完整藏文原文 · 德格版页 当前仅加载第 50 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་ལ་བསྟན་ཅིང་སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོའི་རྣམ་པར་སྨིན་པ་ཕྱོགས་ཙམ་ཞིག་བསྟན་ཏེ། སངས་རྒྱས་ལ་དགེ་བའི་རྩ་བ་བསྐྱེད་པ་ཆུད་མི་ཟ་བ་ཡང་བསྟན་ནས། དེའི་ཚེ་ཚིགས་སུ་བཅད་པ་འདི་དག་གསུངས་སོ། །དེ་ལྟར་སངས་རྒྱས་བསམ་མི་ཁྱབ། །
D111.050.0101b01.01སངས་རྒྱས་ཆོས་ཀྱང་བསམ་མི་ཁྱབ། །བསམ་མི་ཁྱབ་ལ་དད་བྱས་ན། །དེ་ཡི་རྣམ་སྨིན་བསམ་མི་ཁྱབ། །འདུ་ཤེས་ཡོད་དང་མེད་པ་ཡི། །སེམས་ཅན་ཐམས་ཅད་ཇི་སྙེད་པ། །བསྐལ་པ་བྱེ་བ་བརྒྱ་མང་དུ། །ཀུན་གྱིས་མཆོད་པ་བྱས་པ་དང་། །རང་སངས་རྒྱས་པ་གང་དག་དང་། །
D111.050.0101b02.01ཟག་པ་མེད་པའི་དགྲ་བཅོམ་པ། །བསྐལ་པ་བྱེ་བ་བསམ་ཡས་པར། །དེ་དག་ཐམས་ཅད་མཆོད་པ་བས། །རྫོགས་པའི་སངས་རྒྱས་བཞུགས་པའམ། །ཡོངས་སུ་མྱ་ངན་འདས་པ་ལ། །གང་གིས་ཐལ་སྦྱར་གཅིག་བྱས་པ། །བསོད་ནམས་འདི་ནི་ཁྱད་པར་འཕགས། །སངས་རྒྱས་ཚུལ་
D111.050.0101b03.01ཁྲིམས་མ་ཞིག་ཅིང་། །ཏིང་ངེ་འཛིན་ལ་དབང་དུ་གྱུར། །ཆོས་རྣམས་ཀུན་ལ་ཐེ་ཚོམ་མེད། །སངས་རྒྱས་སྤྱན་གྱིས་མཁྱེན་པ་ཡིན། །གང་ཞིག་བདེ་གཤེགས་དེ་ལ་ཡུད་ཙམ་མམ། །ཉིན་དང་མཚན་མོ་བྱམས་པ་སྒོམ་བྱེད་ན། །གང་ཞིག་བསོད་ནམས་དེ་དང་མཉམ་འགྱུར་བ། །
D111.050.0101b04.01ཁམས་གསུམ་དག་ན་དེ་འདྲའི་མཆོད་པ་མེད། །བསྐལ་པ་གྲངས་མེད་འདས་པའི་དུས་དག་ན། །ལྷ་བས་ལྷག་པའི་ལྷར་གྱུར་འོད་མཛད་པ། །འཇིག་རྟེན་སློབ་དཔོན་གྱུར་པའི་སངས་རྒྱས་ལ། །ལས་དགེ་མི་ཉུང་བ་དག་ངས་བྱས་པ། །བསྐལ་པ་གྲངས་མེད་ཀུན་ཏུ་རྒྱུག་པ་ན། །བསོད་ནམས་
D111.050.0101b05.01དེ་ནི་ཟད་པར་མ་གྱུར་གྱི། །དེ་ཉིད་ང་ཡི་རྒྱུར་ནི་གྱུར་པ་སྟེ། །དེ་ཡིས་བྱང་ཆུབ་དམ་པ་ངས་ཐོབ་བོ། །འཇིག་རྟེན་ཀུན་ལ་སྙིང་ནི་བརྩེ་བའི་ཕྱིར། །སངས་རྒྱས་བརྒྱ་དང་སངས་རྒྱས་བྱེ་བ་སྟོང་། །གང་ལ་ཚེ་རབས་སྔ་མར་མཆོད་བྱས་པ། །མི་མཆོག་དེ་དག་ང་ནི་མཁྱེན་གྱུར་པས། །སངས་རྒྱས་
D111.050.0101b06.01དེ་དག་སྨོད་པར་ཡོང་མི་མཛད། །འདི་ལྟར་ང་ཡིས་བཟོད་པ་མ་ཐོབ་པས། །དགེ་བ་སྤྱོད་ཀྱང་མ་འོངས་དུས་དག་ན། །འདི་ལྟར་འགྱུར་ཞེས་ལུང་བསྟན་མ་མཛད་དོ། །གང་ཚེ་མར་མེ་མཛད་འདྲེན་ངས་མཐོང་བ། །དེ་ན་ང་ཡིས་ཨུད་པལ་ལྔ་གཏོར་ཅིང་། །རྣམ་པར་འདྲེན་ལ་རལ་པ་བཏིང་བ་དང་། །
D111.050.0101b07.01