་གྱིས་ཤིག །ཅི་ནས་ཀྱང་ཁྱོད་ཀྱིས་དགེ་བའི་ལམ་འདི་དང་། དགེ་བའི་ཚུལ་འདི་དང་སངས་རྒྱས་ཀྱི་ཚུལ་དང་ཆོས་ཀྱི་ཚུལ་དང་དགེ་འདུན་གྱི་ཚུལ་འདི་རྒྱུན་མི་འཆད་པར་གྱིས་ཤིག །དེ་ཅིའི་ཕྱིར་ཞེ་ན། ཚངས་པ་ཇི་ཙམ་དུ་དགེ་བའི་ཚུལ་འདི་ལྟ་བུའི་རྒྱུན་མི་འཆད་
D111.050.0065b04.01པ་དེ་ཙམ་དུ་སངས་རྒྱས་ཀྱི་ཚུལ་དང་ཆོས་ཀྱི་ཚུལ་དང་དགེ་འདུན་གྱི་ཚུལ་རྒྱུན་ཆད་པར་མི་འགྱུར། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་དང་། ལྷ་དང་མིའི་ཚུལ་དང་ཐར་བའི་ཚུལ་ནས་མྱ་ངན་ལས་འདའ་བའི་ཚུལ་གྱི་བར་དུ་རྒྱུན་ཆད་པར་མི་འགྱུར་རོ། །ཚངས་
D111.050.0065b05.01པ་དེ་ལྟ་བས་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སངས་རྒྱས་ཀྱི་སངས་རྒྱས་ཀྱི་ཞིང་འདི་ཁྱོད་ལ་གཏད་དོ། །ཚངས་པ་ཁྱོད་ལ་བཀའ་སྩལ་པ་ནི་འདི་ཡིན། རྗེས་སུ་བསྟན་པ་ནི་འདི་ཡིན་གྱིས་ཁྱོད་ཀྱིས་འདི་བཞིན་དུ་གྱིས་ཤིག །ང་ནི་འདིའི་སྐྱེས་བུ་ཐ་མའོ། །
D111.050.0065b06.01དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཚངས་པ་དང་ཚངས་པ་ཆེན་པོ་ཇི་སྙེད་འཁོད་པ་དེ་དག་ཐམས་ཅད་འཕགས་པའི་ཆོས་ལ་མངོན་པར་དུལ་བར་གྱུར་ཏེ། ཚངས་པ་ཆེན་པོ་དེ་གཅིག་པུ་ནི་མ་གཏོགས་སོ། །ཚངས་པ་ཆེན་པོ་སྟོང་གི་ཚངས་པ་དེ་ཡང་
D111.050.0065b07.01